متابع باهتمام
بالنسبة للمكان كما وضحت والاستاذ طارق وضح..كارتك العبور..بالنسبة للبلوتوث علي السامسونج النوت 2 اشتغل تمام..علي نوكيا لوميا مشتغلش mp3.
وفي السامسونج بيظهر في شاشة العدادات اسم التراك وبقلب من الطارة
تحياتي
مبروك الصيانة وعقبال الصيانة الجاية وبالنسبة للفرش عليك وعلى جينز كار هو غالى شوية بس شغلهم حلو وعندهم ذوق وكل سنة وانت طيب
الف مبروووووووووووك ياباشا ونحن اللاحقون ان شاء الله
6300ج الله يطمنك ... انا رايح الشهر اللى جاى ان شاء الله وكنت عامل حسابى على 4000- 4500 ج كده فىه 2000 جنيه زياده يبقى نأجل كمان شهر ...
بس ليه الزيادة دى كلها انا فاكر انى كنت عامل صيانه ال 60 الف ب حوالى 3700ج من غير تيل فرامل ياريت تفصيل الفاتورة...
امبارح روحت أرتوك القطامية (على الدايرى) عشان اغير تيل خلفى و قلت بالمرة اعمل موضوع البلوتوث ده ... العربية قعدت 5 ساعات فى الورشة و فى الاخر طلعو و قالولى ماينفعش ... بس واضح ان هما ماعملوش تحديث للسوفت وير لانى مالقتش فيه اى اختلاف عن قبل كده . بافكر اروح كارتك العبور لان واضح ان بتوع ارتوك دول ضايعين.
انا بس عايز اسأل أستاذ Inspiron سؤالين .. (معلش انا عارف انى اتقلت عليك و صدعتك) :
- هو لما عملو Update حسيت ان الMenu بتاعة الشاشة اللى فى العدادات اتغيرت (قى حاجات زادت او اسمها اتغير) لان انا مش قادر اعرف هما عملو تحديث فعلا و لا بيتسعبطو
لو فى حاجة تعرفك ان السوفت وير اتعمله تحديث ساعتها هاشوفها ا عندى ... لو طلعو أرتوك عملو تحديث فعلا يبقى مالوش لازمة اروح العبور و انا ساكن فى الهرم لانه مافيش حاجة يعملوها زيادة فى كارتك ... لو طلعو أرتوك ماعملوش تحديث و بيستعبطو يبقى هاروح كارتك العبور. أنا فاكر ان فى عربية واحد معرفة 2012 كانت المسافة اللى العربية مشيتها من ساعة مادارت بتكتب Distance و انا عندى بتتكتب Route ... انت عند حضرتك كانت ايه قبل التحديث و هل اتغيرت ولا لا ؟؟
- السؤال التانى هو كارتك العبور ده يتراح ازاى عشان انا ماعرفش الطريق
شكراً مقدما و أسف على الاطالة
ملحوظة عربيتى موديل 2010 وكيل زى حضرتك بس انا استلمتها فى شهر 8 سنة 2009 (انا كنت تانى دفعة تنزل مصر بعد الدفعة اللى نزلت من غير مالتىفانكشن)
يا باشا تحت أمر حضرتك..قبل التحديث كانت العربية بتكتب route ودلوقتي بتكتب distance ولما بكون موصل التليفون في 4 شرط بيظهروا علي الشاشة اللي هما الـ signal مكانوش بيظهرو قبل كده.ولما بجيب الإستهلاك بتاع البنزين بقا بيكتب since start مكانش بيكتبها قبل كده.وحاجة كمان لما العربية تدور الشاشة بيبقي مكتوب في اليمين فوق بيانات الغيار عادي وجنبها الناحية التانية بيكتب SE معرفش بتاعة إيه.
ملحوظة أنا عربيتي 5/2010
والـ Module بتاعها هو اللي موجود في الـ 2011 لهذا السبب قبلت التحديث.في عربيات الـ Module بتاعها مختلف.ومعنديش فكرة ينفع تقبل التحديث ولا لا.