عدى علينا فى مداخلاتنا السابفة ان اللانوس فيها نوعين مواتير مختلفة و ناس كتير سالت على الفرق بينهم و اى موتور موجود فى اى موديل فا فكرت اعمل الموضوع دة لتوضيح الفروق و الاجابة على الاسئلة
اللانوس ظهرت فى مصر من عام 98 و كانت موجودة باسم لانوس 1 و كانت اما هاف اوبشن مانيوال او فول اوبشن اوتوماتك... العربيات دى نزلت بموتور فيه حساس اكسجين و علبة بيئة و EGR دى صورة الموتور دة
http://i83.photobucket.com/albums/j3...ootech/egr.jpg
الموتور دة مصنف تحت فئة TLEV للانبعاثات الضارة للبيئة و بيبقى فيه امكانية تحديد درجة الاوكتين اللى العربية حتمشى علية من خلال فيشة الاوكتين
لما ظهرت اللانوس 2 فى اواخر 2000 نزلت هاف و فول اوبشن مانيوال ( و فيه شوية اوتوماتك فى الخباثة) بس فى الموديلات دى ظهر موتور مختلف شوية على العربيات الهاف اوبشن و دى صورتة
http://i83.photobucket.com/albums/j3...7_9_full-1.jpg
و هو مختلف لانة مفيهوش حساس اكسجين ولا EGR ولا علبة بيئة و فيه potentiometer لضبط الموتور و مكانة خلف البطاحة الشمال
http://i83.photobucket.com/albums/j3...h/Image081.jpg
و الموتور دة حسب ما قريت مصمم لاستخدام البنزين المعالج بالرصاص و بالتالى مفيهوش حساس اكسجين ولا علبة بيئة
و حسب برضة اللى قريتة اعتقد ان المواتير دى بتعتمد على fuel maps من الكمبيوتر طول الوقت لان مفيش حساس اكسجين يقدر الكمبيوتر يضبط نسبة الهواء و الوقود منها و بالتالى بيعتبر اكنة شغال فى open loop طول الوقت
و فى عدة تجارب و جريات كانت دايما العربيات اللى بموتور من غير حساس اكسجين اسرع من العربيات اللى بحساس اكسجين مما يرجح امكانية ان maps اللى فى كمبيوتر العربيات دى افضل من المشى ب closed loop بس طبعا دة بيلوث البيئة اكتر
ايه الحكمة ان اللانوس الفول اوبشن تنزل بالموتور اللى فيه حساس اكسجين و الهاف تنزل بموتور مفيهوش حساس غير معروف... يمكن تكون المواتير دى ارخص من المواتير اللى بحساس اكسجين ( و دة تصور منطقى) و كان فرصة لتقليل تكلفة الهاف عن الفول اوبشن... محدش عارف
MMamdouh