الموضوع: ايهما ارخص فى قطع الغيار لانسر بومه ولا بيجو 301

اللانسر تكنولوجيا سنة 2003
يعنى مثلا لو كشاف اللانسر الامامى سعره في التوكيل 1000 (مثلا) وبتاع الـ 301 اللى فيه موتور بـ 1400 ( سعره فعلا بالضريبة ) يبقى كدة فانوس الـ 301 هو الارخص لانه تكنولوجيا افضل ...

يعنى بغض النظر مين ارخص حط في اعتبارك ان الموضوع مش مجرد ارقام ...


كان في موضوع لاسعار 301 بص عليه ودور على اسعار قطع غيار البومة وقارن ، الفكرة في البومة العملية الشديدة والبدائل المتعددة والموجودة في كل حتة لقطع غيارها بعكس البيجو طبعا (لحد دلوقتى)

انما البومة كأسعار قطع غيار توكيل اعتقد انها غالية مش رخيصة خالص

المشاركة الأصلية كتبت بواسطة amro0000

استاذي الفاضل .... بعتذر لو رأأي اختلف معاك بس هقولك كام حاجة علي حسب خبرتي الضعيفة بس التفكير في الشكل والتحديث والله هوة الي جاب الشعب والناس ورا وخلاهم يجرو ورا الحديث لمجرد الشكل والاسم وخلاص وبننسي الجودة والمتانه والعملي اكتر والي يخدمنا اكتر يعني انا معاك انه لازم يكون فية تحديث بس مش معني كدة ان الانسر البومة خلاص شكلها بقا قديم اوي وبقاله مثلا 50سنة طب ماهو شكل العربية حلو وشبابي وكلاسيك في نفس الوقت ومقبول والناس حباة وعملية جدا جدا احسن مثلا ماجبلي هونداي كوري عربية متستحملش عفشتها سنة وتلاقيها بتبدأ تودع ولا عربية ورقة مع اول خبطة تلاقيها ودعت عمالين احنا نهتم بلشكل والتحديثات والتغيرات بس مش بنبص للجوهر يعني انا في نظري الانسر احسن من البيجو مش عشان معايا لانسر والله بس دي حقيقة البيجو عربية ممتازة محترمة جدا وقوية بس تعالي شوف بلدك انتة اكتر عربيات بتتركب عندك الياباني سواء لانسر كرولا غيرة وغيرة ودي عربيات عليها الطلب كتير ووقت ماتقول يا بيع هتبيع وتمسك فلوسك ووقت ما تعوز قطع غيار هتنزل وهتلاقي انما اسمحلي البيجو دي لو احتاجت قطع غيار في عفشة ولا غيرة ولا غيرة والراجل مش مقتدر يروح التوكيل يجبلها قطع غيار هيعمل اية؟؟؟؟ الفرنساوي معروف والالماني قطع غيارة نادرة وقليله وغالية جدا وكل واحد فينا عاوز حاجة في المتناول قطع غيار ميدوخش عليها وعربية عملية وتخدم انا شايف الياباني عموما في اي حاجة عربيات او اجهزة صناعة محترمة وجودة ممتازة ومعمرة غير الياباني والالماني معتقدش هتلاقي حاجة تستحمل زيهم بس تعالي قارن بين الياباني والالماني هتلاقي اليباني يكسب في رخص قطع الغيار جودة وعمر اطول لاكن الالماني مشكلته غلو اسعار قطع الغيار وانها نادرة لو هنفضل نتكلم علي الشكل هقولك فية عربيات كتير قوية اوي وتستاهل احسن من عربيات زيرو يكفي هقولك مثلا انا كان معايا عربية رينو فيوجو كوبية موديل 82 لو اقولك العربية دي تتفوق علي الانسر وعلي اي عربية نازله جديدة من الهونداي العربيات الصيني دي مش هتصدقني والناس متكلمتش عنها عشان ندرة قطع غيارها تقريبا معدومة فالي عاوز اوصله الي بيشتري لازم يفكر في الحجات دي قطع غيار متووووووووووووووفرة متوفرة ودي اهم حاجة وسعر حلو معقول وعربية اعطالها قليله وتستحمل ووقع البيت والشراء تلم فلوسك اعتقد ان الفرنساوي وقت البيع بنعد كتير علي ما يتباع ولو احتاجت قطع غيار بنجبلها بطلوع الروح يعني ياريت نبوص علي الاسهل والحاجة العملية وبلاش بقا حكاية الشكل دي الي اخرتها ورا وخلتنا نهتم بلمظاهر وخلاص اهم حاجة عربية عملية كويسة تأدي الغرض

هقولك على حاجة
انت اولا بتناقض نفسك في الكلام لانك في الاول قلت بقينا نبص للشكل بس ، والمهم الجوهر ، ورجعت استبعدت البيجو 301 مش عارف ليه

ثانيا انا الفانوس عندى واحد خبطنى والعربية واقفة وكسره ، نزلت اشتريته كامل باللمبات كلها بـ 1400

سألت من باب حب الاستطلاع على فانوس الاكسنت (المفروض اقل عربية في الكوري الجديد) لقيته بـ 1550 فاضى واللمبة بـ 850 جنيه !

مش كل الالمانى والفرنساوى غالى ومش كل الكوري واليابانى رخيص