ربنا يباركلك فيها
عرض للطباعة
ربنا يباركلك فيها
بالنسبة لفتحة السقف بصراحة انا كنت متردد بس بعد ماجبتها ولو تشوف حضرتك التقرير هاتلاقي الموضوع مختلف احنا مش بنتكلم عن فتحة سقف احنا بنتكلم علي سقف بانوراما شبة كامل مع امكانية فتح الجزء الامامي وبمنتهي الامانة متعة تستحق كل مليم وكنت هاندم لو ماكنتش جيبتها
المشكلة بس دلوقت ان الوكيل جاب تقريبا 18 عربية هاي لاين ونام بعدها واعتمد علي الفئة الوسطي من الاوتوماتيك لانها بالتاكيد الاقبال هايكون عليها اكبر
بس علي كلام الكيل لواحد زميلي عاوز هاي لاين اتقالة بعد العيد احتمال دفعة تخش والله اعلم
كل عام وانتم بخير
النهاردة انا سافرت للغردقة ووصلت من شوية بفضل الله
تجربتي مع السفر
اولا الاستهلاك فوق الممتاز 7.2طول الطريق بمتوسط سرعات 120 الربع, 160 -180 تلت المسافة وسرعات مختلفة باقي المسافة
الاستهلاك كان بتارجح بين 7 و 7.6 ومعظم الوقت 7.2 لتر\100 كم
ملحوظة هامة
الموتور دة مالوش حل بيجمع بسرعة جدا لحد 160 بعدهابيكون الاداء اقل
الصوت هادي جدا
العزل ممتاز
التكييف انا كنت سقعان وعاملة 24-25
الثبات
لحد 150 كم\ساعة والله الثبات ممتاز والتحكم دقيق ماحستش باي مشكلة "ماخلاص اتعودت عليها" بعدها كويس بس عن نفسي مش زي السيدان طبعا
مع ملفات الزعفرانة لم اعاني من اي مشكلة بالنسبة للاتزان او الثبات مع اني كنت سريع بس بعقل زي ماتفقنا قبل كدة
حصلت معايا مشكلة اني دخلت في سن مدبب منهم لله علي الطريق وانا علي 150 والكاوتش الامامي ضرب بس بفضل الله كنت قريت كذا موضوع عن ماذا تفعل في حالة انفجار الاطار الامامي
الموقف دة لم استخدم معة الفرامل فقط تشعيير بعد مابدات اهدي لحدماوقفت خالص
المفاجاءة ان الاستبن مش جنط لا فردة صغيرة شكلها يعر المهم ركبتها وحمدت ربنا وتوكلت علي الله
ملاحظة كمان الاستبن بينزل من تحت مش من قلب العربية
ربنا يسترها معانا جميعا
ما شاء الله تبارك الله , سيارة تحفة بمعنى الكلمة وكماليات أكثر من رائعة
تقرير ممتاز بجد , ربنا يبارك لك في السيارة ويعطيك خيرها ويبعد عنك العين ومشاكل الطريق .
كل عام وأنت بخير وعيد سعيد إن شاء الله .
حمدلله على السلامه وربنا سترها معاك ربنا يسترهاعلى الجميع
احنا بنشكر حضرتك على التقيم الرائع ده
وياريت كل فتره تبقى تفتكرنا و تقولنا على انطباعاتك سواءكانت ايجابيه ا وسلبيه وان شاء الله منتظرين تقيم حضرتك لرحلة العوده بسلامه ان شاء الله
وتمنيتنا رحله سعيده ان شاء الله
تقرير ممتاز ربنا يباركلك فيها