كنت عاوز اسالك ...انا عاوز اجيب الفئه الاولى lxاوتوماتك فيها مشكله لان هى الان سعرها 174 .....رايك ايه
عرض للطباعة
كنت عاوز اسالك ...انا عاوز اجيب الفئه الاولى lxاوتوماتك فيها مشكله لان هى الان سعرها 174 .....رايك ايه
معلش انا مش فاهم سؤال حضرتك بالضبط بس هاحاول اجاوب علي قد مافهمت
بالنسبة للفئات المختلفة الاختلافات بتكون في الكماليات بمعني
الموتور واحد الفتيس واحد التعليق والعفشة واحد
الاختلاف بيكون في
الجنوط المرايات التكييف اتوماتيك او عادة"بكر يعني" فتحة السقف ممكن الايموبيليزر
انما العربية نفسها واحد فامفيش مشكلة منها
لو قصدك من ناحية الاقبال علي انهي فئة فدة يرجع لفرق السعر بين الفئات المختلفة وما تحصل علية من كماليات في المقابل فلو فية فئة بتزيد مبلغ معين ومقابلة كماليات متعددة تستاهي الفرق واكثر فدي الفئة اللي بيكون عليها اقبال
كمان بتتدخل القدرة الشرائية للشخص اللي بيشتري وعلية فية ناس تضحي بالكماليات مقابل انة يجيب سيارة اعلي في الفئة وفية ناس مابتتنازلش عن حد ادني من الكماليات
بالنسبة للكارينز الفئة اللي انت بتتكلم عليها اعتقد ان فيها كماليات معقولة يعني مش هاتلاقي اوكرة للزجاج مثلا او مافيهاش تكييف
انا عن نفسي ماعرفش اية الكماليات اللي فيها بالضبط علشان احكم عليها بس اعتقد ان سعرها مميز بالنسبة لكونها ب 174 الف
اتمني اكون جاوبت علي سوألك وتحت امرك لو فية حاجة تانية تحب تسأل عنها
شكرا... يا باشا على الرد....فيه ناس بتقول ما تستهلش الفلوس دى ...وناس تقول جامده....والمشكله انها بتخسر كتير بعد كده لو حبيت تبيعها .ز..فا انا حابب اطمن بس ليها من الناس الى جربتها ...وانا ما شوفتش هنا حد جربها الا واحد او اتنين وده حاسس ان يضعف العربيه....مشكور للرد
اولا موضوع انها ماتستهلش الفلوس دي ممكن نبص علي التقييمات بتاعتها برة واراء المتخصصين ومقارنتها بالموديلات من نفس الفئة , هاتلاقي ان اغلب المتخصصين مديين للعربية تقييم عالي جدا في كل شئ تقريبا انا كنت حاطط لينكات للمواقع دي في موضوعي تقدر حضرتك ترجعلة
الحاجة الاهم فية كتيير من الناس مش متخيلة ان النيوكارينز 2014 مالهاش علاقة بالكارينز القديمة خالص دي حاجة والقديمة حاجة تانية تماما
اللي بيحصل انكل واحد بيقارن يقوللك ان القديمة كانت ارخص كتيير مش عارف حد عندة معلومة اخر سعر للقديمة كان كام "علي حد علمي كان 165 الف الدولار كان بكام ودلوقت بكام احنا بنتكلم علي حاجة مستوردة بالكامل فامينفعش الدولار يزيد وسعر العربية مايزيدش بنفس القيمة
موضوع الخسارة بعد البيع
موضوع انا مافكرتش فية بدرجة كبيرة وان كان مهم بس بالنظر للمعروض مستعمل هاتلاقي ان الفرق مش كبير وهيا بتتحسب بالنسبة
يعني عربية ب 100 الف لما تتباع مستعملة بعد سنة هاتتباع اقل ب 15% مثلا اللي هما بالارقام 15 الف طب لما تكون عربية ب 200 الف هاتخسر كام اكيد حواليين نفس النسبه اللي هيا 15 % يبقي الخسارة كام 30 الف وعمرها ماهتوصل لكدة كبيرها 20 الف
بالنسبة للانتشار احب اقول لحضرتك امشي علي الدائري او التجمع او م. نصر وانت تشوف انخا بتنتشر وبتزيد كل يوم مافيش عربية بتنزل بتحقق انتشار من اول مابتنزل بتاخد شوية وقت عقبال ما المستهلكين يشوفوها ماشية واتجربت
انا تحت امرك في اي سؤال وربنا يوفقك لاختيار الافضل
تحياتي
موضوع ممتاز جزاك الله خيرا..انا نفسي اجيبها 7 راكب بس الاسعار غليت قوي دلوقتي
هل يوجد سبب مقنع لعدم انتشار السيارة دى ؟؟؟؟؟؟؟؟؟
السبب الوحيد هو سعرها المبااالغ فيه جداً بالاضافه الى المبالغة فى اسعار قطع غيارها ، كل ده خلى الناس تروح للكارينز القديمة اكتر من الجديده ورفع اسعار الكارينز القديمة هى كمان
انا عايز اسئل حضرتك سؤال بعد فترة الاستخدام دي
الي انا اعرفة ان سعر الهاي لاين في الكارينز هو سعر الفئة الاولي في الاسبورتاج و الix 35
ممكن افهم لية حضرتك فضلت الكارينز عليهم و خاصة الاسبورتاج
ممكن استأذن حضرتك واجاوب انا على السؤال ده :
الكارينز اوسع من السبورتاج بمراحل ممكن تكون السبورتاج اعلى ودي ميزة محترمة جداً في شوراعنا ، بس الكارينز عربية عائلية من الدرجة الاولى ، شنطة واسعة جداً وصالون اوسع واشيك بكتير من سبورتاج ، كارينز شكلها احلي من السبورتاج بكتير من وجهة نظري انا وليس مقياس لاحد ، الكارينز تاخد سبعة راكب مرتاح انا كنت مسافر بيها انا ومراتي وولادي التنين وحماية وحماتي واخو مراتي ومراته ، والله كانو قاعدين مرتا حين جداً من القاهرة لاسكندرية والعكس ، الكارينز فيها مساحات تخزين بالهبل اكتر من السبورتاج بكتير ، الكماليات اللي موجودة في الكارينز هاي لاين اكتر من السبورتاج اللي في الفئة الاولي ونفس السعر ، الموتور اللي في سبورتاج وكارينز واحد لكن هو افضل مع الكارينز لان حجم البودي اصغر وبالتالي السحب اقوي حتى مع بنزين 92 ، لو حضرتك عندك اسرة كبيرة وبيركب معاك ناس كتير الكارينز تكسب ، لو الطريق بتاع حضرتك فيه مطبات وحتت مكسرة يبقى السبورتاج تكسب ويزيد على ذلك ان الكارينز هاي لاين فيها كل حاجة ممكن تتخيلها ، لكن السبورتاج اول فئة تقريبا فيها الكماليات الاساسية وينقصها حاجات كتير ولو بتفكر في الكارينز هات وكيل مش خليجي، وتحياتي ليك