افيدوني يا اهل الرينو في عربية لوجان

السلام عليكم اولا
هخش في الموضوع على طول
انا معروض عليا عربية رينوه لوجان 2011
بس عشان انا مبفهمش في العربيات خاااااااااااااالص و دي ان شاء الله اول عربية ليا
العربية مواصفاتها :
رينوه لوجان 2011
راشة برة
فبريكة من جوة
مفيش فيها غير التكيف اللي مش شغال

على حسب كلام الي جايبهالي انها رشة برة عشان كان فيها كذا خبطة كدة و صاحبها حب يرشها عشان الشكل العام
بس انا سالتة الخبطات دي جامدة ولا اية قالي لا كلها حاجات بسيطة ,قولتة يعني مش حادثة ولا مغيرة شنطة ولا باب ولا جنب قالي لا العربية مفيش اي حاجة فيها متغيرة هو بس كان بيخبطها كتير و حب يرشها عشان شكلها

المهم العربية مبدئيا مطلوب فيها 45 الف
طبعا انا مستال المبلغ فيها و دة مقلقني جامد منها و هو حس كدة عشان كدة قالي هات سمكرية وكهربائية و هات كل اللي انت عايزة و خلية يشوف العربية و بيتكلم بقلب جامد جدا

على حسب كلامة العربية مش مغيرة سلك من جوة مفيش بس الا التكيف مش شغال عايز يغير مسورتين او حاجة زي كدة

-المطلوب منكم رايكم اية في السعر و العربية
يعني اتكل على الله اشتريها ولا اقلق و بلاش منها مع اني شايفها فرصة حلوة اوي
بس حلوة لدرجة انها تقلق الواحد

-ثانيا عايز رايكم في الرينو لوجان بصفة عامة

-ثالثا و دة الاهم انا عايز منكم شوية نصائح و انا بشتري اول عربية ليا عشان انا ميح
من الاخر كدة انا عايز كل واحد فيكم يعتبرني اخوة الصغير و يقولي اللي في قلبة


شكرا

هو اولا السعر ده قليل جدا عليها بالنسبه لموديل 2011 ولو كانت سليمه.

ثانياهى هاف اوبشن ولا كامله؟

ثالثا التكيف مش شغال ليه بالضبط والماسورتين دوول مجرد مسدودين ولا مكسورين دى حاجه تشكك برضه لأن انا حاسس انه ممكن يكون باظ من حادثه ممكن يكون فيه حاجه مكسوره

اعتقد كده بالسعر ده والحاله دى انها كانت عامله حادثه وصاحبها شدها شويه وعايز يخلص منها لأن سعرها غريب شويه

لو عجباك انصحك ان تكشف عليها فى التوكيل فقط وهو يقولك تاريخها بالضبط ويقولك كمان صاحبها كان ملتزم فى الصيانه الدوريه ولا لأ ومتستعجلش في قرارك.

اقتباس:

---

المشاركة الأصلية كتبت بواسطة k.lotfy

هو اولا السعر ده قليل جدا عليها بالنسبه لموديل 2011 ولو كانت سليمه.

ثانياهى هاف اوبشن ولا كامله؟

ثالثا التكيف مش شغال ليه بالضبط والماسورتين دوول مجرد مسدودين ولا مكسورين دى حاجه تشكك برضه لأن انا حاسس انه ممكن يكون باظ من حادثه ممكن يكون فيه حاجه مكسوره

اعتقد كده بالسعر ده والحاله دى انها كانت عامله حادثه وصاحبها شدها شويه وعايز يخلص منها لأن سعرها غريب شويه

لو عجباك انصحك ان تكشف عليها فى التوكيل فقط وهو يقولك تاريخها بالضبط ويقولك كمان صاحبها كان ملتزم فى الصيانه الدوريه ولا لأ ومتستعجلش في قرارك.

---

اولا شكرا لاهتمامك ^_^
ثانيا انا كنت فاكر كدة عشان موديلها جديد (2011)
بس انا لما سالت السمكري اللي هو يعتبر السمسار واللي شغال عليها و رشها قالي لا مش عاملة حادثة دة هي خبطات عادي و قالي هات اللي انت عايزة و اكشف على العربية زي ما انت عايز بيتكلم بقلب جامد اوي

هو مفروض سعرها يبقى كام صحيح لو موديل 2011 و راشة برة من غير حادثة ؟؟!!

اقتباس:

---

المشاركة الأصلية كتبت بواسطة maatouk

اولا شكرا لاهتمامك ^_^
ثانيا انا كنت فاكر كدة عشان موديلها جديد (2011)
بس انا لما سالت السمكري اللي هو يعتبر السمسار واللي شغال عليها و رشها قالي لا مش عاملة حادثة دة هي خبطات عادي و قالي هات اللي انت عايزة و اكشف على العربية زي ما انت عايز بيتكلم بقلب جامد اوي

هو مفروض سعرها يبقى كام صحيح لو موديل 2011 و راشة برة من غير حادثة ؟؟!!

---

العفو على ايه... :)

في اعتقادى الشخصي ان السمكرى ده حيطلعله عموله مثلا من البيعه فلازم حيقولك كده ويشكر فيها عشان يديك الثقه او ممكن فعلا مش عامله حادثه بس الموتور ممكن يبقى فيه حاجه كبيره وهو اكيد ما يفهمش فيه لأنه سمكرى فلازم تخلى بالك وزى ما قولتلك تكشف فى التوكيل او عند حد بيفهم فى الرينو

بالنسبة للسعر للاسف انا معنديش خبره قوى في الحكايه دى بس في اعتقادى الشخصي ما تقلش عن 60000 او اقل حاجه بسيطه

وان شاء الله بقيت الأعضاء برضه يفيدوك فى الموضوع ده لأنهم اكثر خبره منى في المواضيع دى

فيه حاجه برضه حاول تعرف عداد العربيه والكماليات بتاعتها عشان ده برضه بيفرق فى السعر

وربنا يقدملك اللى فيه الخير ان شاء الله

الرجاء غلق الموضوع العربية خدت ناس و روحت شوفتها و طلعت مش كويسة