.:امبريزا2008-2009-Sedan-من أبو غالى-السيدان وصلت مصريارجالة 1500وال2.0ديزل فى الطريق

فى البداية شكر للأستاذ - خالد عادل Khaled_Adel - لانه كان صاحب السبق ده -
----------------------------------------------------------------------
جارى معرفة الأسعار ... بكره بالكتير نجيبها .......
-
العربية ظهرت من أسبوع فقط على الموقع الرسمى لسوبارو
http://www.subaru-global.com/09impreza.html
.. والتوكيل جابها بسرعة الصاروخ ..
العربية نفس الهاتشباك فى الكماليات ... لكن لسه السعر مش معلن
--
انتظروا المفاجأة القنبلة .:::::::::::::::
امبريزا 2000 سىسى Disel ديزل من أول نوفمبر ......... !!!! حتبقى تحفة سيدان و هاتش
شكر مرة أخرى لاستاذ خالد على الصور دى

http://nilemotors.net/Nile/showthread.php?t=38266

وده ال Data Sheet للسيدان ..
-

اقرأ ومتع عينك ... الشاسيه ال 2.5 هو هو ال 1500 السيدان .. يا معلم الاكصدام ده وهمى وغير السيدان2008 ...... ده اكصدام شبه الليجاسى كده


http://www.subaru-global.com/09impreza_spec_4d.html

العربية مفيهاش دويل رانج :( Dual Range Gear على حسب كلام الموقع

اقتباس:

---

المشاركة الأصلية كتبت بواسطة ahmad7610

العربية مفيهاش دويل رانج :( Dual Range Gear على حسب كلام الموقع

---

يعنى ايه يا باشا

يعني إيه ديوال جير ؟؟؟

Dual Range هو فتيس فيه اتجاهين High/Low
بيكون فى العربيات الامبريزا الهاتشباك المانوال فقط ال 1500 سىسى بس
وده اسمه فتيس مساعد لصعود المرتفعات .... وبيكون خلف الفتيس العادى
وبرضه بيزود عزم العربية ..... فى الطلعة لما بيكون على LOW
لاوم تدوس دبرياج وانت بتنقله .. ويجب ان يكون على وضع العزم العالى أو الواطى ... مفيش وسط ... وده زى ما قولت فى مانوال بس وواضح انه اتشال فى موديلات 2009 السيدان .. مش عارف ليه

راجع موضوعى....
http://nilemotors.net/Nile/showthread.php?t=13604

يعنى خلاص الهاتش باك مش هتنزل ولا هينزل الاتنين مع بعض؟

شكرا على الرد

الاتنين مع بعض ..... لكن لسه مش باين الهاتش 2009 زى ما هى ولا فى فروقات ....

ياريت بس العربيه تاخد حقها لاني بحترمها جدا
بس توكيلها الهمام مفطسها
و بتيجي العربيه و تروح و لا حد بيسمع عنها حاجه
مفيش دعايه كافيه

بس الديزل ال 2.0 مينفعش ينزل مصر عشان الجمارك لإن كده سعرها حيعدي ال 250 ألف جنيه

انا اتصلت باابو غالى وعرفت سعر العربية السيدان
1500cc
107 حصان
--
المانيوال - 129.900
الاتوماتيك - 139.900

اغلى من الموديل السيدان القديم 7 الاف جنيه
بس هل الاوتوماتيك دا اعلى فئه اللى ب اسبويلر و فتحه سقف و لا لا ؟؟

اقتباس:

---

المشاركة الأصلية كتبت بواسطة blazer

اغلى من الموديل السيدان القديم 7 الاف جنيه
بس هل الاوتوماتيك دا اعلى فئه اللى ب اسبويلر و فتحه سقف و لا لا ؟؟

---

لا مش اعلى فئة فى فئة بـ 149 تقريبا حاجة زى كدة

غالية .... لا تعليق

غالية اوى
لازم تبقى ارخص من كدة عشان الناس تبتدى تجبها

مبالغ اوى فى سعرها يعنى سعرها اغلى من اللى فاتت الى كانت ب 132 فول اوبشن تبقى ب 149 الف
فرق 17 الف جنيه حررااام

انا مش شايفها غاليه,,
شوفو الكورولا بكام و اللانسر الجديده بكام!!!!!

اقتباس:

---

المشاركة الأصلية كتبت بواسطة mosso

انا مش شايفها غاليه,,
شوفو الكورولا بكام و اللانسر الجديده بكام!!!!!

---

dool 3arbyat habe3ha hageb flosha
laken subaru hagebha we lama abi3ha ha7'sar feeha awyyyyyy
sa7 wala ana 3'ltan?!?!

ما هو لو حضرتك جايبها بغرض التجاره خلاص هات كورولا ,
انما معرفش حد جاب امبريزا عشان يبيعها لانه بيكون عارفها و عارف عيوب السعر قبل ما يشتريها ,
و كمان ما الماذدا بنفس السعر و سعرها بينزل عن السوبارو كمان و عربيه حلوه
و الفيكترا سعرها بينزل جامد و منتشره برضه,
و غير كده السوبارو بدأت تنتشر جامد فاعتقد ان ده هيعدل موضوع سعر اعادة البيع

احمد باشا احنا هنا السوبارجيه يعني فريق واحد وكله بيكمل كله ولا شكر على واجب يا جميل
انا مش عارف ازاي حينزلو 2000 ديزل في مصر والجمارك مش حينفع خالص
والصراحه السيدان احسن بكتير وده رأي من زمان بس المفروض انها مش اغلى بالعكس مش عارف ليه التوكيل غلى كده الله اعلم

اقتباس:

---

المشاركة الأصلية كتبت بواسطة mosso

ما هو لو حضرتك جايبها بغرض التجاره خلاص هات كورولا ,
انما معرفش حد جاب امبريزا عشان يبيعها لانه بيكون عارفها و عارف عيوب السعر قبل ما يشتريها ,
و كمان ما الماذدا بنفس السعر و سعرها بينزل عن السوبارو كمان و عربيه حلوه
و الفيكترا سعرها بينزل جامد و منتشره برضه,
و غير كده السوبارو بدأت تنتشر جامد فاعتقد ان ده هيعدل موضوع سعر اعادة البيع

---

مش موضوع تجاره
انما مش ابقى شارى موديل ال 2007 فول اوبشن ب 132 و اجيب ال 2009 ب 149
والفرق بينهم مش كبير فى الاداء يعنى مش الفرق الشاسع
زى مثلا فرق الاداء الرهيب فى الكرولا القديمه والجديده والانسر القديمه والجديده و كمان السيفيك القديمه والجديده
انا مش بقول انها اقل منهم فى حاجه
بس برده انتشار العربيه و سمعتها فى السوق بتضع حدود لامكانيه رفع سعر العربيه على الاقل عشان تحقق الانتشار
على سبيل المثال
لو تفتكر الانسر البوما اول اما نزلت موديل 2004 تقريبا كان اول اوبشن فى ال 1300 مانيوا كان ب 73000 جنيه لوقتى ب 90000
(تقريبا مش فاكر الارقام اوى )
وكمان الالنترا اول فءه فيها كانت ب 94000 لما نزلت دلوقتى ب 104000
ولسه الناس بتشترى ليه ؟؟
عشان دى عربيات الناس بتجبها على اساس السمعه و سعر اعده البيع فيغلوا زى ما الوكيل عاوز والناتس مش بتقول لا و بتجيب برده
انما رفع سعر الامبريزا كدا هيحد من انتشارها جدا

اقتباس:

---

المشاركة الأصلية كتبت بواسطة mosso

ما هو لو حضرتك جايبها بغرض التجاره خلاص هات كورولا ,
انما معرفش حد جاب امبريزا عشان يبيعها لانه بيكون عارفها و عارف عيوب السعر قبل ما يشتريها ,
و كمان ما الماذدا بنفس السعر و سعرها بينزل عن السوبارو كمان و عربيه حلوه
و الفيكترا سعرها بينزل جامد و منتشره برضه,
و غير كده السوبارو بدأت تنتشر جامد فاعتقد ان ده هيعدل موضوع سعر اعادة البيع

---

tab efred la kadar allah
7asalak ay zarf we geet tebi3 el 3rbya
mesh ht3raf we hat7'sar awy

heya 3rbya to7fa ana ma2oltsh haga laken lazem el wakel ye7wl ye7'liha tantasher shewaya aktar
yenazlo models ar7'as 3ashan el so2 el masry 3ayz el ar7'as mesh el a7san
be dalel el seeny wel hyundai ely maly el balad

بس هو فعلا في فرق بين 2007و 2009 في الكماليات و الوسع الكبير و في اداء المحرك,
انا معايا 2007 و مقتنع تماما ان 2009 احسن بكتير في كل حاجه ما عدا الشكل الي في رأيي هو غلطة السوبارو الجديده الوحيده
انما كمحرك , كاداء , ككماليت كلها لصالح ال2009
فطبيعي انها تغلى
غير كده العربيات كلها غليت في خلال السنتين فطبيعي انها تغلى برضه
و غير كده الاقبال على العربيه زاد جدا و ده الي خلى جشع ابوغالي يزود سعر العربيه على مزاجه,
و غير كل ده العربيه زادت تقريبا 20 الف جنيه في حين الكورولا زادت 40 الف تقريبا
و لو السوق عايز فعلا الارخص ماهو ده مش مبدأ
لان عربيه رخيصه يعني اقل في الخامات و اقل في مواصفات الامان و اقل في الجوده لان كله بتمنه,
و سياسيا المواد الخام غليت على المستوى العالمي فعشان ينتجوا سياره بنفس المواصفات و احسن كمان يبقى لازم السعر يغلى ( وجهة نظر شخصيه )

اقتباس:

---

بس هو فعلا في فرق بين 2007و 2009 في الكماليات و الوسع الكبير و في اداء المحرك,
انا معايا 2007 و مقتنع تماما ان 2009 احسن بكتير في كل حاجه ما عدا الشكل الي في رأيي هو غلطة السوبارو الجديده الوحيده
انما كمحرك , كاداء , ككماليت كلها لصالح ال2009

---

انا شايف يا mosso ان الميزتين الوحيدتين هي وسع الصالون و شكل العدادات... انما فرق الآداء يكاد يكون غير موجود.. بالنسبه للكماليات فمفيش غير المرايات الضم و سخانات الكراسي في الـRK بس في المقابل التكييف مفيهوش auto لبكره درجه الحراره. ده غير ان خامات التابلوه في شكل 2007 احسن كتير (جلد) بينما هيه بلاستيك في 2008. كمان انا اتفرجت على العربيه السيدان من يومين.. الشنطه كمان اصغر من الـ 2007.. و مفيش موديل بفتحه سقف.

عموما انا ملاقيتش فيها حاجه تغريني اغير عربيتي بيها... خصوصا ان شكل الهاتش باك عجبني اكتر من السيدان.

لا انا مش بتكلم على انها احسن من 2007 بالفرق الي يخلينا نغير,
بس انا بتكلم في فرق امكانيات و مواصفات امان اكتر طبيعي انها تزيد في السعر ده غير ان فعلا المواد الخام غليت فطبيعي الاسعار تزيد,
انا ببرر بس سبب الزياده مش بمدح في الجديده على حساب القديمه
بس هو فعلا الكماليات الي نزلت و مواصفات الرفاهيه زادت
زي الكاسيت الcd\mp3 الجديد و وصلة AUX , i-pod و سخانات الكراسي و مرايات ضم و 8 airbags و دعامات زياده في الابواب و تصميم التابلوه و كمبيوتر الرحلات,
و برضه انا حسيت بفرق في الاداء في الجديده,, مسوقتهاش بس طلعت مني:biggrin24::biggrin24:

اقتباس:

---

و برضه انا حسيت بفرق في الاداء في الجديده,, مسوقتهاش بس طلعت مني

---

بلاش احراج بقى )

وصله للسرعه القصوى و انت تسبقه :d

صحيح هو الامبريزا ال 2007 الاوتوماتيك مقفوله كمبيوتر على 180 بس؟؟؟؟
اصل على 180 بيكون الrpm لسه على 4 و مهما وقفت على الدواسه مفيش فايده

اقتباس:

---

المشاركة الأصلية كتبت بواسطة mosso

صحيح هو الامبريزا ال 2007 الاوتوماتيك مقفوله كمبيوتر على 180 بس؟؟؟؟
اصل على 180 بيكون الrpm لسه على 4 و مهما وقفت على الدواسه مفيش فايده

---

عربيتي المانيوال عمرها ما زادت عن 195.... و عربيه صديقي اوتو عمرها ما زادت عن 185

وانا مبتزدش عن 180-183 مثلا بالكتير,
و الrpm لسه على 4 يعني فاضل لغاية 6 على الاحمر
ده معناه انهم قافلينها كمبيوتر؟؟
هو انا مره جبت بيها 205 على طريق الكريمات الجديد بس كان الهوا معايا و الطريق كان منزل الى حد ما
بس كطريق مستوي 180 فقط لاغير

مكن تكون controllerd الله اعلم

اقتباس:

---

المشاركة الأصلية كتبت بواسطة mosso

صحيح هو الامبريزا ال 2007 الاوتوماتيك مقفوله كمبيوتر على 180 بس؟؟؟؟
اصل على 180 بيكون الrpm لسه على 4 و مهما وقفت على الدواسه مفيش فايده

---

واحد صاحبى جاب بيها 215 على طريق الكريمات برده و كمان مصور العداد
هى موديل 2007 اوتوماتيك من غير فتحه سقف
ان شاء الله احط الصوره

أنا متفق مع الطرفين ......
يعني شايف ان سعر الامبريزا الجديده العالي مش في صالحها خالص ........ و في نفس الوقت شايف ان السعر ده منطقي في ظل ارتفاع السيارات في أخر سنه عموما ..... و ده واضح من أسعار السيارات الياباني أو الأوروبي زي ال Civic , Corolla, Lancer EX, Astra, ........ Leon, و الياباني بالذات اللي في الفئه دي بيتباع زي الفل لأن سمعته أقوي بكتير من السوبارو .... أنا مش بقول ان الامبريزا وحشه بالعكس أنا عارف عن تجربه انها عربيه ممتازه ........ بس تخيل واحد معاه من 140 لي 150 ألف جنيه, ايه احتمال انه يشتري امبريزا ...... في رأي الشخصي احتمال أقل من 10% و 90% هيشتري Civic أو Corolla أو Lancer

بالنسبة للامبريزا السيدان انا شايف انها غالية بجد
ليه اشتريها ب 130 الف جنيه وانا شاري الهاتش باك ب 118
يا رب تكون فيها اوبشنز تغطي الزيادة دي

الا بقى لو الهاتش باك كمان غليت 10 الاف جنيه
دي تبقى مشكلى تانية
ان شاء الله اروح اتفرج عليها

انا اعلي سرعة جبتها بالامبريزا 2007 كانت 200 على الدائري وكانت العربية محملة 5
اما 2008 فاعلي سرعة 190 بس مجربتش اعلى من كدهبس هي تجيب اكتر بسهولة جدا

لو العربيتيت محملين فول لوديد 2007 تكسب 2008

لكن لو لغاية 2 في العربية 2008 تكسب

اقتباس:

---

المشاركة الأصلية كتبت بواسطة MedaSam

أنا متفق مع الطرفين ......
يعني شايف ان سعر الامبريزا الجديده العالي مش في صالحها خالص ........ و في نفس الوقت شايف ان السعر ده منطقي في ظل ارتفاع السيارات في أخر سنه عموما ..... و ده واضح من أسعار السيارات الياباني أو الأوروبي زي ال Civic , Corolla, Lancer EX, Astra, ........ Leon, و الياباني بالذات اللي في الفئه دي بيتباع زي الفل لأن سمعته أقوي بكتير من السوبارو .... أنا مش بقول ان الامبريزا وحشه بالعكس أنا عارف عن تجربه انها عربيه ممتازه ........ بس تخيل واحد معاه من 140 لي 150 ألف جنيه, ايه احتمال انه يشتري امبريزا ...... في رأي الشخصي احتمال أقل من 10% و 90% هيشتري Civic أو Corolla أو Lancer

---

دا اللى انا قصدى عليه

ماهي الهاتش غليت 5000 جنيه هي كمان:laugh6:

--------------------------------------------------------------------------------

elsedan masha Alah raw3a

howa lazem banzeen 95 ma3aha???
__________________

la2 banzeen 92 mesh hay23mel moshkela
-
laken RECOMMENDED 95