سيارات بتطير وإحنا لسه بنركب 128

**bassemali** · 11-09-2008 10:56 PM

النهارده لقيت على اليو تيوب كليبات لعربيات عرضوها في معارض بتطير !!!!!!!!!! أيوه الموضوع مش فوتو شوب ولا حاجه العربيه فعلا بتطير أدخلوا على اليوتيوب وأعملوا بحث ( سياره تطير ) أنا بس ماعرفتش أحط الرابط شيء عجيب فعلا ربنا يستر على المستقبل ولسه هنشوف العجب .

**MoDyBeNz2008** · 11-09-2008 11:01 PM

عادي جدا ماهي لوتس اخترعت سيارة مكشوفة بتعوم تحت الماء
لينك الفيديوhttp://www.youtube.com/watch?v=swEhSbDJhos

**فادى** · 11-09-2008 11:16 PM

ما علينا خبر عادى مكانه غرائب و طرائف بس ايه علاقة ده بال128؟!!!
كل هذه التفاهات تعرضها الشركات فى المعارض لمجرد لفت الأنظار فقط, و لو ذهبت لأى معرض فى الدنيا هتلاقى عربيات بتطير و تعوم و عربيات بتنط زى الضفدعة و أى حاجة عشان الناس تضحك و خلاص و فى النهاية نلاقى خبر فى صفحة صدق أو لا تصدق!!
بس مش عيب برضو اننا نركب ال128, فيه شعوب بتركب أقل من كده و فيه شعوب عايشة على الدراجات و فيه شعوب عايشة على رجليها!!

**Goodle** · 11-09-2008 11:32 PM

مشكور على الفيديو يا باشا

**bassemali** · 11-09-2008 11:43 PM

أيه ياعم فادي مالك واخد الموضوع جد قوي كده ليه ؟
الموضوع كله بالنسبه لي كان حاجه جديده لقيتها وحبيت أقولكم عليها لمقارنه بسيطه بين ماتوصل أليه الأجانب وماوصلنا أليه نحن ......
تفتكر العربيه دي لو نزلت مصر هتترخص ميكروباص ... ولا توك توك ؟

**Mosso** · 11-09-2008 11:45 PM

يا استاذ فادي هو حضرتك ليه كره قوي للتكنولوجيا كده؟؟؟

**Mosso** · 11-09-2008 11:48 PM

و على فكره السياره الاسكودا الي طايره ده مجرد ماكيت فقط للسياره معمول من البلاستيك المقوى و مملي هيليوم و كانوا جابوا كلام عنه السنه الي فاتت تقريبا في ملحق الاخبار

**maka** · 12-09-2008 06:49 AM

...........................

**maka** · 12-09-2008 06:50 AM

ارجو تعديل العنوان الى

سيارات بتطير وإحنا لسه بنركب شاهين

هههههههههههههههههه

متزعلش يا عم فادى

**bassemali** · 12-09-2008 03:13 PM

ماشي ياحاج maka هنعدل العنوان بناء على طلب الجماهير ههههههه
بس تصدقوا أننا أفتكرتها عربيه بتطير فعلا يعني مش ماكيت ولا حاجه لكن كلام moso وضحلي كتير ألف شكر .