بسم الله الرحمن الرحيم
انا توكلت على الله واشتريت كروز 2012 وكنت محتاج اعرف ايه الفرق فى الموديل ال توب لاين وال هاين لاين ؟ وهل هو فى فئات منها تانى ؟
وبصراحه خايف عليها من السرقه ايه الحل ال ممكن اعمله ؟
عرض للطباعة
بسم الله الرحمن الرحيم
انا توكلت على الله واشتريت كروز 2012 وكنت محتاج اعرف ايه الفرق فى الموديل ال توب لاين وال هاين لاين ؟ وهل هو فى فئات منها تانى ؟
وبصراحه خايف عليها من السرقه ايه الحل ال ممكن اعمله ؟
الف مبروك ربنا يرزقك خيرها ويكفيك شرها
وبالنسبة للسرقة انا شايف انك لازم تفيم العربية عشان محدش يعرف يكسر الازاز
وعلى حد علمى ان الكروز صعب فتحها ذى الكيا سيراتو
وبالتوفيق
دايما الحرامى مبيكسرش اى ازاز متفيم عشان الازاز مش بيقع بسهولة بيفضل لازم يشرخ بس ذى الصورة دى
http://sphotos-f.ak.fbcdn.net/hphoto...18104027_n.jpg
من غير تفييم يخبط الازاز خبطة يقع فى ثانية ويقدر يسرق اى حاجة جوة العربية
الكروز فيها ايموبليزر يعنى مش بتشتغل غير بمفتاحها
والتوب لاين ال 2013 فارق عن الهاى لاين فى فرش الجلد والطارة جلد وايد الفتيس جلد
انا ملقتش فرق تانى خالص لحد دلوقتى -يعنى 3 الاف او 4 الاف فرق علشان كده!!!
والعربية ال 2013 فيها انذار مش عارف هل ال 2012 فيها برضه ولا لأ
ودايما وانت بتنزل منها استودعها الله وربنا الحافظ وممكن برده دراع الدركسيون انا حاطه فيها بس سايب المفتاح فى البيت -ههههه
بالتاكيد اى ملصق وخلاص علشان يحتفظ بجزيئات الزجاج متراصة كما هى بعد كسرها يعنى لو استيكر على الزجاج كله هيقضى الغرض ولو مانع حرارى هيقضى الغرض ولو فيميه هيقضى الغرض برضه
اى تفييم بيعمل الموضوع دة الى بيفقرق من تفييم اصلى لتجارى هو حجب اشعة الشمس وعكسها
بس شوف الاول اية الى مخالف فى مصر من حيث درجة التفييم
وظيفة العازل الحرارى
http://sphotos-d.ak.fbcdn.net/hphoto...87316996_n.jpg
حد يعرف العازل النضيف بيتباع فين وفى حدود كام ؟
بس كله ممنوع طبعا الا لو اتثبت على الرخصة وممكن يعمل مشكلة فى التجديد عند فتح الملف ومراجعة الافراج او جواب المرور
التجهيزات الاساسية المصرية
باور ستيرنج
تكييف هواء (يدوى)
زجاج كهرباء (امامى فقط)
مرايات كهرباء
راديوا و مشغل اسطوانات
مخرج للصوت
قفل مركزى
ريموت كنترول + انذار ضد السرقة
مانع ادارة المحرك
زجاج مظلل
قضبان فلازية للابواب
مصابيح ضباب
لمبة STOP
عجلة قيادة رياضية ثلاثية الازرع
جيب علوى لخفظ النظارة
مقابض بلون السيارة
شاشة بيانات (راديوا - توقيت - الحرارة الخارجية)
جيب خلفى للمقاعد الامامية
عجلة قيادة قابلة للامالة
الممـــيــزات الاضافية فى مــــوديل High Line
6 سرعات اتوماتيكى فقط
التحكم فى الردايو من عجلة القيادة
2 وسادة هوائية
ABS
انا ده بالتمام ال معايا وعايز اعرف ازاى الكلام ده
1- ريموت كنترول + انذار ضد السرقة (ازاى اشغل الانذار )
2-- مانع ادارة المحرك ( ازاى افعل الحكايه دى )
تمام كده حضرتك وضيف عليهم جنط اسبور 17" ويبقى كده هاى لاين وزود فرش جلد تبقى توب لاين
الانذار بيشتغل مع الريموت وعلشان تجرب اقفل العربية بالريموت ثم افتح الباب بالمفتاح من غير متكنسل بالريموت هتلاقى الانذار اشتغل وهو عبارة عن كلاكس العربية العجر اللى بيفكرنى بالبلونيز بس بيطلع صوت متقطع
وبالنسبة مانع ادارة المحرك ده بيشتغل عادى ولو عايز تجرب شيل الشريحة من المفتاح وحاول تشغل مش هتشتغل وهتلاقى اللمبة اللى عليها شكل عربية وجواها مفتاح نورت
:ask: ليه بس كده -لا راضى والحمد لله ونعمه وخير وفضل من ربنا
انا بس متغاظ من منصور وحاسس انه مقصر معانا جدا وخصوصا بعد الفيديو بتاعك اللى بيحنسنا واللى بيحسسنا اننا مواطنين درجة تانية حتى فى مميزات العربيات اللى بتنزلنا
اما موضوع صوت الفسبة ده فطسنى من الضحك بس بصراحة مسمعتوش
اصل صوت الكروز ميحسسكش بفخامة العربية وكان عامل زى كلاكس البولونيز بتاعتى بالظبط -هههه
وبصراحة كل مبفتكر ميزة كانت فى الشارك مش فيها بحمد الله وبفتكر ميزة فيها ومكنتش فى الشارك زى وسع الشنطة مثلا وتطييفها الاقوى والجنوط ال 17"
الواحد فى نعمة وفضل بس دايما البنى ادم طماع عايز كل حاجة جميلة تجتمع عنده
وتقبل تحياتى وعيد سعيد عليك وعل الاسرة وطمنا عملت ايه فى الصيانة
مشاركك نفس الاحساس منصور طماع كبير وبخيل جدا فى اوبشن عربياته
وفعلا ناقصها كماليات كتير ولكن نسبيا مع توفر جودة التقفيل والتصنيع ومتانة وقوة بدن العربيه بتهون حاجات كتير والباقى نقدر نعوضه
الصيانه انا كنسلت الميعاد وحعملها بعد العيد افضل عشان الكروته
وكل سنه وانت بالف خير وبصحه
الف مــبروك ..
ربنا يرزقك خيرها ويبعد عنك شرها
ربنا يباركلك فيها