الموضوع: ليه العربيات الاتوماتيك

المشاركة الأصلية كتبت بواسطة amr011111

طيب ياريت تأكد المعلومه ديه ليا

لما انا اكون ماشى والعربيه دايره عادى ولو على سرعه عاليه وجبت ال n ده مش بيأثر على الفتيس طالما العربيه دايرة

الموضوع ده برضه خطر على الفتيس .. لأن بنفس الفكرة كدة هايكون الضغط ريت الفتيس عالي والدورة بتاعته شغالة من جائب واحد فقط لأن سرعة الموتور مش مساوية للضغط ده وده بيعمل ضغط عالي على الجوانات والأويل سيلات بتاعة الفيتيس

هي كدة أصلا الفكرة إني ما أزودش ضغط زيت الفتيس لمدة طويلة بدون أي داع .. لأن ده بيشكل ضغط على الأويل سيلات ... اللى هي سر بقاء الفتيس الأتوماتيك لمدة زمنية أطول بأفضل حال

وعلى فكرة هو ده السبب إن برضه كل الكتالوجات بتقول إن لو واقف في إشارة لمدة أكثر من 10 ثواني يفضل إن تجيب الفتيس على الإن ... عشان برضه هايكون في ضغط من الموتور على زيت الفتيس لكن الفرامل ماسكة في العجل فالضغط مش بيخف لكن على الإن بيكون الموتور سرعته هادية ومحول العزم مش بينقل العزم بتاعه للفتيس فا مافيش ضغط في الحالة دي

لو بصيت في أي كتالوج بتاع عربية أتوماتيك هاتلاقي فيه تحذير إن العربية الأتوماتيك لا يمكن قطرها وهي مطفية أو على المور لمسافة تزيد عن 30 كيلو وسرعة قصوى 40 - 50 كيلو متر في الساعة حفاظا على سلامة الفتيس من التلف