ليه العربيات الاتوماتيك

**amr011111** · 13-10-2013 02:03 PM

السلام عليكم ورحمة الله وبركاته

لما بطارية العربيه الاتوماتيك تنام ليه متتزقش على ال n والواحد يجيب الd

**alameer81** · 13-10-2013 02:17 PM

لان مفيش اتصال ميكانيكى بين المحرك وبين الفتيس والعجل
الاتصال عن طريق حاجة اسمها محول العزم وده عبارة عن مروحة بتقلب الزيت , والزيت بيحرك مروحة تانية متصله بالفتيس
علشان التقليب ده يتم بكفاءة والمروحة تحرك اختها لازم سرعه عالية ومصدرها الوحيد المحرك نفسه

**amrelsaqqa** · 13-10-2013 02:29 PM

لازم الموتور هو اللى يدور الطرمبة اللى في الفتيس عشان محول العزم يشتغل وليس العكس

**alzelafy** · 13-10-2013 03:22 PM

ممكن تتزق عادى بس عايزة سرعه اقوى من العربيات المانيوال و السرعه دى ميقدرش عليها ناس زى ما بنزق المانيوال لكن ممكن عربيه تقطرها و تديها الدى و تدور هتدور على طول (مجرب)

**amrelsaqqa** · 13-10-2013 03:27 PM

المشاركة الأصلية كتبت بواسطة alzelafy

ممكن تتزق عادى بس عايزة سرعه اقوى من العربيات المانيوال و السرعه دى ميقدرش عليها ناس زى ما بنزق المانيوال لكن ممكن عربيه تقطرها و تديها الدى و تدور هتدور على طول (مجرب)

غريب جدا الكلام ده ولكن ممكن يتجرب بسهولة
اي حد هيمشى بالعربية في مكان امن وبعدين يبطل ويمور ويفتح الكونتاكت تانى ويجيب الدي (ويرميلها ! ) والمفروض حسب كلامك هتدور ...

**saddam** · 13-10-2013 06:43 PM

المشاركة الأصلية كتبت بواسطة alzelafy

ممكن تتزق عادى بس عايزة سرعه اقوى من العربيات المانيوال و السرعه دى ميقدرش عليها ناس زى ما بنزق المانيوال لكن ممكن عربيه تقطرها و تديها الدى و تدور هتدور على طول (مجرب)

صديقي المواطن
هذا كلام غير واقعي وخيالي وطبعا أنت صادق ولكن أنت يجوز عندك خلل آخر أو البطارية شبه ضعيفة وإشتغلت صدفة ولكن لو قطرت العربية اﻹوتوماتيك على سرعة 200 وحطيت على d برضو مش حتدور ودمتم للنضال

**S O P H O S** · 13-10-2013 08:23 PM

علي حد علمي غلط حتي التجربة

**janagabr** · 13-10-2013 09:57 PM

العربية تتزق وهي علي n ومتتزقش وهي علي d or p والا تكسر التروس

**D . a .\ AYMAN** · 13-10-2013 10:58 PM

هو أصلا المفروض الكمبيوتر بتاع العربية بمنعها تلقط إشعال وهي على الـ d ... يبقى إزاي لما أرميلها من الـ n للـ d ... تشتغل ... دي نقطة

ثانيا حتى لو كلامي غلط وممكن فعلا تشتغل من الزق بس يكون على سرعة عالية .. فدي حاجة خطر جدا على الفتيس .. لأن لازم توصل لسرعة عالية جدا وده بيؤدي لأن ضغط الزيت جوة الفتيس هايكون عالي جدا بدون ما يحصل تحريك للموتور وده بيؤدي لتلف كبير في الفتيس والجوانات والأويل سيلات بتاعته لأن كدة الضغط هايكون أزيد من اللزم بشدة ...

ده الكلام ده لو افترضنا إن محول العزم أصلا هايوصل الحركة بتاعة الفتيس للموتور عشان الموتور يدور بالطريقة الجبرية دي ... ودي معلومة أنا معرفهاش بصراحة

**amrelsaqqa** · 13-10-2013 11:01 PM

المشاركة الأصلية كتبت بواسطة d . A .\ ayman

هو أصلا المفروض الكمبيوتر بتاع العربية بمنعها تلقط إشعال وهي على الـ d ... يبقى إزاي لما أرميلها من الـ n للـ d ... تشتغل ... دي نقطة

ثانيا حتى لو كلامي غلط وممكن فعلا تشتغل من الزق بس يكون على سرعة عالية .. فدي حاجة خطر جدا على الفتيس .. لأن لازم توصل لسرعة عالية جدا وده بيؤدي لأن ضغط الزيت جوة الفتيس هايكون عالي جدا بدون ما يحصل تحريك للموتور وده بيؤدي لتلف كبير في الفتيس والجوانات والأويل سيلات بتاعته لأن كدة الضغط هايكون أزيد من اللزم بشدة ...

ده الكلام ده لو افترضنا إن محول العزم أصلا هايوصل الحركة بتاعة الفتيس للموتور عشان الموتور يدور بالطريقة الجبرية دي ... ودي معلومة أنا معرفهاش بصراحة

متفق معاك ، هى عايزة تتجرب ، ويكون واحد مش باقى على الفتيس بتاعه :d

ولكن حتى لو طلع الكلام صحيح ومفيش خطر كمان ع الفتيس ، يبقى برضه حركة مالهاش لزمة طالما محتاجة سرعة وعزم