عرض للطباعة
السلام عليكم اعضاء قسم سكودا وسكودا تيم الكرام الموضوع اختصارانا لسة مغير طنابير وتيال فرامل العجل الامامى المانى من حوالي شهر ومع ذلك في صفارة في عجلة واحدة الشمال الميكانيكى افتى ان دة اما تراب او مية دخلت بين التيل والطنبور والصوت حيروح لوحدة والموضوع دةمضيقنى وخايف انالطبور يريج فهل اطمع في طريقة فك التيل من الطمبورواعمل اية علشان الصوت يروح اودرس من دورس أ /صبحى المصورة وكل سنة وانتم طيبن بمناسبة عيد الاضحى المبارك وشكرا
بص انا كنت مغير التيل من شهرين تقريبا
وبدا يصفر بعدها باسبوع
وسالت ناس كتير كله اجمع ان التيل اللى موجود فى السوق كله مش كويس
الله اعلم هل هو نفس السبب اللى عندك ولا لا
بص الموضوع ده حاجتين
يأما التيل علية وساخة و تراب
يأما التيل كخامة مش كويس
هو انتا مركب الاتنين اللى قدام مع بعض و نفس النوع لواحد بيصفر و التانى لالالالالالالا
يبقى احتمال كبير و ساخة تراب
و انتا بتغسل العربية فى البنزينة غسلة العيد بقى و هىى بردة انا بحذر و هى بردة علشان الطنابير متعملش ريجة و تقفع خلى الواد يضرب مسدس المياه فى الطنابير و التيل من تحت العربية و هى على المجرى بتاع المياه علشان لو فيها و ساخة تنزل
جرب كدة و قولنا الدنيا اية اخبارها
اعتقد انو ممكن وساخة او تراب كان بيحصل معايا وراح لوحده
الصفارة سؤ خامة التيل ........
انا كان عندي نفس المشكله غيرت التيل من اقل من شهر وعلي طول كان بيصفر وكان تركي ب 70 او 75 جنيه
ومن اسبوع تقريبا غيرته بواحد ايطالي 95 جنيه و الصفاره راحت تماما
واشتريت نفس التيل لواحد اعرفه وشغال معاه زي الفل
فمشكله سيادك اكيد مشكله خامه تيل
الراجل بيقول مغير من شهر فقط ومغير المانىاقتباس:
المشاركة الأصلية كتبت بواسطة hassancotton71
انا اعتقد ان ده عيب تقفيل شغل
على اى حال فك الفرده ونضف التراب وشوف سطح الدسك عامل ايه وشوف تربيط الشغل ولو مفيش حاجه ملفته للنظر اشتغل بيه شويه وهيطبع التيل مع الدسك وتروح الصفره باذن الله
وعلى فكره كل الاراء دى انا باعتبرها تثقيفيه لصاحب العربيه علشان نتفادى الوقوع فى اخطاء ينجم عنها خطر او مصروف كتير لكن الصح تروح للميكانيكى علشان رؤية العطل لها شغل تانى
تقبل مرورى
سوء خامة مش اكتر ينى ممكن تجيب تيل تركى ويصفر معاك وتجيب تيل صينى ويصفر
السلام ةعليكم سكودا تيم ممكن أ/صبحى عمل موضوع مصور اوفيديو عن طريقةفك تيل الفرامل وتغيرة وتركيب الجديد لانى اتكدت ان الصفارة سوء خامة التيل(ناشف) وباذن اللة عاوز اغيرة بنفسى(ولا فية خطورة انى معرفش اعمل دة وابوز الدنيا) ومن فضلكم اية نوع التيل الكويس لانى حغيرة علشان خايف علي الطنبير تبوز وصوت الصفارة منرفزنى جدا وشكرا
أنا كمان كنت شاري التيل الألماني في أول السنة، وكان بيصفر، وهبلني عند الميكانيكية تنظيف وسنفرة، وفي الآخر الصفارة راحت لواحدها ومأثرتش على الطنابير ماتخافش.
على عينى طلبك والله لأنك علشان اصور يعنى لابد انى افك واصور والوقت مش مناسب دلوقتى انما انا حاحاول اشرحلك بكل تفصيل وانشاء الله تغير التيل بنفسك خلى بالك دى اهيف موضوع ممكن تعملة فى العربية انا حشرح لحضرتك نقاط متاتليه....اقتباس:
المشاركة الأصلية كتبت بواسطة hassancotton71
1- هوى مسامير الفردة مثلا اليمين....
2- ارفع السيارة بالكوريك وفك الفردة خالص....
3- بص كدا على السورة والطنبورة حتلاكى كلابش الفرامل ودا بيتربط بمسمارين واحد علوى والثانى سفلى حتلاقيهم مسامير 12....
4- هوى على المسمار العلوى حاجة بسيطة....
5-فك المسمار السفلى خالص....
6-حتلاقى الكالبش فك ارفعة بايدك من تحت واقلبه لفوق....
7- عند الرفع حتلاقى التيل سحضن على الطنبورة واول ما حترفع اخلعة بكل بساطة دا لو مسقطش منك على الأرض....
8- حتلاقى مكان للتيل على الطنبورة وفيه عبارة عن برواز كدا على شكل التيلة سقط التيل فى مكانه....
9-طبعا لازم ترجع بسطم الفرامل ودا بيبقى بطريقة الظغط علية بطريقة لافية ممكن تعمل ليه قرصة علشان يبيت فى مكانة حتتعب شويى بس احسن ما تخد دورة الفرامل منك هواء....باى طريقة زنك المهم تتحكم فى الضغط على البستم حتى يبيت مكانه....
10-نزل الكلبش واربط المسمار اللى تحت وحرق علية وحرق على المسمار العلوى ....
11-ربط الفردة ونزل العربية وزى ما عملت فى الجهة اليمنى تعمل فى الجهة اليسرى....