فورد فوكاس ٢٠١٣ ولا اوبل استرا ٢٠١٣ من حيث الموتور ، الشنطة ، الأمان ، الشكل، الثبات
عرض للطباعة
فورد فوكاس ٢٠١٣ ولا اوبل استرا ٢٠١٣ من حيث الموتور ، الشنطة ، الأمان ، الشكل، الثبات
العربيتان متقاربتان في راي بس خلي بالك ان توكيل فورد في مصر "فكري جروب" قفل .. او اتسحب منه حاجة كدة و في شركة جديدة حتاخده ... فاعتقد اصبر عليها لحد م التوكيل الجديد يشتغل.
الاسترا انشرت نسبيا. بس في راي بحسها مجرد "كروز" بخامات افضل داخليا و تقفيل اسباني بدل الكوري و سعر اعلى :)
انا واقع فى نفس الحيرة كنت هاخلص فى الاسترا 2013 بس كانو خلصو مستنى 2014 و برضو مستنى توكيل فورد الجديد مفروض يبان بعد العيد
علما انى سوقت الفوكس و عجبتنى اكثر حسيت من مسكت الدركسيون انى راكب حاجة المانى و موتورها قوى
بس فية نتشة صغيرة فى الفيتيس من الاول للتانى
اما الاسترا فتيسها سلس بس الدركسيون بتاعها حسيتو خفيف اوى زى عربيات اللعبة بس اكيد بيتقل على السرعات العلية و كنت سامع عن مشاكل الرعشة مع التكييف فا لسة هاقرر بعد العيد
فورد
التوكيل راح عبد اللطيف جميل
اتقل لما يبان ملامح ليه
عمتا بردو الفورد أحسن من الاسترا
و ده رأيي الشخصي منعا للمهاترات و الخلافات و المشاكل
الصراحه العربيتين ميتخيروش عن بعض
في رايي الاسترا افضل
حاليا الاوبل علشان التوكيل
انما لو الموضوع عادي اختار الفورد
الاسترا طبعا
رأيى الشخصى :
الموتور: فورد
الشنطة: زى بعض تقريبا
الأمان: فورد
الشكل: أسترا
الثبات: متقارب بس اعتقد الفورد اعلى شوية
وانا شخصيا اختار الفورد , بس معرفش لسه التوكيل نظامه ايه لان اهم ما يميز العربية من وجهه نظرى التوكيل و خدمه ما بعد البيع..
وربنا يوفقك للى فيه خير ليك.
الاتنين احسن من بعض بس انا ركبت الاتنين وارتحت اكتر للفوكاس واعتقد قطع غيار الفوكاس ارخص من منصور بكتير والتوكيل بتاع فورد راح لعبد اللطيف جميل ودا طبعا حد محترم جدا وغني عن التعريف وخد توكيل فيات وهوا اصلا وكيل ديهاتسو فشكلو هيعمل شغل حلو في مصر
أنا ليا تعليق بعد أذنكم على الفوكاس بعد ما شفتها و مش برشحها للأسباب الأتية:
الفوكاس كهاندلينج طبعا تعتبر bench mark لفئة السيارات السيدان الكومباكت و لكن يعيبها فى نظرى الاتى:
١- فتيس power shift و هو نفس فكرة فتيس ال dsg من فولكس فاجن و مليان مشاكل و راجع النت للتأكد....و دى أكتر نقطة خوفتنى منها و خصوصا لو التوكيل مش هينقذك
٢-سعر إعادة بيع واقع واقع فوق ما تتصور لعدم إنتشار العربية و عدم فهمها فى السوق المصرى...أنا عارف أن كله بعد خمس سنين بيقع جامد و خصوصا الأوروبي و لكن صدقونى الفورد بالذات مسافر فى الضياع و تقيل فى البيع
٣-وكيل جديد " عبد اللطيف الجميل " و مش عارفين هيعمل أيه لسه من ناحية البيع أو الصيانة
٤-شكل العربية مش بيشدنى و ده طبعا رأى شخصى
٥-كماليات أقل بكثير من سيارات فى نفس الفئة السعرية
٦-ضيق الشنطة و عدم عمقها و ضيق الكنبة الخلفية
الموتور: اوبل
الفتيس: اوبل
الشنطة: زى بعض تقريبا
الأمان: فورد
الشكل: فورد
الثبات: فورد
الهاندلنج: فورد
قوة الصاج: فورد
اعادة بيع: اوبل
التوكيل :ذى بعض
قطع الغيار:ذى بعض تقريبا
الاعتمادية: فورد
الاوبشن: ذى بعض
التقفيل: فورد
العزل: ذى بعض
وسع العربية من الداخل: اوبل
النهاية : اقوى سيارتين فى حدود 200,000 ولكن الفورد تكسب
الاتنين مايتخيروش عن بعض عربيات محترمة جدا بس بميل للفورد اكتر وبالتوفيق للي فيه الخير ان شاء الله :tumb: