السلام عليكم،
العربية بقالها يومين بتعمل حاجة غريبة، لمبة تحذير فتح احد الابواب منورة على طول مع انني اكدت اكتر من مرة ان الابواب و الشنطة مقفولين. كمان لما باقفل العربية من الريموت، السنتر بيقفل بس معدش بينور الفلاشر مرتين علشان يأكد انه نفذ الامر
مش عارف هل الكومبيوتر عايز يتعمله اعادة تشغيل و الا افصل البطارية؟
ةو شكرا.
العربية لوجان ٢٠١١ و عاملة ٢٧٠٠٠ كم مانيوال فول اوبشن
لا العيب عندك ف الصوباع اللي ف الباب
فكرته نفس فكره نور التلاجة
و هو المسئول عن النور بتاع الفلاشر ف حاله فتح و غلق الأبواب و اللمبه اللي ف التابلوة
شكرا جزيلا الرد، بس ممكن تقولي ازاي اعرف انهي صباع اللي عامل المشكلة و ايه المطلوب لحلها و لك تحياتياقتباس:
المشاركة الأصلية كتبت بواسطة eng.salama93
حصلت عندى وكان صاج الباب مش بيزنق على الصباع كويس نتيجة الاحتكاك فى رصيف مثلاً ولو دى المشكلة فحلها بسيط بأنك تضغط الصاج بايدك للداخل علشان يقفل كويس.
هتقفل كل أبواب العربية وانت بره
وتفتح باب باب وتضغط على الصباع بايدك وعينك على اللمبة
والصباع اللى هيخللى اللمبة تطفى وانت ضاغط عليه ، هتبقى المشكلة عنده
وابدأ بباب السواق علشان هو أكتر باب بيستخدم وغالباً المشكلة بتبقى فى الصباع بتاعه.
هما مفيش غير صوباعين ف العربية للبابين اللي قدام
جربهم واحد واحد
شاكر جدا تعاونكم معايا، و ان شاء الله يكون الموضوع بسيط
يا باشا مشكلتك مكررة مع الجميع
قص 1 سم دبل فيس و الزقو فى الباب من جوه قصاد الصباع .. انا لزقت حته ليها سنه مطلعتش و انسى الموضوع
تحياتى