مشروع كافية اعمل اية ؟

**eng.octooo** · 13-10-2013 05:42 PM

السلام عليكم

انا عندى محل 60 متر وامامة 60 متر تانى تقريبا وعلى ناصية وامامة مسجد ومعهد هندسة فى 6 اكتوبر

وحابب اعملة كافية خفيف ( قهوة بس محترمة شوية) اية ريكم فى الفكرة تنفع ولا ااجرة احسن هو الايجار الشهرى بتاعة من 2500 : 3000 لو عملتة كافية هاحتاج فرش وعدة والحاجات دى بس انا خايف افتحة وماينفعش بس غير كدة المكسب هايكون حلو ان شاء الله ولا ااجرة واريح دماغى

وبعدين لما احسبها اقول طيب ما الى هايأجرة هايكسب منة ويدفعلى ال 3000 يعنى هايجيب اكتر بس انا متردد ومش عارف ابداء منين حد عندة خبرة ؟ هو محتاج تشطيب فى حوالى 10 الاف تقريبا ( هو متشطب بس انا عايز اجددة ها تنصحونى ب اية ؟

**eng wael** · 13-10-2013 05:54 PM

الاخ الفاضل
لو حضرتك متفرغ وعندك الوقت لمتابعته اعمله مشروع افضل
بالنسبه للكافيه علشان يشتغل لازم تعمل فيه شيشه وطبعا فيها شبهه فى الرزق غير كده مش هيشتغل كويس على المشروبات والشاى فقط الا لو عملته مستوى كويس للعيال السيس بتوع الجامعات علشان يتقابلو فيه
مكانه كويس قدام المعهد بس ايه رايك فى مكتبه متخصصه برضه مشروع بيكسب كويس
اسأل برضه وخد اراء الاعضاء المقيمين فى اكتوبر
انا مقيم فى اكتوبر ولسه فيه حاجات محتاجينها كتير غير الكافيهات
ربنا يوفقك للصالح

**eng.octooo** · 13-10-2013 06:01 PM

انا فكرت فى موضوع مكتبة وجنبى فى كذا واحدة وانا مش حابب موضوع انى اشوف حد عامل حاجة وبتكسب اقوم اللزق فية واقلدة انا متفرغ 6 ساعات تقريبا فى اليوم وممكن اكون موجودهم هناك وموضوع الشيشة دة مافكرتش فية بس بصراحة الكافية لو مافيهوش شيشة مش هايشتغل

**hugan** · 13-10-2013 06:11 PM

شوف هو مشروع مربح فوق ماتتخيل
لكن
مشكلته الشيشه
السيدات والبنات سيئه السمعه ومعهم الرجال
ومش هاتقدر تحكمها والا ها تفلس
الحي ومشاكله بهدله وفلوس هاتندفع شهريا فرده
غير الحملات مباحث شرطه مرافق
الكلام ده باقوله لك
لاني اشتغلت كتير في تشطيب كافتريات وكافيهات
واعرف معرفه شخصيا
ملاك
كافتريات
لافين
وبياترو
اظن الايجار افضل

**ElectronicLife** · 13-10-2013 06:39 PM

اجرة وريح دماغك دة رايى هيبقا باللك مرتاح ومش حاسس بذنب حاجة وهتبقا ضامن مبلغ كل اول شهر ونتا قاعد فى البيت لاكن كافية لزم تبقا خبرة عشان لو انتا مش قاديم فى الموضوع دة هتتبهدل بجد الصنايعية بتوع القهاوى دول يتفاتلهم بلاد ومش اى حد يعرف يمشيهم صح دة غير انك هتبقا شايل مسؤلية بنت لزينا بسبب الاشكال الى هتشوفها يعنى انضف كوفى شوب البوكس بيزورو مرتين على الاقل كل اسبوع

**KemozTanta** · 13-10-2013 07:52 PM

مشروع كويس بس انت في مصر !!
يعني الاهم من الفكرة والفلوس والزباين هي ضهرك !!
يعني لو سمحت لو انت ملكش ضهر وواسطة تحت أيدك في أى وقت ويكون في منصب يتعملة حساب فيه
يبقي متفكرش تفتح اى حاجة و أجرة للي يقدر !
معني كلامي انك هتواجة بلطجة وتناحة من البوكس والقسم بالليل و من شرطة المرافق الصبح ومن الامن الصناعي والتأمينات بسبب العمال اللي عندك و جودة المحل ومن التموين لما تنزلك وتفتش علي حاجتك !
و طبعا الحي و الضرائب يتعمل حسابهم
شوف كل اللي فات ولو هتعرف تسد معاهم انزل السوق ياباشا .. غير كدا هيخسروك دنيا واخرة لانك هتدفع رشاوي غصبن عنك !

**3mr Farrag** · 14-10-2013 01:12 AM

ممكن تعمله مطعم سندوتشات بس يكون كل الانواع
وطبعا المهم النضافه و الاكل يكون طعمه حلو و سعره مش غالي

**dedi** · 14-10-2013 01:44 AM

لو هاتعرف تتفرغ لة او يوجد اخ لك فة حالة عدم وجودك دوس افضل مكسب هو المشاريب تكلفة قليلة جدا ومكسب عالى و شاندوتشات على خفيف بس طبعا عينك فى راسك وجرد باستمرار وبرنامج كومبيوتر للاوردارات

**eng.octooo** · 14-10-2013 05:22 PM

Sorry I can't type in arabic from my mobile device
Thaaaaaaaanks guysss I will think again and see what I can offer

-

الموضوع: مشروع كافية اعمل اية ؟

LinkBack

أدوات الموضوع

عرض

مشروع كافية اعمل اية ؟ - انشر الموضوع فى :

-

-

-

-

-

المواضيع المتشابهه

عاوز اعمل مشروع توزيع

نفسى اعمل مشروع تجارى

محتار اعمل مشروع اى

عاوز اعمل مشروع ومش عارف

معايا 100الف جنيه وعايز اعمل مشروع اعمل ايه ؟

الكلمات الدلالية لهذا الموضوع

المفضلات

المفضلات

ضوابط المشاركة