مساعده في الاختيار"لانسر 1600 ولا ماتريكس " اوتوماتيك

السلام عليكم ورحمة الله وبركاته

اخوكم جديد في المنتدي وديه اول مشاركه . ان شاء الله ناوي اشتري عربيه مستعمله في حدود من 70000 ل 75000 وطبعا انا معنديش اي خبره فسمعت كتير عن خبرة حضراتكم فياريت تساعدوني .
ناس نصحتني اني انسب حاجه ليه بالفلوس اللي معايا اني اشتري لانسر اوتوماتيك او ماتريكس اوتوماتيك وناس تانيه تقولي افيو او اكسنت اوتوماتيك وانا بصراحه مش عارف فياريت يا جماعه تساعدوني في الاختيار وتوضحولي الافضل في الامكانيات وقطع الغيار واستهلاك البنزين وسعر اعادة البيع. انا مشواري حوالي 80 كم يوميا .

لانسر بومه طبعا بدون منافسه

ممكن حضرتك توضحلي المميزات وديه هتكون موديل كام؟؟؟

راي تفكر فالياريس او صني
لان اللانسر هتحتاج اكتر من كده علشان تجيب عربية كويسة
والله اعلم ..

الاوبترا مناسبه ليك

لانسر كويسة بس زود الرينج شوية علشان تجيب حاجة نضيفة وموديل احدث قطع غيارها معقولة وموجودة واعادة بيعها سهلة تجيب بيها 140 وانتا مطمن
يمكن تكون بتستهلك بنزين زيادة شوية فى الاوتو 1600

انا فى نفس حيرتك معايا نفس المبلغ ومش عارف اجيب ايه

لانسر بومة طبعا بس هاتها مانيوال عشان تجيب معاك موديل حديث 2008 وانت طالع

طب لانسر 2006 او 2007 اوتوماتيك في حدود 75000 هتبقي حالتها ايه؟ لاني بصراحه ميال للانسر بس فيه ناس بتقولي شوف الصني ؟؟؟؟

اقتباس:

---

المشاركة الأصلية كتبت بواسطة sameh_omer

طب لانسر 2006 او 2007 اوتوماتيك في حدود 75000 هتبقي حالتها ايه؟ لاني بصراحه ميال للانسر بس فيه ناس بتقولي شوف الصني ؟؟؟؟

---

75000 كويس جدا تجيب حاجة حالتها كويسة