مازدا 3 ولا لانسر ex

انا هتجنن خلاص
بعد ما كنت خلاص استقريت علي لانسر الجديدة سبورت خليجي ب "148 الف"
طلعت في دماغي المازدا 3 خليجي برضة " نفس السعر "
فانهي تستحمل البهدلة الايجار لكدة سنتين
انهي احسن عموما

لانسر الجديدة سبورت خليجي

في انتظار باقي المشاركات

لانسر Ex
بس يستحسن تخليك فى المصرى عشان الضمان

طالما هتإجر العربيه وتبقى عربيه ايجار
معنى ذلك ان معدل الاهلاك هيبقى اعلى
فانت خليك فى الانسر Ex لتوفر قطع الغيار

بعيدا عن الموضوع وجدت اكتر من عضو بيسال عن موضوع انه ياجر عربيته، هل فعلا الموضوع مجزى بححيث انك تغامر بعربيتك الجديدة

اصل انا الحقيقة مستحملش اشوف حد يركب عربيتى الجديدة غيرى حتى لو هيدينى فلوس

لانسر قطع غيار ارخص

بس كعربيه المازدا تتفوق وتستحمل اكتر

ولو مازدا تتاجر اعتقد انها هتكون اغلى في سعر الايجار

انا مجربتش اللانسر ...... بس المزدا 3 والله عربية ممتازة جدا هي عندنا


اكتر ما يميزها بجد الثبات بتاعها ......ز ثابتة على الارض بنسبة 200%

+

عربية واسعة ..... تنفع في السفر ..... شنطتها كبيرة جدا ....ميغركش شكلها القصير ... بس هي ممتدة جوة العربية

+

تابلوووه و كاسيت رائع جدا

عربية رياضية جدا



بالنسبة للعيوب .... الحمد لله مافيهاش عيوب حتى الان ..... عامل بيها 130000 كيلو
خلال سنة

بس العيب الوحيد اللي ملحوظ.... انها عربية واطية جدا

بتحك كتير اوي في المطبات العالية نسبيا و بالذات لو معاك وزن

بس ده بردوو ... عشان بيديها ثبات عالي اوي

ياباشا بيقوللك هياجرها يعنى اعتقد انه مش بيفكر فى الثبات و لاحتى يمكن ستهلاك البنزين
اهم حاجه بيفكر فيها و دا هو الصح على ما اعتقد
1-سعر اعاده البيع لانسر
2- التوكيل لانسر
3- اسعار الصيانات لانسر
4-توافر قطع الغيار برده التوكيل لانسر برده
5-استحمال البهدله والله الاتنين يابنى 100% والاتنن كويسين ومحدش يقدر يعرف
غير كل دا الانسر مطلوبه اكتر فى التاجير
و ربنا يوفقك و انصحك انك تاجرها لحد معرفه عشان يحافظللك على العربيه او انك تاجرها لشركه بترول او قناه فضائيه مثلا

lel egaar wel bahdla 7araam tegeeb mazda

so I recommend Lancer

انا اديت صوتى للمازدا3 وشايف انها افضل بس الموضوع طلع ايجار يبقى خليك فى اللانسر عشان التوكيل اضمن

لانسر علشان تكاليف التشغيل أقل بكتييييييييييييييير من المازدا في مصر

معايا لانسر شارك و بقولك هات الماذدا

ببساطه الانسر حلوه بس كتير قوى عليها السعر ده و الماذدا افخم

لانسر كايجار مطلوبة قطع غيار متوفرة افضل فى اعادة البيع

اللانسر الشارك قطع غيارها غاليه مش رخيصه زى البومه و اذا كانت البومه برضه قطع غيارها الاصليه غاليه
الاحسن ان انت تسأل الشركات الى احتمال تأجر منك انى افضل فى الايجار و اللانسر هاتتأجر بكام و المازدا بكام
و شوف انت انى احسن ليك و انى العائد بتاعه اكتر و اسأل عن قطع الغيار الى هتلاقيها بايظه بعد سنتين بكام فى العربيتين
تيل - طنابير - مساعدين - مقصات - سوست - كبالن الحاجات دى كلها ممكن تبوظ فى سنتين ايجار لانها مش عربيه الى راكبها فيهحرق عليها اكتر
بس كمواتير الاتنين يعيشوا طبعا و فى اعتقادى المازدا تتحمل اكتر
بس غبور مش مأمون فى قطع الغيار ممكن يغليها او يوقعها او متجيش مش مضمون نهائى

بس كركوبه المازدا طبعا احسن بمراحل من الشارك