الموضوع: استلمت امبارح امجراند وبدات المشاكل

المشاركة الأصلية كتبت بواسطة genius essam

[overline]الحمد لله والشكر لله على كل حال استلمت امبارح العربيه 2014 فضى فاميه ب 83500 الحمد لله المشاكل مش كبيره
1-استلمت العربيه واكتشفت ان لمبه التشك منور
2-عداد السرعه مش شغال واقف على صفر وباقى العدادات شغاله
3-صوت الماتور بيعلى اوى لما اشغل التكيف
حد يطمنى ايه الحل
بس العربيه ممتازه جدا جدا فى المشى والعفشه والوسع

[/overline]

غلطان

استلمت العربية ليه

احنا اللى بنضيع حقوقنا بادينا

بدل ما سيادتك تشتكى لينا هنا واحنا مجرد اصدقاء موقع

كنت اتصلت من موبايلك بالنجده ولو ببلاغ مبالغ فيه شوية علشان يجوا بسرعة عند معرض السيارات
ومن خلال رقم البلاغ اللى هتمضى عليه انت وصاحب المعرض او المسئول
ودا من اقوى الادلة ل
حماية المستهلك
اللى هم اللى تشتكى لهم وحقك يرجع بالقوة مش هنا بالموقع بتطييب الخاطر فقط




رجاءأ بلاش نضيع حقوقنا

الف الف مبروووك

المشاركة الأصلية كتبت بواسطة m i d o

طبعا لازم منضيعش حقوقنا بس حضرتك حتة النجدة دي مبالغ فيها اوي ومتنفعش للاسف وموضوع فصل عداد السرعة دة بيحصل في 80% من المعارض للاسف

خلاص لو هو راح لنقطة الشرطة او قسم الشرطة وحيكون مستند قوى برقم بلاغ يصلح ايضا لحماية المستهلك
ولمعلوماتك حماية المستهلك هيا اللى بتعمل محضر لقضية عالتاجر لو الطرفين منهوش شكوى المستهلك
ودا بقوة القانون

يعنى صاحب الموضوع لو طلع على اققرب مكتب حماية للمستهلك قبل ما يستلم عربيته من 9ص وحتى 3 عصرا والله كان خد حقه تالت متلت

المشاركة الأصلية كتبت بواسطة carrier

غلطان

استلمت العربية ليه

احنا اللى بنضيع حقوقنا بادينا

بدل ما سيادتك تشتكى لينا هنا واحنا مجرد اصدقاء موقع

كنت اتصلت من موبايلك بالنجده ولو ببلاغ مبالغ فيه شوية علشان يجوا بسرعة عند معرض السيارات
ومن خلال رقم البلاغ اللى هتمضى عليه انت وصاحب المعرض او المسئول
ودا من اقوى الادلة ل
حماية المستهلك
اللى هم اللى تشتكى لهم وحقك يرجع بالقوة مش هنا بالموقع بتطييب الخاطر فقط




رجاءأ بلاش نضيع حقوقنا

الف الف مبروووك

هو انا قولت ان العربيه جيت ادورها مدرتش وبعت جبت ونش شدها لحد البيت فى ايه ياعم انت سخن كده ليه انا لو عاوز احبس صاحب المعرض من غير نجده كنت عملت كده بس هو ملوش دعوه احنا بنشترى عربيه وعارفين ان فيها عيوب تقفيل ايه المشكله ان لمبه التشك منوره ما اكتر من نص اللى راكبين جيلى منوره معاهم حتى بعد ميخرج من الصيانه فى التوكيل بترجع تنور تانى وايه يعنى العداد مفصول كانت شغاله ايجار قبل مايبعهالى وكل الساده الاعضاء المحترمين ردوا عليا وفهمونى ان المعارض بتفصل العداد علشان ميحسبش تحروكات العربيه من الشركه للمعرض او لفروع المعرض وبالتالى لمبه التشك بتنور علشان العداد مفصول وانا بعدها خليت كهرباء ركب الفيشه واشتغل العداد وبعدها اللمبه فصلت ولحد دلؤقتى منورتش تانى الحمدلله احسن من غير وبعدين انا مابشكيش همى للمنتدى زى مانت بتقول المنتدى ده فدنى بعد ربنا قبل ما اشترى العربيه ولحد دلؤقتى بستفيد منه وله حق عليا انى افيد غيرى علشان ياخد باله
وخد بالك ان اللى محبكها اوى ومقديها شكاوى فى كل حته اكتر واحد بيلبس
سبها على ربنا وهى تمشى

اللون الاحمر مخصص فقط للمداخلات الادارية والاشرافية ... تم تغير لون الخط

مشرف 6 ب
29/10/2013
4.58pm

طيب ايه هما المركزين الأخرين لصيانة 100 كيلو أحسن أبورواش بعيد جدا عنى و الأهم هل ممكن يسلمولى الضمان و لا لازم من مركز أبورواش هام جدا جدا

المشاركة الأصلية كتبت بواسطة رمضان شوقى

طيب ايه هما المركزين الأخرين لصيانة 100 كيلو أحسن أبورواش بعيد جدا عنى و الأهم هل ممكن يسلمولى الضمان و لا لازم من مركز أبورواش هام جدا جدا

ياريت حد يعرفنا ايه هما المركزين -علشان ابو راوش ادانى معاد 5--12