استلمت امبارح امجراند وبدات المشاكل

**genius essam** · 14-10-2013 10:40 AM

[overline]الحمد لله والشكر لله على كل حال استلمت امبارح العربيه 2014 فضى فاميه ب 83500 الحمد لله المشاكل مش كبيره
1-استلمت العربيه واكتشفت ان لمبه التشك منور
2-عداد السرعه مش شغال واقف على صفر وباقى العدادات شغاله
3-صوت الماتور بيعلى اوى لما اشغل التكيف
حد يطمنى ايه الحل
بس العربيه ممتازه جدا جدا فى المشى والعفشه والوسع

[/overline]

**ahmedsrs** · 14-10-2013 10:57 AM

متقلقش ممكن يكون المعرض فاصل فيشة عداد السرعة عشان الكيلومتر ميعدش ولمبة الشك منورة عشان الفيشة مفصولة مبروك على العربية وكل سنة وانت طيب

**saddam** · 14-10-2013 11:02 AM

صديقي المواطن
مبروك.وبالتوفيق وعربية جميلة ومشاكلها زيارة بسيطة للتوكيل ساعتين وكلها تتحل خليك متفائل إختيارك موفق وصحيح
أما موضوع.عداد.السرعة فعايزك بس تبصلي عدادها شغال ولا واقف برضو ﻷن لو مش شغال فدي حيلة قديمة.أوي من إخواننا تجار المعارض وهو إنو بيفصل العداد وبيركب العربية يستعملها أو بدل متيجي العربية من.الجمارك على تريلات بينزلها ويجيبها سواقة فبيفصل العداد عشان الزبون ميخافش ويشتريها
وببساطة ممكن في التقفيل عدت عليهم وبسيطة ربع ساعة ويرجع يشتغل لا تقلق مشاكلك بسيطة وبالتوفيق وإلى اﻷمام
ودمتم للنضال

**M I D O** · 14-10-2013 01:57 PM

دي حركة قذرة من بعض معارض السيارات عشان العربية عدادها يقف وميحسبش مشيت كام كيلو ومن لسان واحد شغال في المصرية للسيارات قالي انت فاكر اننا هندفع للتريلا 3 الاف جنية عشان نجيب عربية لا طبعا بنجيبها مشي ونفصل العداد ودة بيترتب علية ان لمبة التشيك انجين تنور لان في خلل في العربية وهوة فصل عداد السرعة وقالي بالحرف العربية علي ما تستلمها بتكون ماشية من 300 ل 500 كيلو ودة طبعا شئ فظيع لانك هتمشي بيها الف كيلو كمان لاول صيانة و الفعلي هتبقي مشيت 1500 كيلو ودة هياثر علي المحرك طبعا عشان كدة بفضل شراء العربية من التوكيل نفسة او احد فروعة او معارض محترمة وموثوق فيها اوي وتروح تستلم العربية وهية نازلة من علي التريلا عشان تشوفها بعنيك وتتاكد والنسبة للصوت العالي معا التكييف مش عارف بصراحة استني رد احد الملاك .. روح للمعرض الي شاريها منة قلهم يوصلولك عداد السرعة زي ما فصلوة ..... والف الف مبروك العربية وربنا يحفظهالك ويديك خيرها ويكفيك شرها

**dedi** · 14-10-2013 02:22 PM

مبروك عليك وانشاء اللة تكون زى الفل

**M I D O** · 14-10-2013 04:08 PM

المشاركة الأصلية كتبت بواسطة hunting_eagle

الواحد يروح معرض محترم ايه بقي و حضرتك بتقول المصرية نفسهم بيعملو كده

ده انا لما كنت ببص على عربية جديدة و الاقيها ماشيه 15 ولا 20 كيلو استغرب اوي

عموما مبروك العربية و ربنا يبارك فيها

عندك معرض زي سمير ريان و شيرين كار دي المعارض الي اعرف انهم بينقلو عربياتهم علي تريلا و اي عربية جديدة يا باشا طبيعي تبقي ماشية من 10 ل 50 كيلو كحد اقصي ودي مسافة نزول العربية من التريلا و طلوعها وخروجها من الميناء لو مستوردة او المصنع لو تقفيل محلي بيكون تنقلات العربية مش اكثر وانا شفت الامجراند في فرع غبور عندنا عدادها عامل 13 كيلو ودة الي المفروض يكون في كل العربيات

**midooo_119** · 14-10-2013 09:54 PM

المشاركة الأصلية كتبت بواسطة genius essam

[overline]الحمد لله والشكر لله على كل حال استلمت امبارح العربيه 2014 فضى فاميه ب 83500 الحمد لله المشاكل مش كبيره
الف مبروك عالعربيه ربنا يباركلك فيها
1-استلمت العربيه واكتشفت ان لمبه التشك منور
2-عداد السرعه مش شغال واقف على صفر وباقى العدادات شغاله
عشان العداد مفصول فعلا اللمبه منورة حضرتك ترجعلهم عشان يركبوه

3-صوت الماتور بيعلى اوى لما اشغل التكيف
حد يطمنى ايه الحل
لو العربيه لسه بارده فعلا صوت علبه الشكمان بيبقى عالى لكن لما بتسخن الصوت بيهدى و ده عيب علبه البيئه مش صوت الموتور لو مضايقك غير العلبه ديه بحاجه محترمه

بس العربيه ممتازه جدا جدا فى المشى والعفشه والوسع
ده حقيقى

[/overline]

**hugan** · 14-10-2013 10:00 PM

كل المعارض مفيش عندهم ضمير
انا باشوف مهازل علي المحور
عربيات زيرو رايحه المعارض وبينقلها سواقين

-

-

الموضوع: استلمت امبارح امجراند وبدات المشاكل

LinkBack

أدوات الموضوع

عرض

-

-

-

-

-

المواضيع المتشابهه

وبدات المشاكل فى التيجو ؟؟ ارجو المساعدة

الحمد لله استلمت امبارح جين 2

استلمت العربيه امبارح

اخيييييييرا . استلمت امبارح ..

الكلمات الدلالية لهذا الموضوع

المفضلات

المفضلات

ضوابط المشاركة