السلام عليكم ورحمة الله وبركاتة
ازيكم يا رجاله
انا ملاحظ كده بقالى اسبوع وشويه ان مافيش بنزين 90 خالص حتى لما نزلت القاهره ما لقيتش غير 92 هل فى مشكلة جامده؟
وكمان واخد بالى ان طوابير ال 80 رجعت تانى ايه الحوار
عرض للطباعة
السلام عليكم ورحمة الله وبركاتة
ازيكم يا رجاله
انا ملاحظ كده بقالى اسبوع وشويه ان مافيش بنزين 90 خالص حتى لما نزلت القاهره ما لقيتش غير 92 هل فى مشكلة جامده؟
وكمان واخد بالى ان طوابير ال 80 رجعت تانى ايه الحوار
صديقي.المواطن
بنزين 90 مختفي بالقاهرة من أكثر من 6 شهور وبصراحة هو لا داعي له ومن المضحك بيعه ال تموينة كلها مش بتفرق من 4 إلى 6 جنيه فعيب تدمر عربيتك وبنزين 90 مع التكييف كانت العربية بتستغيث وهو كان من عبث اﻷنظمة وأيضا الصح إلغاء بنزين 95 وإلغاء بنزين 80 ونعمل بنزين 85 وبنزين 93 وبالتوفيق
سبب إزدحامات بنزين 80 هو ظغط السفر للمحافظات في.السبارات بسبب إيقاف القطارات في العيد
ودمتم للنضال
انا مش بلاقى بنزين 90 ده من حوالى 3 سنين كله 92 او 80 لو لقيته
حتي ال 92 عندنا مبقاش متوفر زي الاول
الفرق مش كبير في السعر
تقريبا 10 قروش
علشان كده تقريبا ريحوا دماغهم
المشكلة انها اختفي تماما
ومش بشوفه خالص
كنت بلاقيه فى اسكندريه لحد اسبوعين فاتو
بس بسأل بتاع البنزينه النهارده وانا بفول بعد ما حطيت البنزين قالى الشركه قالتلهم انسا بنزين 90 نهائى
واللى هينزل بعد كده بنزين 85 بدل ال 80 اصلآ وهيبقى مسمى والله اعلم وال 90 هيتلفى ومش هيبقى فيه غير
85 و 92 و95 ده اللى بتاع البنزينه قالى عليه
فى سفر العيد والعودة
قنا وسوهاج 80 شبه مختفى او بطوابير
ولما فولت فى بنزينة مدينة دشنا بقنا اخذ 5 جنيه زيادة