مشكلة غريبة في الزوايا

**Mahmoud_405** · 12-09-2008 08:55 AM

عربيتي بتحدف يمين بعد ال 100 بس وعلشان امشي استريت لازم اكون مريح الدركسيون شوية ناحية الشمال ولازم اكون عامل مجهود لان لو ايدي مش جامدة العربية برده حتحدف(الدركسيون بيبقي معوج).... انما قيل ال 100 العربية عادي والدركسيون بيبقي في النص والعربية مبتحدفش حتي لو سبت الدركسيون
روحت اظبط زوايا والمشكلة لسة موجوده ورةحت لواحد تاني قالي المقص اليمين راجع لورا ولازم تروح لبتاع عفشة علشان يشدوا بالزرجينة.... روحت لبتاع عفشة قاللي المقص سلييم...
انا شاكك في علبة الدركسيون والله اعلم؟؟؟؟؟؟؟؟؟؟؟؟

**dream_man1110** · 12-09-2008 09:13 AM

اخى العزيز
ممكن حضرتك بردو تعرفنا عربيتك نوعها ايه و هل هيه اول يد ام انها مستعمله ولو مستعمله هل هيه راشه حوض و من هنا نقدر نبتدى نفكر مع بعض حتى لو فى عيب نحاول نصلحها على عيبها .
مبدئيا تروح لبتاع العفشه بيقيس الجنب من اول الكاوتش ايللى قدام لحد الكاوتش ايللى ورا فى الجنبين لو طلعوا قد بعض يبقى ده مش عيب فى المقص و انا اشك انه مش عيب فى المقص لانه لو عيب فى المقص كانت تحدف على اى سرعه .
و طالما انت متاكد من الزوايا انصحك بعمل رصرصه للعجل و تبديل العجله اليمين مكان العجله الشمال مبدئيا وزبط الهوا فى الاربع فرد كاوتش .
ونبتدى نجرب و نشوف و باذن الله خير
و كلنا موجودين معاك

**Mahmoud_405** · 12-09-2008 12:22 PM

عربيتي 405 برستيج شاريها مستعملة فابريكة بره وجوة ومكانتشي بيتحدف قبل كدة وبدلت الكاوتش وعملت ترصيص ولسة المشكلة... والف شكر علي ردك

**shoudy2005** · 12-09-2008 02:37 PM

شوف لو فيه بوش فى علبة الدركسيون و هل حالة الاوتش سليمه؟

**HeMa_LanCeR** · 12-09-2008 02:44 PM

غير بتاع الزوايا وشوف التاني هيقولك ايه ؟
ولو قالك المقص يبقي غير العفشجي
ولو طلع مافيش فرق بين الاتنين يبقي غير العربيه :lol:

**dream_man1110** · 13-09-2008 02:09 AM

المشاركة الأصلية كتبت بواسطة Mahmoud_Peugeot

عربيتي 405 برستيج شاريها مستعملة فابريكة بره وجوة ومكانتشي بيتحدف قبل كدة وبدلت الكاوتش وعملت ترصيص ولسة المشكلة... والف شكر علي ردك

نقطة انها ما كانتشى بتحدف قبل كده معناه يا حوده انك اخدت خبطه فى المقص و على فكره يا حوده ممكن يكون المساعدين ليهم عامل فى الموضوع ده .
و ربنا يقدرنا و نقدر نساعد

**dream_man1110** · 13-09-2008 02:11 AM

طيب بليز يا حوده قيس المسافه من اول الكاوتش الامامى لحد اخر الكاوتش الخلفى فى كلا الجنبين و رد عليا و انا متابع معاك باذن الله

**Mahmoud_405** · 13-09-2008 04:42 AM

طيب بليز يا حوده قيس المسافه من اول الكاوتش الامامى لحد اخر الكاوتش الخلفى فى كلا الجنبين و رد عليا و انا متابع معاك باذن الله

الراجل العفشجي قاسها وقاللي الاتنين ذي بعض وقاس المسافة من اخر الكاوتش لحد الرفرف في العجلتين زطلعو ذي بعض...
وعلي فكرة لسة برده مغير مساعدين والعربية ماخدتشي خبطة في المقص انا بس الي بركبها...
مش عارف دي مشكلة اية؟؟؟؟؟؟؟؟؟ المهم المشكلة دي مكانتشي موجودة قبل كدة... حاجة غربية قوي....

والف شكر يابشا علي المتابعة

**حماده المصري** · 13-09-2008 08:40 AM

ممكن تكون علبه الدركسيون

وانا عن نفسي اتوقع بار علبه الدركسيون بايز سنه ممكن تحله وتشوف ايه الكلام

او لو واحد بتاع زوايا محترم هيقولك البارات سلام ولا بايزين ولا معووجين

**sab3aawy** · 13-09-2008 02:18 PM

الكلام اللى قالهولك اول بتاع زواية صح، الحدفة فى 90 من الحالات سببها تأخير احدى العجلتين عن التانية وتتعدل اما بورد صلب لو المقص مصصم لذلك، او برزجينة لو مافيش مجال للورد