المشاركة الأصلية كتبت بواسطة m_sallam
انا معايا هيونداى i10 و ممكن افيدك فى العربية دى .
مبدئيا كدة العربية صغيرة حبتين من برة علشان مفيهاش كبوت لكن الصالون من جوة فى وسع الانوس لكن الشنطة صغيرة الى حد ما .
التقفيل محترم و هى تقفيل هندى للعلم بالشىء و الماتيريال بتعها كويس و ياخد 8/10 .
الموتور ناعم جدا و ميحسسكش انه 1100 خالص حتى مع تشغيل التكيف و استهلاك بنزينها حاليا 7 لتر جوة البلد و 4.5 لتر فى الطرق المفتوحة .
الثبات محترم لغاية الـــــــ 140 بعد كدة هيقل شوية و للعلم جايب بيها 170 كم/ساعة و مقلتش لأ .
الفرامل جميلة جدا من لمسة باسم الله ما شاء الله .
التكيف كويس جدا جدا ياخد 9/10 .
الباور كهربة لكن باور الالنترا اخف منه بشكل ملحوظ .
الجير بوكس ناعم باسم الله ما شاء الله و مكانه جميل .
العربية عالية عن الارض و مش بتحك فى المطبات و الحمد لله حتى مع وجود حمولة .
الكاسيت و طقم الصوت تعبانين السماعات عندى ضربو و اشتريت سماعات بيضاور بايونير .
الفرش الداخلى مخملى جلد فى قماش و شكل التابلوه جميل جدا .
و اى استفسار انا تحت امرك ...