كل سنة وانتم طيبين يا رجال نيل موتورز انا عاوز اعرف عربيات من 100-لحد 140 الف تكون مشاكلها قليلة تكيف ميأثرش في سحب بشكل واضح ياريت كل واحد يعرف عربية حلوة مجربها يكتب مزايا وعيوب وشكرأ
عرض للطباعة
كل سنة وانتم طيبين يا رجال نيل موتورز انا عاوز اعرف عربيات من 100-لحد 140 الف تكون مشاكلها قليلة تكيف ميأثرش في سحب بشكل واضح ياريت كل واحد يعرف عربية حلوة مجربها يكتب مزايا وعيوب وشكرأ
انا مش عارف انت عايز جديد ولا مستعمل
بس اعتقد بالسعر ده ممكن تجيب تيدا جديده ٢٠١٤ لما تنزل او كيا ريو او بيجو ٣٠١
استنا اليارس الجديدة والتيدا الجديده
سيتروين سى إليزى او بيجو 301 او تيدا 2014
جديد ولا مستعمل
ايوة جديد ولا مستعمل
Nissan Tiida, Peugeot 301, Citroen C-elysee, Hyundai Accent, Kia Rio
جديد يا رجالة جديد
بيجو 301 هاي لاين اوتوماتيك
Can anyone tell me if i were to get a car to drive only in the City,, inside the city only, Will i need Safety like ABS, EBD,,,etc? or not that important?!
نصيحتي ليك لو عاوز عربية نضيفة و ترىحك في الاستخدام وساعة البيع استني الياريس الجديدة بعد العيد و لو مستعجل جيب اكسنت ار بي او البيجو 301 العربية انتشرت جامد و سو قها هيبقي ممتاز انشاء الله.
بالتوفيق
سيبك من البيجو و السيتروين سي الزيه دول ورق واللهِ الصاج عامل زي صاج كان البيبسي :d
خليك في نيسان تيدا الهتشبـاك هاي لاين :)
سوري مع احترامى الشديد لحضرتك
الكلام ده حمادة بالجنزبيل
افتح الكبوت كدة وشوف وزنه ايه
وافتح الابواب والشنطة ، وجرب بعدها تفتح ابواب العربيات الكوري وحتى بعض اليابانى زي التويوتا واللانسر القديم ، هتعرف ايه العربيات اللى بجد وايه العربيات اللعب
البيجو مش هتعمل عربية ورق ، وايا كان سمك صاج البيجو ، بالتأكيد التيدا والاكسنت والريو مش هى العربيات الجامدة، كلهم اضعف من البيجو بفارق كبير كمان
البيجو ياعم صاجها ضعيف ، ماشى خلينى اصدقك ، بس هى اقوى حاجة في فئتها كلها وانا اراهن اي حد بالكلام ده ، واقوى من بعض العربيات اللى اعلى منها كمان
موضوع فرنسى واسبانى ، اولا المصنع اللى في اسبانيا ده مش زي مصنع عمو غبور هنا مثلا ولا حتى نيسان ، ده مصنع بيجو هناك ، ودى اسبانيا يعنى ياريتنا نبقى 1/100 منهم ومن
التكنولوجيا عندهم ..
وبعدين هى التيدا اللى حضرتك نصحت بيها يابانى يابانى ؟ (معنديش فكرة فعلا ، كنت بسمع انها مكسيكى او حاجة زي كدة )
واقولك الكبيرة بقى ، العربية البيجو دى فيها مكونات بتتصنع في المغرب ، زي الفوانيس مثلا ، بس هاتلى فيها غلطة ..
بيجو و ستروين مقدروش ينافسو بعربياتهم اللي في فءة السيراتو و الالنترا على سبيل المثال زي ال بيجو 408 و ستروين c4 فنزلو بعربيتين اي كلام و بسعر مغري عشان تنافس لانهم فاهمين العقلية المصرية اللي بتتسم في الكثير بالفشخرة عشان يقولك ياعم انا راكب بيجو. انا عشت في السعودية اكتر من 16 سنة و لما دي نزلت السنه دي هناك شوفتها في التوكيل في مكة واقفة و برة واحدة 301 مخبوط الباب بتاعها و اتكرمش بطريقة تصعب تفسيرها علميا. العربية ماشية و كل حاجة تمام بس انتظر التعليقات لما تاخد خبطة او خبطيتن.
و بالنسبة للتيدا فهى من ساسها لراسها ياباني و قطع غيارها معقولة. الحاجة اللي اعرفها نازلة مكسيكي هى الجيتا الجديدة :)
موضوع الكرمشة مع الخبطة ده ما تحكمش عليه لان ممكن تكون الخبطة كانت جامدة جدا جدا ، والصاج بيبقى مصمم بالطريقة دى وخصوصا الكبوت عشان مع الخبطة الجامدة ما يدخلش زي ماهو على الكابينة زي السيف ... ف دي حاجة معروفة كعوامل امان
انا كنت في الحرفيين قريب شفت باب عربية سيفيك معجون بمعنى الكلمة ، بس ده ما يخلينيش احكم على صاج السيفيك ، ما يمكن لو كانت عربية تانية خدت الخبطة اللى خدتها السيفيك دى كانت جابت قايم اساسا !
الصاج تقيل بجد بعيدا عن اي تحيزات مش زي الريو والصنى مثلا خالص ، والسي فور و الـ 307 على فكرة عربيات محترمة جدا جدا جدا ، بس السوق المصري له رأي تانى خصوصا ان توكيل بيجو زمان كان مموت الماركة وتوكيل سيتروين سيء ولا يزال ...
عندك الريو هاي لاين فيها abs و ebd و 2 airbag وعند برضه البيجو 301 بس خلي بالك البيجو 301 وفيها نفس الحاجات برضه قطعها من جوه متصنعة في المغرب الله اعلم بالجودة !!!!!!
بس البيجو مع ناس لغاية دلوقتي تمام وماشية كويس معاهم انما العربية معملتش كيلومترات كبيره واللي فيه الخير يقدمه ربنا والاتنين كويسين
بالنسبه لصاحب الموضوع ارشح لحضرتك بيجو 301 او كيا ريو اعلى فئه او استنى شويه لما التيدا الجديده تنزل و تشوف الدنيا فيها ايه
مع احترامي لكل الاراء
انا لو بدور لنفسي هنفض للجديد
اولا العربيات مولعه واسعارها غاليه علي الفاضي و يدوب هتركبها شويه هتخصر 20الي30الف طيب ايه الحل
الحل طالما معاك المبلغ
هتدور علي 316 بي ام موديل 2006او 2007وممكن توقع واحده2008
اركب العربيه دي و هتدعيلي بأذن الله و ده رأيي المتواضع و بالتوفيق
ماهو انا المصيبة الكبرى ان المستعمل ضرب لفوق بغبااااااء
انا بشوف اسعار غريبة انا اساسا مكنتش ناوى اجيب زيرو ، ولكن لقيت المستعمل عربيات زبالة واسعار كل يوم في الطالع لحد ما ظهرت قدامى الـ 301 غرنى سعرها 108 الف وتوكلت على الله واشتريتها ...
يعنى لما تسمع اسعار من عينة :
كورولا 92 فاضية بـ 50 الف
لانسر كريستالة بـ 58 الف
اوكتافيا 2002 مطلوب 87 الف !
اخر عربية شفتها كنت بدور لاخويا على عربية ، فيرنا 2009 العربية متهانة جدا جدا ماشية 170 الف كيلو والصالون زبالة الزبالة والموتور والفتيس مش تمام و يقولك فبريقة وبعدين كمان هاف اوبشن ومركبلها مكنتين ازاز كهربا ومفكر انها كدة بقت كاملة وفي الاخر يقولك 60 الف !!!!!!! يعنى هى اصلا في سنتها زيرو كانت بـ 62 الف ، مشى بيها 170 الف كيلو وفشخها وجاب اخرها وجاي يقول 60 دلوقتى !!!
شعب غريب
يا باشا موضوع الصاج ده بالذات كل الناس بتجربه ماعدا صاحب العربية نفسه :d
يعنى انا بحكم خبرتى المتواضعة في العربيات اقدر اقولك بكل ثقة صاج الريو افضل بكتير من ما تسمى الصنى الجديدة
معرفش اشرح بعرفها ازاى ، بس انا لما ابص على عربية نوبيرا مثلا ، اعرف ان العربية دى صاجها اي كلام ، حتى لو العربية اللى قدامى شايفها بدون خبطات او كرمشة في الصاج ، وممكن اشوف سكودا اوكتافيا مخبوطة واقولك العربية دى صاجها ناشف ومحمل
بس اسعار العربيات العاليه ثابته ومعروفه و الشخص لما بيكون عاوز يبيع ببحط سعر السوف سيبك من دوبيزل و كونتكت كار و الجو ده الناس دي بتبيع بيع غناوة
انا شوفت اوكتافيا موديل ب 160 الف :d
الالنترا كوبيه نزل سعرها 140 الف جنيه
فيها 2 ايرباج و abs
واعتقد انها هتكون اختيار كويس
بيجو 301 .. عربية فخمة وماتور وثبات ممتازين ووسائل امان ( ايموبلايزر و abs و ايرباج ) واوبشنز .. غير انها فرنسى تقفيل اسبانى
اما لو مستعمل عندك اوكتافيا وجيتا موديل 2009 - 2010