الموضوع: تجربتى مع شباب اليومين دول المتهور

من كام يومين كنت ماشية فى شارع فيصل راجعة البيت وكنت متأخرة وكنت راكبة عربيتة فولكس جيتا 2009 خليجى والله لسة مستلماها ومن غير نمر ولسة بورقها عليها اللزق بتاعها وثلاثة شباب فاكرية نفسها اية فضلوا يغلسوا علية بعربيتهم من اول فيصل لحد تقريبا كدة نصة وانا ساكتة اجى يمين ييجى شمال اجى شمال ييجى يمين وكل دة وانا بردوا ساكتة ومش فى دماغى ومطنشنة انما بقى الى خلانى خرجت عن شعغورى تخيلوا بقى الغبى ييجى قدامى ويعمل امريكانى فى شارع فيصل وييجى قدامى ويقعد يرقص بالعربية يمين وشمال يمين وشمال طبعا انا وقفت لانة قفل علية وانا لما وقفت البية المتربى المحترم الى ولا فى دماغى طريق ولا ناس ولا اى حاجة يقف بعربيتة قدامى على الشمال ويشغل الانتظار قولت طيب اجى انا يمين راح جى يمين عارفين عملت اية انا بقى الى رحت واقفة وراة وفتحت النور العالى عندى وانا النور عندى زينون عميتة وايدى على الكلاكس اكتر من عشر دقايق والمحترم لما لاقانى لميت الشارع علية نزل من العربية وقعد على الرصيف وخدوا بالكوا كل دة فى شارع فيصل وعلى الشمال مش اليمين وانا ايدى على الكلكس والناس ابتدت تتلم لحد ما جات عربية شرطة بوكس وشتمة بس ومشوا الطريق ودخلوا قدامى وعملوا حاجز بينى وبينة وفضلوا معايا لحد ما قربت على شارعنا اما البية صاحب العربية اختفى قولت الحمد لله مشى اتارية راكن على جنب لحد ما انا عديت والبوكس مشى وجيييييييييية طيارة وراية بصراحة انا خفت دخلت شارع جانبى دخل ورايا كان فى مطب هديت علشان اعدى المطب جية جنبى حسيت انة بيقول حاجة فتحت حتة صغيرة من زجاجى لقيتة بيقولى هوة الاسلوب يبقى كدة مش براحة لميتى علية الشارع انا بصراحة كنت على اخرى ولقيتة قالى الكلام دة بيعد عنكم مسكتة وقولتلة بذمتك هوة دة الادب هية دى الاخلاق تقفل علية الطريق وتعمل امريكانى وترقص بالعربية فى شارع فيصل وتقطع علية الطريق قالى انا محصلش قولتلة انا لا كلمتك ولا ضحتلك ولا قولتلك حاجة علشان تعاكسنى وواضح انى مش عاوزة اكلمك لية االغلاسة وقلة الادب دى قالى انا اسف كنت عاوز اقولك كل سنة وانتى طيبة ورمضان كريم وباى ومشى ربنا ياخدة شفتوا شباب بلادنا يارجالة لو انا غلطانة قولولى مع لعم انى مكنتش مشغلة الكاسيت ولابسة لبس عادى مش ملفت للنظر والله العظيم ماشية فى حالى لانى كنت خايفة على عربيتى علشان لسة جديدة لو انا غلطانة قولولى ولو اى حد مكانى كان عمل اية
تم تعديل لفظ الجلالة
الادارة