عرض للطباعة
المشكله دي في عربيه لانسر 2006
باختصار هي اني لما اجي امسك فرامل على سرعه متوسطه او عاليه بسمع صوت احتكاك الكاوتش بالارض من الكوتش اليمين بس
يعني كل مادوس فرامل جامده شويه بيطلع صوت من الكاوتش اليمين بس ؟
هل ده معناه ان فرامل اليمين بتمسك اكتر من الشمال ؟ او يمكن المساعد اليمين عايز يتغير ؟
انا لسه مغير الكاوتش جديد , وضابط زوايا و مرصص بس لسه المشكله موجوده ..
لا ان شاء الله ما قيش مشاكل في الفرامل
العيب ممكن يكون ان ضغط الكاوتش مش مزبوط
او يكون نوع الكاوتش
bridgestone turanza ER-30
لا الضغط مزبوط ونوع الكاوتش سوبر سايلنت ... حاسس ان فرامل بتمسك قبل التانيه او بيتهيئلي مش عارف بس العربيه مش بتحده مني.... كل الاعراض ان صوت بيطلع م العجله اليمين بس!
صعب أوي ان الفرامل اليمين تكون بتمسك أكتر
لو كد حتحس بحدفة يمين لما تيجي تمسك فرامل
ممكن يكون شوية تراي على الكاوتش
على العموم بدل مكان الفردتين لو لسه في صوت من العجلة اليمين يبقى ضبط زوايا
اضبط زوايا عند توكيل بريدجستون لو المشكلة استمرت
لسه مغير الكاوتش والمشكله لسه موجوده وعيرت وضبت زوايا ف توكيل بريدجستون الي عباس العقاد....
متحوطش فى دماغك و هتروح لوحدها (هى فرامل الانسر اصلا مشعوذه) عن تجربه.
تبديل مكان الفردتين دي افضل فكرة تعرفنا المشكلة فين بالظبطاقتباس:
المشاركة الأصلية كتبت بواسطة nobody
الله ينور علي ردك استاذاقتباس:
المشاركة الأصلية كتبت بواسطة مصراوي جدا
هيبدل الفردتين و المشكله هتفضل زى ما هيه (المشكله مالهاش علاقه بأى حاجه غير الفرامل نفسها) يعنى طلع الزوايا و الكاوتش و الترصيص من دماغك و صدقونى عن تجربه و هتزبط لوحدها وغالبا هتلاقى المشكله دى حصلت بعد مره غسل فيها العربيه و التيل الخلفى زحلق مره فكمبيوتر الebd زبط نفسه على انه يعمل الحركه ده و حتى بعد ما التيل نشف فضل زابط على كده (غباء كمبيوترات) المشكله ده اساسها ضعف الفرامل الخلفيه و للأسف ده مش مشكله تيل و لا رجلشه و لا اى حاجه ولكن جهاز الِabs مزود بنظام Ebd للتحكم فى قوه الفرامل الخلفيه بالنسبه للأماميه و ساعات الجهاز ده فى الانسر بيتصرف غلط و يضعف الفرامل الخلفيه بدون داعى أو زى ماتقول كده مهنج. (هاحكيلك تجربه حصلت معايا...........الفرامل كانت مضبوطه جدا و ماسكه فى الارض بحديد مهما دوست جامد و على اى سرعه و فى مره جيت ادوس فرامل لاقيت الدواسه محجره و التأثير على الفرامل ضعيف جدا فاشيلت رجلى و دوست تانى لاقيتها طبيعيه بس كل ما افرمل بيها بعد كده كان العجل الأمامى بيعمل صوت زحلقه جامد لأهون سبب و تفسيرى لده ان جهاز الebd قفل خط الباكم الخلفى شويه عن الأول و فضل معلق على كده بسبب انى دوست فرامل عليه وهو كان بيتحرك لضبط النسبه بين فرامل ورا و قدام لما كان البدال محجر.........أدى مثال يوضح اختلاف الفرامل و ظهور العيب ده فى لحظه ما كانش موجود قبلها مع العلم ان الطريق هو هو و الكاوتش ما اتغيرش و الزوايا و الترصيص هى هى و كل حاجه محدش قربلها(و من الحاجات اللى بتلخبط الفرامل كمان انك تبقه لسه غاسل العربيه و تفرمل بيها فالتيل بيكون مزحلق فال Ebd بيتدخل لضبط نسبه الفرامل و بعد التيل ما بينشف بيفضل الebd مستغبى و مش ضابط النسبه صح بس بعد فتره من الاستخدام بيضبط نفسه و انا حصل معايا كده اكتر من مره و راحت لوحدها و ده عيب من عيوب الانسر اللى ناس كتير اتكلمو فيها فى المنتدى و هحاول الم لحضرتك اللينكات بتاعتها (وهو ده سبب اشاعه ان فرامل الانسر وحشه بس هى قويه بس العيب ده لما بيحصل بيدى الاحساس انها ضعيفه)
وعلى فكره انا كنت عامل موضوع شارح فيه فكره عمل نظام الebd و سبب المشكله هندسيا بالتفصيل .
http://nilemotors.net/Nile/showthread.php?t=30019
شوف ده وهدورلك على مواضيع تانيه ناس اشتكوا فيها من نفس الشكوى
بعد ما تقرأ موضوعى و تفهم المشكله كويس أقدر اقولك على حل تحايلت بيه على المشكله و جاب نتيجه بنسبه 75 % على الاقل.
(غيرت الفردتين الأماميتين بفردتين ميشلان مقاس 205/60/r15 وبكده استفدت حاجتين)
1-الفرده ده مداسها على الأرض اعرض فامش هتتزحلق بسهوله بالاضافه انها ميشلان طبعا.
2-المقاس ده هيخلى قطر العجل الامامى اكبر شويه من الخلفى (الفرده الاصليه 195/60/r15 ) وده هيتسبب فى ان سرعه دوران العجل الخلفى هتبقه اسرع قليلا من الامامى فجهاز الebd لما ييجى يراقب سرعات العجل الامامى و الخلفى اثناء الفرمله هيلاقى العجل الأمامى ابطء بنسبه بسيطه من الخلفى و ده اللى هو عاوزه و هيتهيأله انه خلاص عمل نسبه الزحلقه اللى هو عايزها فى العجل الامامى عشان يقيسها فا مش هيزودها عن كده الا مع الفرامل القويه اللى تستاهل فعلا انه يعمل الحركه ده و بكرر المشكله ده عيب فى الانسر فى ان الebd كتير مش بيضبط نسبه الفرامل الخلفيه صح و الحل بتاعى حل المشكله بنسبه 75% بس مش 100% بس انا دلوقتى راضى جدا عن فرامل عربيتى و انا قولت تجربتى لعلها تنع حد.
(على فكره فهم فكرتى مرتبط بفهم الموضوع اللى فى الرابط السابق)
فى حاجه كمان لاحظتها هقولك عليها
-فى نوعين تيل فى التوكيل و الاتنين أصلى واحد اسمه Sumitomo ولونه اخضر و ده اللى بينزل مع العربيه من اليابان و التانى Ak ولونه رمادى و نصيحه منى لعده اسباب مش مجالها دلوقتى ما تركبش غير الsumitomo و ابعد عن اى حاجه تانيه مش اصلى و لا حتى الأصلى الak
على فكرة يا بشمهندس محمد ال ebd ما بيشتغلش الا مع الضغطة الكاملة لدواسة الفرامل فقط
وهدفه الرئيسي انه يزود ضغط الزيت على الفرامل الخلفية أثناء الضغط الشديد على الفرامل عشان العربية ما توطاش من قدام و العربية تبقى متزنة
يعني مثلا لو brake bias 70:30
حيبقى 60:40
اللحظه اللى بيتسمع فيها صوت الزحلقه من العجل الامامى هى ده اللحظه اللى بيبدأ يشتغل عندها ال EBD عن طريق حساب نسبه الزحلقه اللى فى العجل الامامى بالنسبه للخلفى و يبدأ فى تزويد قوه الفرامل الخلفيه بحيث يحافظ على نسبه الزحلقه ده متزيدش عن كده و فى نفس الوقت الفرامل الخلفيه ما تزيدش منه زياده عن اللزوم و العجل الخلفى يقفش و ده مكمن الخطر (و ده مش مرتبط بقوه الضغط على الفرامل قد ما هو معتمد على الطريق و زحلقه العجل عليه) انما كلامك ينطبق على الProportioning valve وليس الEBD وإلا ما كانش يبقه فيه فرق بين الEBD وال proportioning valve .اقتباس:
المشاركة الأصلية كتبت بواسطة nobody
عموما أنا قصدي ان ال ebd ما بيشتغلش الا في الآخر مع abs
أو زي ما انت قولت لو طريق مزحلق او رملة حيشتغل برضه
لكن في الفرامل المعتادة ما بيشتغلش
مزبوط كلامك بس فى المشكله اللى بنتكلم عليها فى الانسر هى ان الزحلقه بتحصل من العجل الامامى بدرى قوى من غير ما تدوس جامد ولا حاجه و ما بتبقاش جايب أخر الفرامل ولا حاجه. وعلى فكره ده بيحصل قبل مرحله عمل الabs بكتير و ده العيب اللى فى العربيه.
مع الأخذ فى الإعتبار طبعا إذا كانت الاطارت Directional (أى لها يمين و شمال) و ذلك حتى تستقيم المقارنة.اقتباس:
المشاركة الأصلية كتبت بواسطة مصراوي جدا
ايوه يا محمد بس انا عربيتي مش Abs كمان الكاوتش لسه جديد واتجهات الروتيشن مزبوطه .. انا مش عارف المشكله فين بزبط ياتري ممكن تكون بسبب المساعد ؟ لاني لسه مغير مساعد الشمال جديد وعامل 75 الف ...
على فكره كده حضرتك عليت العربيه من قدام فقط... و بالتالي هتضعف الـتحكم في العربيه (handling/steering) خصوصا في الملفات و السرعات العاليه.. او لما يركب معاك حد في الكنبه اللي ورااقتباس:
(غيرت الفردتين الأماميتين بفردتين ميشلان مقاس 205/60/r15 وبكده استفدت حاجتين)
1-الفرده ده مداسها على الأرض اعرض فامش هتتزحلق بسهوله بالاضافه انها ميشلان طبعا.
2-المقاس ده هيخلى قطر العجل الامامى اكبر شويه من الخلفى (الفرده الاصليه 195/60/r15 )
الفرده ال205/60 R15 اعلى من ال195/60 R15 بمقدار 6مم وده مش ملحوظه خالص و على فكره التحكم فى العربيه ممتاز بل بالعكس على السرعات العاليه فى السفر حاسس ان الدركسيون راكز فى ايدى عن الاول بس هو هيبقى فيه خطأ فى قراءه العداد بنسبه 2% يعنى لو ماشى على سرعه 100كم/س على العداد العربيه فى الحقيقه هتبقه ماشيه على سرعه 102كم/س وده نسبه خطأ مقبوله.اقتباس:
المشاركة الأصلية كتبت بواسطة Ahmed Hassan
اظبط الكاوتش على 33 والصوت هيروح نهائي
طبيعى ان كل ما المساعد تكون حالته احسن تكون العجله ثابته فى الارض اكتر و المساعد الجديد اكيد افضل من المستهلك بنسبه ما .....اقتباس:
المشاركة الأصلية كتبت بواسطة actronx
بس مش معنى كده ان التانى وحش و على فكره ممكن جدا يكون هو ده السبب و لو ان الوضع ده لو فى عربيه تانيه غير الانسر مش هتظهر المشكله ولكن فى الانسر الاعتماد فى التصميم على الفرامل الاماميه اكبر من عربيات تانيه و ده عيب فيها زى ما وضحت قبل كده
معلش كنت عاوز اسأل سؤال مهم .........انت غيرت المساعد ليه؟ وهل مغيره بالاصلى و لا لأ؟؟؟؟؟؟؟
الـ 6 ملم دول رفعو العربيه من قدام... و غيروا النسبه بين ارتفاع العربيه الأمامي و الخلفي. طبعا حضرتك عارف ان العربيات بتكون دايما مايله للأمام شويه علشان تحسين الفرامل و التحكم. لو العربيه ارتفاعها نتساوي من الأمام و الخلف هيقل الثبات... و لة الأمام اعلى من الخلف الثبات هيروح فيها خالصاقتباس:
المشاركة الأصلية كتبت بواسطة mohamedway
حضرتك شوفت المرسيدس و هى فارشه على الطريقى بتبقه عامله ازاى من ورا؟؟؟؟!!!!! بتبقى واطيه جدا من و را اكتر من قدام.اقتباس:
المشاركة الأصلية كتبت بواسطة Ahmed Hassan
غيرت المساعد الشمال .. عشان كنت ف التوكيل في الصيانه الدوريه والمهندس قلي المساعد محتاج يتغير وقلتله وااليمين قلي لا اليمين كويس... ده ف توكيل لانسر الي ف قليوب... وطبعا ركبت مساعد اصلي