انا راي نسيب كرة القدم خالص
ونرجع لزراعة القطن
مجرد رأي ..
عرض للطباعة
انا راي نسيب كرة القدم خالص
ونرجع لزراعة القطن
مجرد رأي ..
"قامت إدره المنتخب المصري بتقديم تظلم للجنة الطبية للكاف بأن بعض لاعبي غانا مجهودهم غير طبيعي وقال يجب الكشف عليهم فنحن نشك في تعاطيهم منشطات وبعد التحليل وجد3 تحليل المنشطات ايجابي في العينه الاولية".. ليس هذا كلامي بل هذا ما جاء بالنص على أحد المواقع المصرية، والذي يتمسك بالحبال الدايبة والأمل في الصعود بعد فضيحة غانا المذلة
فمن جديد سنستخدم الطريقة المصرية في التغطية على الفضائح باختلاق وصنع سبب يُغطي على ما فات وتلهو فيه الناس، فمثلا في تصفيات كأس العالم 2002، بعد الفشل في الصعود، خرج الجهابذة في مصر بتصريحات تؤكد أن مباراة السنغال ونامبيا وقتها حدث بها تلاعب لصالح السنغال وأن مصر سترسل شكوى للفيفا، وسوف يتم إلغاء النتيجة وتصعد مصر، وهنا انشغلت الجماهير البسيطة بالتصريحات وتركت محاسبة المنتخب، وفي 2010 بعد مباراة الجزائر حدث نفس السيناريو، بأن الملف المصري عن أحداث شغب مباراة أم درمان سيلغى النتيجة وسوف تُعاد المباراة، ليتم التغطية على الأحداث الفنية ويعتقد المشجع الحالم بالصعود أن المؤامرة سبب الفشل، وها هو السيناريو يتكرر من جديد في فيلم مكرر وبايخ من أصحاب العقول والقلوب والأقلام المريضة لو تم الترويج له بصورة أكبر، فغالباً تبدأ الأمور هكذا، رغم أن الأشخاص يتغيرون ولكن الفكر واحد .
مجهود ايه غير طبيعي
احنا الي كنا مش بنجري اساسا
الناس متعبتش معانا فشئ هما سبونا نخش فبعض من كتر عدم التركيز ونجيب اهداف فنفسنا
وبعدين يبقي الطريق فاضي للجون بس
انما واحد منهم كل شوية قصاده اربعة من عندنا وتلاقيهم فالنهاية فالارض كلهم
وهو احرز هدف
لازم نعترف اننا مكناش بنلعب كورة اساسا فرأي
ما اظنش انهم واخدين منشطات
اظن لعيبتنا كانوا لابسين الشورتات ضيقه مكانوش عارفين يجروا فى الملعب ههههههه
بجد كان المنظر يزعل جدا عرفوا يعيدوا علينا صح محبش اشوف المنتخب اللى شايل اسم بلدى بالمنظر ده
اقتباس:
محبش اشوف المنتخب اللى شايل اسم بلدى بالمنظر ده
بالظبط كده
هو اصلا اعطاء اولويه وحجم كبير لخسارة ماتش كوره لمنتخب دوله يدل على ان اولويات المواطن في البلد دي مغلوطه . يعني ايه قيمة ماتش كوره ؟ وايه دلالة خسارة الماتش وعلاقتها بوضع البلد ؟ او وزنها ؟ اكبر دول العالم بتخسر ماتش كوره .. والدول الضعيفه سياسيا واقتصاديا بتفوز .. يعني ايه الاسقاط والدلاله انا مش فاهم ؟ حضرتك عاوز تتشائم انت حر . لكن انا متفائل ان شاء الله ومصر اكبر من اي مشاكل وبكره احلى .
هو على فكرة ده الوضع في أي بلد تانية, يعني مصر مش حالة شاذة ولا حاجة..
هو اللي غلط في الموضوع عندنا بس أننا بنحب نعمل نفسنا خبراء في كل حاجة حتى لو حاجة ملناش فيها فكله بينهش في لحم الفريق لما يقع, اللي ليه في الكورة و اللي ملهوش..
أكبر الفرق و المنتخبات بيجيلها يوم تفشل فيه و ممكن يبقى فشل مُذِل زي اللي حصل ده, ده شيء طبيعي في أي رياضة.. و مننساش أن اللعبة عبارة عن فرقتين, يعني مش معنى أنك بتدرب و بتصرف كويس على الأستعداد أنك هتكسب, الفريق التاني برضه بيتدرب و بيصرف فهو كمان ليه فرصة في المكسب..
مانشستر يونايتد من موسمين خسر على أرضه و وسط جمهوره بنفس النتيجه دي 6-1 من مانشستر سيتي اللي كان يعتبر لسة فريق بيدورله على مكان وسط الكبار, و اليونايتد أنهي الموسم ده تاني الدوري و أخد الكأس, يعني الفرقة منهارتش و كملت الموسم عادي و حققت بطولة و كسبت الدوري الموسم اللي بعديه..
الأمثلة كتيرة الحقيقة لكن القاعدة واحدة أن الرياضة ملهاش كبير و مفيش فريق بيكسب على طول..
الفرق بين مصر و بين أي دولة تانية, أن هنا لما حد بيقع الناس بتدوس عليه عشان يقع زيادة.. و ده في أي حاجة مش في الكورة بس..
الموضوع لا هو سياسة و لا هو أي حاجة تانية غير أنه ماتش كورة كنا الطرف الأسوأ فيه فأستحقينا الخسارة, لسة في ماتش عودة نشجع فيه المنتخب يقوم من حالة الأحباط دي و يقدم ماتش كويس بغض النظر عن النتيجة النهائية...
عسي ان تكرهوا شيئا و هو خيرا لكم
تخيلوا لو فوزنا علي غانا و صعدنا كاس العالم
كنا هنبقي حصاله اهداف + غالبا مش هنجيب اجوان
يعني فضيحه عالميه اكبر من فضيحه ماتش غانا
كنا هناكل 10 او 15 جون في ال 3 ماتشات
و مجدي عبد الغني كان هيعد يذل فينا
خليه يذل فينا و احنا مدخلناش كاس العالم
اهه يبقالنا حجه
لا غالب الا الله
الموضوع مش مستاهل كل ده
انا حاسس ان فى ناس عملوها مناحة وندب حظنا
مع احترامى للجميع ده كلام خايب
عندنا اهتمامات واولويات كتير
وشكرا ..
ايه هى الأهتمامات ؟
ايه هى الأولويات ؟
المشكله مش فى ماتش كوره ( مع العلم انه مش ماتش فى دورى )
المشكله ان سبب الخيبه فى الماتش هو سبب الخيبه فى الشغل هو نفسه سبب الخيبه فى الشارع
قياده متخبطه
إنفاق فى غير محله
عدم معاقبه المقصر
عدم الأهتمام بالنوابغ ومحاولة طمسهم
التهليل الأعلامى المبالغ فيه ( فى جميع الحالات )
حد متفق معايا ؟