الموضوع: خبراء الفيرنا شويه اسئلة على السريع لاني بفكر فيها

المشاركة الأصلية كتبت بواسطة M I D O

بصراحة مفيش مقارنة ال byd احسن من الفيرنا بمراحل كفاية وسائل الامان الي غير موجودة في الفيرنا

يا ميدو الـABS و EBD اللي في الـBYD دول على الورق بس

انا متأكد بنسبة 70% انهم كلام فاضي ومش بيشتغلوا او خربانين اساساً

دا بيقولك 6 سماعات لما روحت اتفرج عليها من حوالي 4 شهور لقيت صوت ال6 سماعات دي تترمي في الزباله

قولت له اول حاجة هتتغير اهي الكاسيت بسماعاته !!!!!!!!!!!!!!!!!!

فأكيد طبعاً الحاجات موجوده ايوه يعني يقول لك 6 سماعات فعلاً هتلاقي 6 سماعات يقول لك ABS و EBD برضه هتلاقيهم بس ايه جودتهم ؟؟؟؟؟؟؟؟؟؟؟؟ مفيش

المشاركة الأصلية كتبت بواسطة devil_storm

فيرنا طبعا افضل من بيكانتو و i10 و byd
العربيه ممتازه جوه البلد و اعتماديا جدا و مريحاني جدا ... معايا من ٢٠٠٩ و عامل بيها ٣٧ الف و طبعا مبعملش الا الصيانات الدوريا فقط ... حتي تيل الفرامل لسه مغيرتوش من ساعة ما جبتها

مغيرلها حاجة ؟؟؟؟ ركبتلها جنوط ولاغيره ؟؟؟؟ غيرت الكاوتشات لماركة نضيفه زي الكومهو مثلاً بدل الموجود فيها دلوقتي (سمعت انه النسر اللي راكب فيها الاصلي) !!!!!!!!!!

المشاركة الأصلية كتبت بواسطة svneleven

البيكانتو هتديك ميزة الحجم الصغير و المناورة و الركنة. حضرتك هتتحرك بال بي ام الا لو نازل مكان زحمة أو مشوار صغير فهتحتاج عربية صغيرة تنجز بيها و تركنها بسهولة.

صحيح هتساعدني جوه البلد بس العربيات الصغيره مش بتنفعني خالص دا بالاضافة الي ان هيبقى منظري يضحك لاني طويل على العربية هههههههههههههههه

المشاركة الأصلية كتبت بواسطة hamaka

لو هتفكر فى هاتش باك ، فكر فى رينو سانديرو مانيوال أو أوتو ، أحسن و أنعم من الفيرنا و غير معقدة خالص عشان هى أصلاً رومانى و هتتفادى التقفيل المصرى بتاع الفيرنا و توكيلها كويس جداً EIM و أكبر حجماً من البيكانتو و ال i10 و تقريباً السعر واحد ، و عموماً الفيرنا كويسة برضو مش وحشة ، الميزتين اللى فيها الجرى و قدرة اى ميكانيكى على التعامل معاها ، لو دول هيفيدوك فكر فى الفيرنا لو مش هيفيدوك أوى شوف حاجة غيرها...

فعلاً ركبتها بس وفعلاً توكيلها ممتاز جداً هو هو توكيل كيا بس خلي بالك دي بنت عم اللوجان
هي الهاتشباك من اللوجان بقيت السانديرو.

قعدتها مريحتنيش فرشها تحسه مش منجد اساساً !!!!!!! اه والله ركبت لقيت نفسي نزلت لتحت من الكرسي هو اللي نزل بيا !!!!!!

يعني انا لما اركب مثلاً في الريو عندي او الـX1 الاقي الكرسي نزل بيا التنجيد بتاعه في حاجة انا قاعد عليها متنجده مش قاعد على الهوا

فرشها والتابلوه قفلني جداً غير فتحات التكيف اللي عامله زي الشباك اللي عندي في الشغل هههههههههههه وتحسهم هيطلعوا في ايدك

انا عن نفسي صدقوني يا رجاله حاسس ان العربيات دي كلها غالية على الـ90 الف بتاعتها دي !!!!!!!!

المشاركة الأصلية كتبت بواسطة khaabas

عن تجربة يا كبير كان معايا فيرنا 2010 ومشيت بيها 100.000 كيلو فى سنتين :)

بس احتمال الفيرنا تنسيك البى أم :) عربية من الاخر فى الهوا ماشي فى البحر ماشي عالاسفلت ماشى من غير بنزين هههههههههه ماشية برضه
صفقة رابحة جدا
الفيرنا والله ندمان انى بعتها

حبيب قلبي عامل ايه ؟؟؟ كل سنة وانت طيب

مين هو اللي ينسيني البي ام ده عشق من اول ما ركبتها عند البافارية قبل ما احجز
نزلت قولت الاستيلام امتى يا رجاله ههههههههههههههههههه

ماهو علشان هي بتاعة الحاجات دي قولت نتوكل على الله فيها لكن ايه موضوع تغيير الجنوط والكاوتشات وماركة النسر والكلام ده ؟؟؟

هي بتنزل بطاسات ؟؟؟؟ مش جنوط ؟؟؟

المشاركة الأصلية كتبت بواسطة horas3000

ده نورك يا زعيم
و انت عارف الاجازه بقي فرااااغ ههههه

و سيبك من الشكل و خليك في المضمون
ال i10 و البيكانتو احسن حاجه لبلدنا دي
و استهلاك مفيش
و يا باشا انا طولي 182 و بسوقها مستريح و في ناس بتركب ورايا كمان (مش طوال طبعا)
و بخلاف الشنطه اقدر اقول لك الi10 قد الفيرنا او يمكن اوسع سنه
و الجري انا جبت سيرته لان اقوي ميزه في الفيرنا قصادهم
و انا قايل لك انها مهمه ال x1
بس خلي بالك من ال 316 و متلعبش معاها هههههه

عموما الفيرنا مش وحشه و مرطرطه في كل حته و طوب الارض شغال فيها و قطع غيارها حنينيه (اقل من ال i10 و البيكانتو كمان) بس اعتقد الاوتو مش منتشر فيها قوي زي المانوال

182 حلو انا 178 طيب والناس محدش بيضحك كده ولا كده انا ده اللي موقفني من العربيات الصغيره ههههههههههههههههه

ايه يا شوشو ده اقوي موتور NA في BMW لغاية دلوقتي !!!!!!
على الورق X1 اقوي في الموتور مفيش كلام !!!! وبيحرك عربية اتقل من الـ316 وكمان معاه مقاومة هوا اكتر من الـ316 علشان العربية اعلى عن الارض مفيش كلام !!!!

فرق احصنة اكبر - سعة موتور اكبر - والـoutput عموماً اعلى

يبقى لأ كموتور الـX1 اكبر من الـ316 والفرق في وزن وحجم ومقاومة الهوا في كل عربية يعني عوامل Aerodynamics اكتر

وايه اخبار الـ316 معاك ؟؟؟؟ انت عارف انا لولا الشوارع عندي والمطبات كنت بدون تردد اشتريت الـ316 بدون تفكير اساساً

المشاركة الأصلية كتبت بواسطة 2code

حبيب قلبي عامل ايه ؟؟؟ كل سنة وانت طيب

مين هو اللي ينسيني البي ام ده عشق من اول ما ركبتها عند البافارية قبل ما احجز
نزلت قولت الاستيلام امتى يا رجاله ههههههههههههههههههه

ماهو علشان هي بتاعة الحاجات دي قولت نتوكل على الله فيها لكن ايه موضوع تغيير الجنوط والكاوتشات وماركة النسر والكلام ده ؟؟؟

هي بتنزل بطاسات ؟؟؟؟ مش جنوط ؟؟؟



182 حلو انا 178 طيب والناس محدش بيضحك كده ولا كده انا ده اللي موقفني من العربيات الصغيره ههههههههههههههههه

ايه يا شوشو ده اقوي موتور na في bmw لغاية دلوقتي !!!!!!
على الورق x1 اقوي في الموتور مفيش كلام !!!! وبيحرك عربية اتقل من الـ316 وكمان معاه مقاومة هوا اكتر من الـ316 علشان العربية اعلى عن الارض مفيش كلام !!!!

فرق احصنة اكبر - سعة موتور اكبر - والـoutput عموماً اعلى

يبقى لأ كموتور الـx1 اكبر من الـ316 والفرق في وزن وحجم ومقاومة الهوا في كل عربية يعني عوامل aerodynamics اكتر

وايه اخبار الـ316 معاك ؟؟؟؟ انت عارف انا لولا الشوارع عندي والمطبات كنت بدون تردد اشتريت الـ316 بدون تفكير اساساً

ال 316 الجديدة تسارعها أحسن من ال x1 بحوالي 0.9 ثانية عشان كده ممكن يزعلك بال 2000 cc بال x1. فوق ال 100 مش عارف و ال توب سبيد مش عارف بردو.

المشاركة الأصلية كتبت بواسطة horas3000

قلتش حاجه انا ههههههه
بس هو فعلا اللي بيمشي في شوارع مكسره او مطبات كتير ال 316 هتزعله جامد
انا في العين السخنه حاليا و القريه فيها شويه مطبات لوز
مخلياني عنيا فوق الكبوت ههههه

انا مش بمشي في شوارع انا بمشي على الحيط

اسكت ياراجل على المطبات دي هضاب انا كنت بفكر في 320 او 316 لكن لايمكن العربيتين دول يعدوا مطب واحد مطب واحد بس !!!!!!!!!!!

يا جماعة أنا معايا 320 مو 2011 (علي فكرة ال 316 الجديدة ممكن تزعلني بردو) المهم مش بتحك في كل المطبات يعني قول بتحك في مطب من 5 لو المطب عالمي.