ضروره تغيير زيت الفتيس

**harshofa** · 16-10-2013 02:28 AM

كتير من الناس ماتعرفش الموضوع دا وحبيت اكتبه علشان المفتيين كتير حتى فى بعض مراكز الخدمه.
تغيير زيت الفتيس هل هو ضرورى ولا لأ؟
زيت الفتيس ضرورى جدا تغييره للحفاظ على الجيربوكس وتغييره بيختلف من عربيه للتانيه لكن متوسط زمن تغييره 50,000 كيلو.
طيب ....ايه الللى بيحصل علشان نغيره؟
بتلاقى عضه فى النقلات فى بعض الحالات والبعض الاخر الفتيس بيرجع بعد مابتديله النقله وفى بعض الحالات بياخد نقله بعد مابيرجع.
الفتيس بيبقى مش مضبوط فى الحالات دى وممكن يكون تلف لاقدر الله وممكن يكون لسه بيشاور نفسه فلابد نلحقه ونغير الزيت.
الحاجات دى بتحصل كلها نتيجه وجود جزيئات صغيره من حديد الفتيس تاكلت مع مرور الوقت والجزيئات دى بدات تاخد مكان الزيت مع كل نقله فتاثر على النقلات وتقصر من عمر الفتيس.
وانا قريت كتير فى مواقع عربى واجنبي عن الموضوع دا .....
واللى عايز يقرا عنه مفيش مانع ودا موقع من المواقع دى:
Tip! Oil servicing gearboxes
هل فيه انواع مختلفه من الزيوت؟
طبعا كل عربيه ليها نوع معين على حسب درجه لزوجه ومواصفات الزيت نفسه.والاوتوماتيك غير المانيوال.
وربنا يوفق الجميع
ويحميكوا من الشر.
والسلام عليكم ورحمه الله وبركاته

**saddam** · 16-10-2013 02:41 AM

صديقي المواطن
كلام في مجمله سليم ومن المهم جدا تغيير زيوت الفتيس والكورونة حتى عند شراء سيارة مستعملة ولكن هناك أخطاء شائعة وهي وضع زيت 140 في السيارات الملاكي اللي بتاخد 90 مثلا وده بيدمر العربية
وبالتوفيق وإلى اﻷمام
ودمتم للنضال

**harshofa** · 16-10-2013 03:36 AM

المشاركة الأصلية كتبت بواسطة saddam

صديقي المواطن
كلام في مجمله سليم ومن المهم جدا تغيير زيوت الفتيس والكورونة حتى عند شراء سيارة مستعملة ولكن هناك أخطاء شائعة وهي وضع زيت 140 في السيارات الملاكي اللي بتاخد 90 مثلا وده بيدمر العربية
وبالتوفيق وإلى اﻷمام
ودمتم للنضال

كلامك مضبوط وانت اكيد قريت اللى انا كاتبه وهوان كل نوع عربيه له زيت معين والمانيوال غير الاوتوماتيك

**gmslem** · 18-10-2013 09:15 PM

كلام رائع و شكراااا لكم

من فضلكم ما افضل زيت فتيس للفيرنا مانيوال ؟؟؟

**exact** · 21-10-2013 01:33 AM

من اهم الارقام المهملة في زيت الفتيس غير اللزوجة هو الكود بتاعه GL كام؟؟؟.... هو اغلب المتوفر للملاكي GL4 or GL5 والاتنين لا يمكن تبديلهم مكان بعضهم لأن رقم 5 غير مناسب للفتايس اللي فيها نحاس

**AHMED ROUSHDY** · 06-11-2013 04:55 PM

انا معايا اوبترا عايز اعرف نوع زيت الفتيس الى مناسب ليها واغيره فين وانا عامل 90000ك هل لازم اغيره ولا لا ارجو الافاده مع الشكر

**fosta123** · 06-11-2013 05:44 PM

لأو فتيس أوتوماتيك أنصح :
1- فالفولين ماكس لايف Valvoline Max life ATF - أعلي زيت في المواصفات . 90 جنية الكيلو .
2- ليكوي مولي توب تك 1200 LiquiMoly TopTec ATF - زيت تخليقي 80 جنية الكيلو أو 385 جنيه جركن 5 لتر .
3- ليكوي مولي توب تك 1100 LiquiMoly TopTec ATF - زيت تخليقي 40جنية الكيلو أقل في المواصفات من الـ1200 ولكن أحسن من أي زيت محلي .
والبعد عن موبيل وشل وأي زيت ATF محلي .
أما في حالة الفتيس المانوال :
بأي زيت تخليقي GL4 - GL5 لزوجات 75w90 أو 80w90 وموجود منه ليكوي مولي وفالفولين

**Karim_Monir** · 11-11-2013 11:06 AM

زيوت ليكوي مولي لا انصح بها اطلالقا في مصر عن سابق تجربة وكمان زميلنا دكتور مصطفي عياد الشهر بفورميلاتور كاتب عنها تقرير زي الزفت برضه في الفتيس

عن تجربة وممتازة انصح بوولف البلجيكية وتجيبها من توكيلهم ويغيرهالك بنفه ويدلوك علي اللزوجة المناسبة لعربيتك واقف في المركز مهندسين مش بياع مش فاهم ويقولك خد ده حلو وممتاز وهو مش مناسب لعربيتك اصلا
رقم وولف 19728 ومكانهم في الحي السادس
وعندهم امكانية الكشف عن الزيوت كمان وصلاحياتها مش مقاس بس
https://www.facebook.com/NileMotors#!/WolfLubeEgypt

**MHussein** · 28-11-2013 08:58 PM

عندي فيرنا أوتوماتيك 2011 - عاملة 43000 - سعر لتر زيت الفتيس العادي تقريباً بكام

-

الموضوع: ضروره تغيير زيت الفتيس

LinkBack

أدوات الموضوع

عرض

-

-

-

المواضيع المتشابهه

تغيير زيت الفتيس الاوتوماتيك !! و تغيير طقم السيور

ضروره الرد بي ام 316 موديل 2005

لازم نخلي شهاده محو الاميه ضروره للي يسافر العمره

تغيير زيت الفتيس

هل من الضروري ( فك وش الفتيس الاوتوماتك ) عند تغيير زيت الفتيس ؟

الكلمات الدلالية لهذا الموضوع

المفضلات

المفضلات

ضوابط المشاركة