الموضوع: سؤال لخبراء الفيرنا

المشكلة عندي في العربية انها على الطريق الطويل بتسخن يعني لما امشي بالعربية على سرعة 120 مثلا لمدة ساعة او اكتر بتسخن روحت لبتاع رداتير وغسلت السرابنتينة والردياتير جديد بقالو 4 شهور تقريبا قالي ان طرمبة الميه تقليبها مش حلو وده اللي بيسخنلك العربية ومن يوم ما غسلت السربنتينة والعربية بتنقص ميه حوالي 750 مل كل اسبوع تقريبا وانا بمشي في الاسبوع حوالي 1000 كيلو وفي ميكانيكي قالي فيها جوان وش سلندر وميكانيكي تاني قالي لا الجوان سليم المشكلة في الطرمبة وبتاع الرداتير قالي طربمة ميه انا مبقتش عارف بصراحة تفتكر, كلام مين ممكن يكون صح الميكانيكى اللي قالى فيها جوان فتح الرداتير ودورت العربية طلعت نقطة ميه من الرداتير فا قالي كدة جوان سلندر جربت انا نفس الحركة تانى يوم الصبح بعد ما العربية بردت تماما مطلعش نقطة مية من الرداتير ومقاس الزيت معليهوش نقطة مية تفتكر تكون فعلا طرمبة ؟ والميكانيكى التانى بيقولى الطرمبة خشنة