نوكيا الاصلى بقى صينى؟

**Ramy.Gamal** · 12-09-2008 03:02 PM

بسم الله الرحمن الرحيم

ما هو رأيكم بعد ما اصبح الموبايلات النوكيا الاصلى فى التوكيل صناعه صينى وبنفس تمن النوكيا الفنلندى وفى اعلى الموديلات مثل n 73 & n 95 .هل تعتقدون ان النوكيا الصينى سيكون بنفس جوده و عمر النوكيا الفنلندى حفاظا على اسم وسمعه الشركه ام انه سيكون مثل الموبايلات الصينى ام تليفزيون وشريحتين وهل الناس هتقول مدام صينى بصينى يبقى ليه ادفعى كام الف ما انا اروح اجيب موبايل صينى وامكانياته اعلى وهل ستكون هذه الموبايلات النوكيا الصينى موجهه للشرق الاوسط كله ودول الخليج ام انها موجهه للسوق المصرى للتجربه فينا اولا (الكورولا الجنوب افريقى).وكلنا يعلم ان اعلى الموديلات فى السونى اريكسون صناعه صينى بس انا شايف ان وضعه غير النوكيا لان السونى اريكسون من وقت اندماج سونى و اريكسون وهو تجميع صينى لان البوردا صناعه سويدى والسوفت وير يابانى وده كلام مؤكد انما النوكيا طول عمره فنلندى وجميع الدول التى حاولت تصنيعه غير فنلندا فشلت واصبحت درجه ثانيه وثالثه حتى المانيا فاذا كانت المانيا اقوى دوله فى اوروبا فشلت فى مجاراه النوكيا الفنلندى فهل ستنجح الصين

**sasatony** · 12-09-2008 04:07 PM

يادي الصين وقرفها
هو احنا خلاص بقينا حقل تجارب
انا متهيالي استحالة ينزلو النوكيا الصيني في الخليج
انا خايف لما اجي اتجوز يقولولي في عروسة صيني تحفة وموفرة في كل حاجة مش زي المصرية

**MoToRiZeR** · 12-09-2008 05:19 PM

شكل الموبايلات هي كمان هيبقي ليها موديلات "خليجي"

**fahd_628** · 12-09-2008 05:30 PM

يا جماعة الصينى بينزل عادى جدا فى الخليج دلوقتى و تقريبا بقى كلة صينى

**thegoodhacker** · 12-09-2008 05:51 PM

لو فعلا حصل كده يبقي حيحصل انخفاض كبير في حجم مبيعات شركة nokia في الشرق الاوسط مش اقل من سنة لغاية ما الناس تبتدي تقتنع بجودة الموبايلات النوكيا الصيني

**MoDyBeNz2008** · 12-09-2008 06:00 PM

فيديو على اليوتيوب يوضح الفرق بين ان95 الاصلي والصيني وسلملي عالشيري يا شيري
http://www.youtube.com/watch?v=1x2E1...eature=related

**thegoodhacker** · 12-09-2008 06:22 PM

المشاركة الأصلية كتبت بواسطة MoDyBeNz2008

فيديو على اليوتيوب يوضح الفرق بين ان95 الاصلي والصيني وسلملي عالشيري يا شيري
http://www.youtube.com/watch?v=1x2E1...eature=related

خلي بالك الفيديو ده بيوضح الفرق بين النوكيا N95 الاصلي و الN95 التقليد يعني اللي لم يتم تصنيعه عن طريق شركة نوكيا اساسا
الموضوع بتاعنا بيتكلم عن النوكيا الاصلي المصنوع في الصين

**M_ashraf** · 12-09-2008 06:40 PM

اعتقد الموبايلات عادي زي ماهي طالما اصلي
وحط تحت اصلي الف خط
ممكن يكون تجميع جبل علي في دبي؟!
اصلا الفنلندي كان في منه مضروب زمان
و الخليج اغلب الموبايلات اللي فيه دلوقتي صيني على فكره

**Ramy.Gamal** · 12-09-2008 06:42 PM

بالزمه مش حرام الواحد يجيب n95 اصلى صينى مثلا 3000 جنيه وواحد تانى جايب التقليد بتاعه زى اللى فى الفيديو على اليو تيوب وصينى زيه وب 500 او 600 جنيه

**CryptonX** · 12-09-2008 09:28 PM

طلاما خارج من مصانع نوكيا في الصين يبقى مفيش مشكلة .. انا مش عارف الناس مكبرة الحاجة ليه ؟

منت معظم منتجات الكومبيوتر و الالكترونيات و الشاشات و الماوسات و الكاميرات و الساعات و قطع الغيار و الدهانات وكمان الادوات الصحية و الملابس و طبعا السيارات بقت تتصنع في الصين و انا بتكلم عن ماركات عالمية مش ماركات صينية محلية ..

ايه يعني العجبة في الموبايل ؟

لو رخصوا تمنوا عن الفنلندي .. الناس كلها حتقول ! بس يبقى فيه انة !! فيه عيوب !

و لو سابلولكوا تمنوا زي ماهو ... ااااه شوف السرقة ! جايبينوا بنصف الثمن و بيبعهوه زي الفنلندي ..

ياربت نخلص من عقدة بلد الصنع دي طلاما بتشتري من ماركة معروفة و توكيلها معروف خلاص .

و تيجي لنقطة بقى ان رايا و اي 2 و كل وكلاء نوكيا في مصر بيتقال فيهم قصائد ذم و شتائم .. فمش فارقة حاجة .

عامة انا بطلت استخدم نوكيا من سنتين .. و مش حاسس اني ناقصني حاجة او حيحصلي حاجة يعني ..بالعكس في موبيلات افضل الف مرة من موبيلات نوكيا بس مش واخدة حقها في مصر علشان ادمان الناس المعتاد علي ماركة معينة .

مشاهدة نتائج الإستطلاع: هل سيكون النوكيا الصينى بنفس جوده النوكيا الفنلندى؟

الموضوع: نوكيا الاصلى بقى صينى؟

LinkBack

أدوات الموضوع

عرض

-

-

-

-

المواضيع المتشابهه

للبيع موبيل نوكيا n95 8g الاصلى الفيرنلدى بسعر مغرى جدا جدا

لانوس والفلتر الاصلى وفلتر k&n الخروطى وفلترk&nشبيه الاصلى

نوكيا e71 صينى

اوبل استرا صينى (صينى يا جدعان) صينى

حد يعرف عيوب نوكيا n96 الاصلى؟ وسعره استعمال كام تقريبا؟

الكلمات الدلالية لهذا الموضوع

المفضلات

المفضلات

ضوابط المشاركة