المشاركة الأصلية كتبت بواسطة Ahmed A.Maksoud
العربية مش منتشرة ؟؟؟ أمال الليون تبقى ايه ؟
ولو بتقارن بين انتشارها وانتشار الفيرنا واللانوس مثلاً يبقى فى عربيات كتير قوى على نفس المقياس ده مش منتشرة
تصدق أنا هاجى مخصوص عشان أعرف الأجابة :)
بص يا محمد باشا..... أنا قبل الميجان كان معايا فيكترا 97 CD يعنى 2000 سي سي وقبلها كان معايا BMW 320i مو 86 وطبعاً لاجدال أن الألمانى ألمانى بس تصدق ان الميجان معملتش معايا مشاكل زى الفيكترا !!!!!!
ولو سألت عن الفيكترا هتلاقى أن معظم قطع غيارها اللى فى السوق ( مش فى الوكيل ) مضروبة وعلى فكرة معظمها تركى كمان ومكتوب عليها GM
اللى كان مجننى فيها كان أى قطعة غيار فيها كاوتش زى الجلب والقواعد.......كانو بيبوظو بسرعة جداً ( كل الجلب اللى فى العفشة غيرتها وبعدها ب 6 شهور ابتدت تبوظ تانى ) وبعت العربية بسبب أن كان فيه عيب فى علبة الدركسيون عندى ( وهو عيب معروف شوية فى الموديل ده ) وقعدت مع التوكيل 3 أسابيع أتغير فيهم 4 علب وبعد ساعة أو أتنين يجيبو زيت.....وتمن العلبة كان 7 الاف جنيه ( أنا دفعت تمن علبة واحدة طبعاً )
بس برضه بعد الموقف ده مينفعش أقول أن الفيكترا وحشة زى ما أنت بتقول عشان واحد صاحبك عنده مشاكل مع الميجان يبقى الميجان وحشة..........طيب ما أحنا 20 واحد بنقولك أن العربية كويسه أهوه :)
جايلك المقابلة أن شاء الله عشان واضح أن هيبقى لينا قعدة بعد الفطار.......ده لو كان لسه فينا نفس :) :)