تجربتى مع مودرن موتورز شبين الكوم
الحمد لله زى ما انتوا عارفين انى اشتريت سوزوكى التو 800 سى سى - تكييف و استلمتها 13/8/2008 و عملت الالف الاولى بعد 15 يوم يعنى و رحت مودرن موتورز الهايكستيب يوم 28/8 وحجزوا لى ميعاد يوم 17/9 تخيلوا طبعا هاعدى ال 2000 كم مستريح و حد يدى ميعاد بعد 3 اسابيع و كنت انا عارف ان مودرن موتورز ليها فرع فى شبين الكوم 70 كم من القاهرة اخدت ميعاد بالتليفون و حددت الميعاد اللى يناسبنى و الجميل بقى انهم اتصلوا بيا ليدققوا معاى الميعاد طبقا لمواعيد رمضان بصراحة اعطتنى انطباع اكتر من رائع المهم رحت فى ميعادى و عملت الصيانة و كانوا فى مودرن موتورز شبين الكوم اكثر من رائعين بداية من المهندس احمد حسنين و المحاسب محمد على الى فنى الصيانة احمد بصراحة قمة الامانة و الذوق و الاحترام و ربنا يبارك ليهم جميعا و وجدت مكتوب على لوحة عندهم الرؤية ان نكون الشركة رقم 1 للسيارات فى مصر ياريت جميع فروع مودرن موتورز تبقى زى فرع شبين و الصيانة التى تمت كانت كالاتى - تربيط عفشة السيارة - تغيير الزيت للموتور- تركيب فلتر جديد للزيت - تشحيم و تزييت السيارة- الكشف على العجل و قياسه - ثم غسيل السيارة بالكامل ان شاء الله الصيانة القادمة فى مودرن موتورز شبين الكوم و شكرا لكل العاملين بالفرع هناك