قدر الله و ماشاء فعل العربية أتحكت حكة جامدة

بصوا ياجماعة العربية أتحكت حكة جامدة النهاردده فى الجراج السايس بتاع الجراج تانى مرة يعملها معايا المشكلة انها فى الرفرف الخلفى شمال دلوفتى يا جماعة أنا عايز أعرف التكلفة تقريبا كام و أعرف التأمين أخره معيا كمان عشرين يوم وفلو التكلفة حتزيد أروح اعملها هناك أحسن و دلوقتى فى مشكلة تانية كمان الخبطة فى الرفرف الخلفى حيوصلها أزاى هل حيفك الكنبة فيبقى مكانها مفتوح يقدر يسمكر و ألا فيه دوسرة ورا الرفرف حتبقى صعبة على أى حد أنه يوصل لها يعن من الأخر التوكيل حيبقى |أحسن و أنضف أنا كلمت التأمين النهارده قالو لى هات العربية الأحد القادم الصبح علشان تتصور و بعدين نشوف ايه الخطوات اللى بعد كده أنا أخر سنة لى فى التأمين السنة دى و فاضل له عشرين يوم انا بأقول و أعمل الحكة دى و ألا أسيبها أهى تأخد العين و هل حكة زى دى تستاهل التوكيل و التأمين و ومقايسة وشغلانة و تدفع عشرة فى المئة و ألا أعمل أيه أن متنكد فى العيد ده و الله وهل التوكيل بيسمكر و ألا بيغير هى خبطة غبية البعض حيتخيل أنها هايفة لكن هى فى مكان غبى


http://nileup.com/up/uploads/nilemotors_13819416201.jpg


http://nileup.com/up/uploads/nilemotors_13819416202.jpg

و الدهان حيقلل من قيمة العربية و ألا أسيبها كده

صديقي.المواطن
الحكة بسيطة جدا جدا ومشوار مرواحك للتأمين ومقايساتك ثم التوكيل ثم ختاقات ثم إصلاح ثم أمر صرف ثم تجري وراهم في اﻵخر حطيت بنزين أكثر من كلفة اﻹصلاح
ودي سمكري شاطر وبوهيجي بيخاف ربنا حترجع زيرو ب 600 جنيه وفيه شغل كفته يعملهالك ب 300 جنيه وأيضا مش محتاج يفك كنب ولا حاجة ولو وديتها التوكيل حيشوهلك العربية وهناك عشرات الطرق ﻹخفائها وتقدر متعملهاش منها على سبيل المثال لا الحصر ممكن تروح لمصمم فيبر يعمل لك 4 دواير عالرفارف يخلي شكل عربيتك دبابة ويا سلام لو صرفتلي شوية يعمل لك طقم باكيتات عريضة زي بتاع الشبح ال 98 إنسى كده عربيتك حتخش عالم التميز من أوسع أبوابه وبالتوفيق وإلى اﻷمام ومن نصر إلى نصر ودمتم للنضال

اقتباس:

---

المشاركة الأصلية كتبت بواسطة saddam

صديقي.المواطن
الحكة بسيطة جدا جدا ومشوار مرواحك للتأمين ومقايساتك ثم التوكيل ثم ختاقات ثم إصلاح ثم أمر صرف ثم تجري وراهم في اﻵخر حطيت بنزين أكثر من كلفة اﻹصلاح
ودي سمكري شاطر وبوهيجي بيخاف ربنا حترجع زيرو ب 600 جنيه وفيه شغل كفته يعملهالك ب 300 جنيه وأيضا مش محتاج يفك كنب ولا حاجة ولو وديتها التوكيل حيشوهلك العربية وهناك عشرات الطرق ﻹخفائها وتقدر متعملهاش منها على سبيل المثال لا الحصر ممكن تروح لمصمم فيبر يعمل لك 4 دواير عالرفارف يخلي شكل عربيتك دبابة ويا سلام لو صرفتلي شوية يعمل لك طقم باكيتات عريضة زي بتاع الشبح ال 98 إنسى كده عربيتك حتخش عالم التميز من أوسع أبوابه وبالتوفيق وإلى اﻷمام ومن نصر إلى نصر ودمتم للنضال

---

أستاذ صدام متشكر جدا لرد حضرتك و أهتمام حضرتك وزى ما حضرتك قلت فيه قيمة تحمل 250 جنيه ده غير تحملى نسبة 10 % من الفاتورة الأجمالية يعنى الليلة كلها ممكن تعدى ال450 جنيهده غير بنزين رايح و بنزين جاى بس 600 جنيه معقولة حكة صغيرة زى دى ب 600 جنيه ده حأنزل أولع فى السايس بتاع الجراج و فى الجراج و فى العمارة و فى الشارع و فى المنطقة 600 جنيه أمال لو كانت حاجة جامدة كانت التكلفة وصلت كام

لو حد يعررف ورش محترمة و تكلفتها معقولة فى الحرفيين و لو فىه فى المعادى يبقى كتر خيركو و اروح الحرفيين أزاى
ملحوظة أنا من ساكنى حدائق حلوان

معلش أنا نسيت و حطيت الصور كبيرة
http://nileup.com/up/uploads/nilemotors_13820859711.jpg

الحمد لله

روح ورشه نايل موتورز و خد رأيهم

ما أنا كلمتهم النهارده و الأستاذ كريم منير طمنى و قاللى دى حاجة بسيطة و تخلص فى نفس اليوم متشكر جدا على أهتمام حضرتك