السلام عليكم و عيد سعيد ، كنت عايز اعرف لو حد عنده معلومة عن القشقاي المانيوال سعرها كام تحديدا و الاستلام فوري ولا حجز و في أوفر باريس ولا لا ؟
عرض للطباعة
السلام عليكم و عيد سعيد ، كنت عايز اعرف لو حد عنده معلومة عن القشقاي المانيوال سعرها كام تحديدا و الاستلام فوري ولا حجز و في أوفر باريس ولا لا ؟
اعتقد المانيوال مفهوش حجز واسأل برضو
على ما اعتقد انه مابقاش ينزل منها مانوال من موديل ٢٠١٢
بص يا محمد باشا...المانيوال مش موجوده كتير وبالحجز برضه بس مش كل الناس بتبيعها! عندك مثلا اوتو ايجيبت ماعندوش غبر الاوتوماتيك.
يالنسبة للسعر فهي مش مطلوبة اوي فهتلاقي السبع بيزود 3-5 الاف تسليم فوري لو عنده...وعلى فكره هي ب 180 الف مش 175 ده السعر الرسمي :)
بس فكر تجيبها مستعمل ماشية قليل هتلاقي سعرها حلو :) وربنا يوفقك ان شاء الله
يا ريت تتابع معانا بالتفاصيل الجديدة لما تروح السبع!
ربنا يباركلك ويكفيك شرها ان شاء الله...قولنا جبتها من السبع؟ ادهالك 2013 ولا 2014؟ وعلى كام اوفر بريس ؟! وصحيح رخصت 3 سنين يكام؟
تسلم يا باشا ، ٢٠١٤ اللي نزل اوتوماتيك بس ، المانيوال لسه عشان ٢٠١٣ مخلصش موجود منه كذا واحده ،
اول كلمة قالها ١٧٨ وقولتلوا مينفعش كده كتير و ٢٠١٤ خلاص نزل اوتو و الكلام ده
المهم اخدتها ب ١٧٣ فوري و صيانات مجانية بقيمة الف جنيه
اما الترخيص معرفش تحديدا كام لان انا كنت بجدد عربيتي الاولى في نفس اليوم ده غير ضريبة الرفاهية فمعرفش القشقاي لوحدها كام ، انا دفعت الاثنين مه بعض و اللي كان بيخلصلي التراخيص موظف هناك معرفه و مخدتش منه بيان تفصيلي بالمصاريف
175 الف ياباشا استلام فوري من الاتحاد الوطني وده رقم واحد اسمه استاذ شعبان اللي انا كلمتة عشان الاوتوماتك اللي هستلمه كمان 5 شهور ان شاء الله 01002143256
الف مبروك و ربنا يبارك فيها ان شاء الله ....
انا كنت بسال هو الفيتيس كام نقلة و ايية اخبار العزم بتاع المتور في التاني والتالت ... انا قصدي طلعتها بطيئة ؟
و في الغيار الاخير هل هو مريح للمتور ؟
و بالنسبة لنقل السرعات و الدبرياج هل هو سلس ام ناشف ؟
معلش تعبتك بالأسئلة ... اصل انا كنت بفكر في الداستر و القشقاي :)
يا باشا الله يبارك فيك
الفتيس خمس نقلات ، العزم بتاع الثاني و الثالث كويسين ، احسن من اللانسر شارك ١٥٠٠ cc مانيوال الي كانت معايا قبلها
و طلعتها كويسة عشان مانيوال و مش حتحس انها ماشية لان ملهاش صوت خالص لازم تكون متابع ال rpm
الغيار الخامس لما العربية تكون ماشية على ١٠٠ km بيكون ال rpm على ٣ بالظبط معرفش كدا مريح ولا لأ
الفتيس شورت شيفت و الدبرياج ناعم جداً
اخيراً انا قبل ما اشتري بصيت عال داستر بس بصراحة معجبتنيش خالص و تقفيلها مش اد كده ، و ربنا يوفقك و تجيب احسن عربية في السوق
الف شكر علي الرد ....
انا حذاكرهم شوية كمان قبل ما اقرر ... الفرق بينهم حوالي 25 الف فمحتاجة شوية تفكير ...
مبروك يا باشا و ربنا يحافظلك عليها
الله يبارك فيك يا باشا كلك ذوق
ربنا يبارك لك فيها ... ايية ملاحظاتك بعد الكام أسبوع مع القشقاي
و كان عندى سؤال تاني ...
هى المانيول فيها فروق عن الاوتوماتيك.
انا فاكر اني كنت قرات في مشاركات قديمة فى المنتدى ان مفيهاش:
-رووف راكس
-زجاج فاميه خلفى
-عازل كبوت