-
محتاج اشد فيكترا بى 1
السلام عليكم ورحمة الله وبركاته
عندى سؤال ليكم
انا معايا فيكترا بى 1 وحالتها صعبه شويتين من كتر اهمالى فيها
كنت عاوز اشد كل حاجه فيها (كهرباء-ميكانيكا-عفشه-فرش-سمكره-دوكو) من الاخر عاوزها ترجه فابريكه من جديد وعاوز اصلح كل مسمار فيها
ياترى فيه مركز محترم ياخدها من اولها لاخرها علشان انا مش فاضى اعمل الحاجات دى
ياريت تنصحونى
-
-
بص ياباشا انا كان معايا واحده زيها موديل 97 1600 8 v وبعتها وقررت اجيب حاجه تانيه ولسه ما اخدناش القرار لانها هتبقي بتاع اخويا بس لو بتفكر تشدها بلاش والله انا لفيت وسألت كتير وراييي الشخصي المتواضع بعد اذن اساتذتنا انك تجيب واحده حالنها كويسه من الاول وتكون فبريكه بره وجوه ومش محتاجه مصاريف وماحلتش موتور وياريت تكون من 2000 ل 2003 او سي دي اكس انما في الاوبل خصوصا لو حاتها مش كويسه يبقي هتتعبك كتير ومش هتلم الي صرفته لو فكرت تبيع وربنا يوفقك للي فيه الخير
-
والله لو عندى سمكرة و دوكو كنت عملتهالك عندى
-
صديقي المواطن
الكلام اللي إنته بتقولوا ده مكلف وممكن يعدي ال 20 ألف فلو إنت عندك إستعداد تصرف عليها وتنساها 3 أو 4 شهور فممكن أبعتها لناس في فاقوس إختصاص إرجاع لحالة الزيرو من عفشة لعوازل صوت وبارومة ثم كهرباء ثم ميكانيكا وكمان هناك بدائل كثيرة ممكن توقف عليها بنفسك فترات طويلة وممكن المواطن طناني يعمل لك الميكانيكة وبعدها المواطن المؤسس كريم منير يعمل لك البوهية وده إنت تحددوا عاوزها تخلص ب 5 آلاف حتلاقي ناس تعملها ولم عاوزها ب 10 آلاف حتلاقي ناس تعملها ولو عايزها ب 20 ألف حتلاقي ناس تعملها أنا عن نفسي أعرف كل.المستويات في الجمهورية بس.أنا مبشنغلش مع غير الدرجة ممتازة فبريكة ومنصحش.بغيرها
وبالتوفيق وإلى اﻷمام ومن نصر إلى نصر ودمتم للنضال
-
يعنى ياطنانى باشا ممكن تخلصلى كل اللى فيها وتبقى واقفه على السمكرة والدوكو؟؟؟
انا الصراحه مضمنش حد غيرك
-
صعب انى ابيعها لانى بصراحه جايبها بسعر واقع قوى (30000 جنيه من سنتين) ومكنش فيها اى مشكله
بس بسبب انى مهمل جدا ولما بتبوظ حاجه فيها بسيبها...حالتها اتبهدلت خالص
حتى لو صرفت عليها 15000 جنيه ورجعتها جديده يبقى موصلتش لتمن العروسه منها اللى بتوصل ل 48000 او 50000
-
بس يا طنانى باشا ممكن تقلى ايه بالضبط اللى ممكن اعمله عندك؟؟
-
ميكانيكا
عفشة
و كهربا من بعد العيد باسبوع
و التكييف كمان ان شاء الله
-
تمام جدا .... انا كده كده حعملها الشهر الجاى او اللى بعده علشان يبقى معايا الفلوس..
حضبط الكلام ده عندك ان شاء الله وتبقى تدلنى بقى على اللى يخلصلى الباقى :d
Content Relevant URLs by
vBSEO 3.6.0 PL2