الموضوع: مبتدىء عايز نصيحة فى عربية رخيصة تقسيط

السلام عليكم ورحمة الله وبركاته

باختصار اول عربية هشتريها وبالتقسيط

فمبدئيا لو حد يعرف ارخص مكان تقسيط يقولى ، وايه نظامه ، علما انى طبيب امتياز وفى اسكندرية

_____

الجزء بتاع العربية بقى

فى حدود 70 الف ان شاء الله

انا هستعملها عادى على خفيف ، بس هسافر مرة كل اسبوع اقاليم على بعد 80 كيلو وارجع تانى يعنى 160 كيلو عشان عياده هناك يوم فى الاسبوع،، ممكن اسافر مرتين فى الاسبوع

ثانيا التكييف عندى مهم اوى ، ويكون استهلاك بنزين قليل وقطع غيار رخيصه عشان الحالة لسا على الأد فى الاول ،، وياريت متكونش من العربيات الصغيره زى الألتو والماروتى والحاجات دى

وشكرا جزيلا

آسف للازعاج

اه نسيت اقول ،، انا مش فارق معايا صينى ولا كورى ولا يابانى ولا الكلام ده لأنى مش مقتنع بيه عن تجربة فى كذا حاجه فى مجال شغلى، فهعامل كل عربية على انها بذاتها بس، فممكن ترشيح اى عربية عادى

المشاركة الأصلية كتبت بواسطة أسامه طياره

لو عاوز زيرو هات لانوس .. لو عاوز مستعمل فالسوق واسع لكن منصحكش تجيب مستعمل وبالتقسيط

انا مش هجيب مستعمل ان شاء الله، مبحبش المستعمل الصراحه، انا عايز اعيش اول فترة من غير دوشة تصليحات

المشاركة الأصلية كتبت بواسطة m i d o

فيرنا احسن حاجة لاحتياجاتك

طيب اهى ادامى ، شكلها هتبقى هيا

المشاركة الأصلية كتبت بواسطة mohamed2013201

الفيرنا لايقه عليك اوى وبتقولك انت تلزمنى

وانا بقولها انا خاطب هههههههههه، واضح ان الاراء للفيرنا، هى سعرها كام زيرو حاليا؟

المشاركة الأصلية كتبت بواسطة m i d o

البي واي دي عربية ممتازة بس عاملة 78 الف وللاسف توكيلها سئ بس كعربية ممتازة

سمعت ان توكيلها فى اسكندرية احسن من القاهرة فى المعاملة، قريت كده فى المنتدى بس مش متأكد، بعدين لو اى صنايعى بيفهم فيها، انا هروحله مبحبش التوكيلات الصراحه

المشاركة الأصلية كتبت بواسطة lidosasa

حضرتك هى ميزانية ال 70 ألف هى الميزانية الإجمالية للعربية مضافاً ليها الفايدة بتاعت القسط ولا دا سعر العربية الزيرو من غير إضافة سعر الفايدة
وأيه هى المقدمة اللى ممكن حضرتك تدفعها والقسط الشهرى فى حدود كام يعنى حتدفع كام فى الشهر
كل حاجة فى التقسيط متوقفة على الأسئلة دى عشان الرد يكون سليم ومظبوط

تمت الاجابة فى المشاركة اللى فوق