الموضوع: ازاى اروح من محطة البحوث اللى فى المهندسين الى ميدان الساعة اللى فى مدينة نصر

المشاركة الأصلية كتبت بواسطة أبو إياد

محطه البحوث فى بدايه شارع التحرير
حضرتك هاتمشى فى شارع التحرير من بدايته الى ان تصل الى ميدان الجلاء وهو عباره عن صنيه كبيره حضرتك تلف منها شمال فى محاذاه نهر النيل بعد 200 متر تقريبا هتلاقى على اليمين مطلع كوبرى اكتوبر
هاتمشى على الكوبرى الى ان تصل لنهايته
هتلاقى 3 مخارج يمين - الامام - شمال
هاتنزل شمال طريق النصر
ثالث تقاطع هو ميدان الساعه هاتكمل شويه وتلف وترجع لانه فى الجهه المقابله

المشوار تقريبا 20 كيلو متر لو الطريق فاضى توصل فى 30 دقيقه

ربنا يكرمك بجد طيب معلش هتقل عليك ممكن وصفة من اسماعيلية الصحراوى لشارع محى الدين ابو العز اللى فى الدقى

وانت جاي من طريق الاسماعيلية خد الدائري وافضل ماشى لحد نزلة الزراعى عديها وعدي القناطر والوراق ... لحد ما تلاقى نزلة محور احمد عرابى الجديدة ، هتنزل ، هتبقى في شارع احمد عرابى ، تمشى لحد اخره وتدخل يمين عند ميدان سفنكس كدة انت بقيت في جامعة الدول ، هتفضل ماشى في جامعة الدول ، لحد ما تعدي ميدان مصطفى محمود بعدها بشوية هتلاقي يوتيرن وقدامك كوبري ، مالكش دعوة بالكوبرى خد اليوتيرن اول شارع يمين على اوله بنزينة مصر للبترول هو ده محيي الدين ابو العز من اوله ، واخره يطلعك على شارع التحرير ومحطة البحوث

المشاركة الأصلية كتبت بواسطة amrelsaqqa

وانت جاي من طريق الاسماعيلية خد الدائري وافضل ماشى لحد نزلة الزراعى عديها وعدي القناطر والوراق ... لحد ما تلاقى نزلة محور احمد عرابى الجديدة ، هتنزل ، هتبقى في شارع احمد عرابى ، تمشى لحد اخره وتدخل يمين عند ميدان سفنكس كدة انت بقيت في جامعة الدول ، هتفضل ماشى في جامعة الدول ، لحد ما تعدي ميدان مصطفى محمود بعدها بشوية هتلاقي يوتيرن وقدامك كوبري ، مالكش دعوة بالكوبرى خد اليوتيرن اول شارع يمين على اوله بنزينة مصر للبترول هو ده محيي الدين ابو العز من اوله ، واخره يطلعك على شارع التحرير ومحطة البحوث

حقيقى مش عارف اقولك ايه كتر الف خيرك

المشاركة الأصلية كتبت بواسطة أبو إياد

بالظبط كده وممكن لما توصل لنزله احمد عرابى ماتنزلش منها تكمل وتنزل النزله اللى بعدها ( اتجاه ميدان لبنان ) هاتنزل منها وتمشى على المحور هتلاقى الطريق نهايته عباره عن طلعه هاتطلع طبعا عليها هتلاقى نزل على اليمين وتكمله علويه بعدها على اليمين ونزله فى الامام هتنزل منها
وتدخل اول يمين ( شارع لبنان )
تانى تقاطع ( شارع شهاب ) تدخل منه يمين اخر الشارع ده تقاطعه مع ( شارع جامعه الدول ) والاتجاه المقابل بدايه شارع محى الدين ابو العز
هاتدخل يمين جامعه الدول وتلاقى يوتيرن شمال وطلعه الكوبرى اللى قال عليها الاستاذ امير تعمل اليوتيرن وتدخل اول يمين ( محى الدين ابو العز )

انت محتاج ايه فى الشارع ده ؟

رايح باذن الله لو ليا عمر شركة amidest اللى بتعمل امتحانات
ومشكور على اهتمامك بجد كتر الف خيرك

المشاركة الأصلية كتبت بواسطة mohamed_selim

هتتبهدل فى الزحمه و الركنه و التوهان .... عامة ربنا يوفقك فى مشاويرك
الافضل لو جاى من طريق اسماعيليه تنزل على مدينة نصر الاول و بعدين تكمل للبحوث ... لو ده ينفع و عايز الوصفه قول :)

مشكور على اهتمامك للاسف لازم اروح امتحن الاول بالبسابور وبعدين ارجع مدينة نصر اودى الباسبور للمكتب