سؤال لملاك بروتون جين تو

**Engineer Sara** · 17-10-2013 12:30 AM

السلام عليكم ورحمة الله وبركاته

بصراحة انا العربية داخلة دماغي اوى هى وكام عربية كمان بس هى داخلة دماغي عشان المواصفات اللى فيها
كماليات واوتوماتيك وعوامل امان الخ الخ

عاوزة ملاك العربية دي يقولولى ايه المشاكل اللى واجهتهم في فترة امتلاكها واتمنى ان اللى يردوا يكون معاهم العربية فوق السنتين او ال 3 سنين كدة

في انتظاركم ان شاء الله بأى معلومة

عاوزة اعرف اداء العربية ككل الثبات وقطع الغيار والمشاكل اللى قابلتكم وكمان قطع الغيار غالية ولا عادي وكمان الثبات برغم انى ان شاء الله مش هسوق بسرعة اصلا واستهلاك البنزين

**M I D O** · 17-10-2013 01:08 AM

عربية ممتازة + توكيل اسوء من السئ بشوية

**J A G U A R** · 17-10-2013 11:25 PM

متابع

**midomido123** · 18-10-2013 03:20 AM

كل اللى اقدر اقولهولك انك لو بتحب العربية دى اشتريها لكن لو بتحسبها بقى وكده فالبروتون فى مصر مش واخدا حقها يعتبر زيها زى البيجو والستيروين وكدا كل دى عربيات ممتازة لكن فين التوكيل مفيش......طيب قطع الغيار...اى عربية شعبية و منتشرة مثلا زى الانسر او الكرولا تدخل اى محل تعبان تقولو عاير كارتيرة عجل او مراية هتلاقى او فانوس وكورى وصينى وكل اللى انتا عايزة لكن البروتون مش كده خااااااااااااااااااااااال ص يكفى انى بدور على فلتر الزيت بقالى اسبوع !!!! بس انا حابب العربية وشايف انها الافضل بالنسبالى و مناسبة لأحتياجاتى فمش مهم اى حاجه تانيه :)

**Engineer Sara** · 18-10-2013 09:50 AM

المشاركة الأصلية كتبت بواسطة mohamed2013201

متابع

المشاركة الأصلية كتبت بواسطة engmohammad7

السلام عليكم
أنا تقريباً في نفس الورطة لأني أحاول دراسة السيارة من فترة مع إضافة محاولتي لدراسة البرسونا أيضاً لأني على وشك تغيير السيارة

يارب حد يفيدنا

المشاركة الأصلية كتبت بواسطة midomido123

كل اللى اقدر اقولهولك انك لو بتحب العربية دى اشتريها لكن لو بتحسبها بقى وكده فالبروتون فى مصر مش واخدا حقها يعتبر زيها زى البيجو والستيروين وكدا كل دى عربيات ممتازة لكن فين التوكيل مفيش......طيب قطع الغيار...اى عربية شعبية و منتشرة مثلا زى الانسر او الكرولا تدخل اى محل تعبان تقولو عاير كارتيرة عجل او مراية هتلاقى او فانوس وكورى وصينى وكل اللى انتا عايزة لكن البروتون مش كده خااااااااااااااااااااااال ص يكفى انى بدور على فلتر الزيت بقالى اسبوع !!!! بس انا حابب العربية وشايف انها الافضل بالنسبالى و مناسبة لأحتياجاتى فمش مهم اى حاجه تانيه :)

لا انا اهم حاجة عندي مميزات العربية وانها تريحني ومتكونش مشاكلها كتير وتكون معمرة
وكدة كدة ان شاء الله هحافظ عليها بالتالى اكيد مش هتتعبني
شكرا لردك جدااااااا

وفي انتظار البقية ....

**Al-Farooq** · 18-10-2013 07:05 PM

انتي بتسألي عن الثبات فى قسم بروتون ؟! العربيات دي اشهر حاجة فيها الثبات اصلا :)
الثبات هتسوقي على 90 اكنك ماشية على 40 او 30 او مش ماشية خالص لو هنبالغ :)

قطع الغيار الاصلية معمرة جدا ، فى ناس كثير مش بتعمل حاجة غير الصيانة الدورية بقالهم سنين ، المشكلة الاساسية فى قطع غيار الحوادث لاقدر الله او ظهور عيب خارج الصيانة الدورية فالتوكيل هنا بيعمل ريستارت ويلخبط والناس بتحاول تخلص مصالحها الواقفة خارج التوكيل وبيروحوا الحرفيين ، انما الحاجات الدورية بتاعة الصيانات العادية موجودة

العربية مشاكلها الاساسية من وجهة نظري بعض عيوب التقفيل البسيطة بيتنج عنها اصوات بيتحل بعضها فى التوكيل وبعضها بيكون مشلول قدامها ، و دهان السيارة ليس على المستوي المطلوب وبس ودة طبعا بخلاف مشكلة التوكيل نفسه خصوصا ابو رواش ممل جدا وبتقعدي بال4 وال5 ساعات علشان صيانة تخلص ، علشان كدة فى ناس كثير بتفضل تروح عصام وصفا ودة مركز صيانة معتمد لعز العرب فى الحرفيين بيخلص الصيانات الدورية في زمن قياسي.

**Engineer Sara** · 18-10-2013 09:09 PM

المشاركة الأصلية كتبت بواسطة al-farooq

انتي بتسألي عن الثبات فى قسم بروتون ؟! العربيات دي اشهر حاجة فيها الثبات اصلا :)
الثبات هتسوقي على 90 اكنك ماشية على 40 او 30 او مش ماشية خالص لو هنبالغ :)

قطع الغيار الاصلية معمرة جدا ، فى ناس كثير مش بتعمل حاجة غير الصيانة الدورية بقالهم سنين ، المشكلة الاساسية فى قطع غيار الحوادث لاقدر الله او ظهور عيب خارج الصيانة الدورية فالتوكيل هنا بيعمل ريستارت ويلخبط والناس بتحاول تخلص مصالحها الواقفة خارج التوكيل وبيروحوا الحرفيين ، انما الحاجات الدورية بتاعة الصيانات العادية موجودة

العربية مشاكلها الاساسية من وجهة نظري بعض عيوب التقفيل البسيطة بيتنج عنها اصوات بيتحل بعضها فى التوكيل وبعضها بيكون مشلول قدامها ، و دهان السيارة ليس على المستوي المطلوب وبس ودة طبعا بخلاف مشكلة التوكيل نفسه خصوصا ابو رواش ممل جدا وبتقعدي بال4 وال5 ساعات علشان صيانة تخلص ، علشان كدة فى ناس كثير بتفضل تروح عصام وصفا ودة مركز صيانة معتمد لعز العرب فى الحرفيين بيخلص الصيانات الدورية في زمن قياسي.

شكرا ليك جدااااااااااااااااا على ردك
ولو على المشاكل اللى قولتها كدة كدة بتبقى موجودة في اغلب العربيات واهم حاجة انها مش مشاكل فنية في العربية نفسها عوامل الامان وخلافه

شفت بس بعض الناس بيقولو انها شبابية بس والكنبة اللى ورا متنفعش غير ل 2 بس او 3 رفيعين هل ده صحيح ؟؟ برغم انى بشوف صور للعربية المفروض ان شكلها رياضي اه وشبابية لكن تكفي عائلية من 5 افراد عادي ولا انا غلطانة ؟؟؟
كمان سؤال هل تنفع للسفر عادي يعني مثلا مرتين في السنة من القاهرة لاسكندرية ومرة في السنة من القاهرة لاسوان ذهاب وعودة اكيد ولا متستحملش ؟؟

**Al-Farooq** · 18-10-2013 10:18 PM

المشاركة الأصلية كتبت بواسطة engineer sara

شكرا ليك جدااااااااااااااااا على ردك
ولو على المشاكل اللى قولتها كدة كدة بتبقى موجودة في اغلب العربيات واهم حاجة انها مش مشاكل فنية في العربية نفسها عوامل الامان وخلافه

شفت بس بعض الناس بيقولو انها شبابية بس والكنبة اللى ورا متنفعش غير ل 2 بس او 3 رفيعين هل ده صحيح ؟؟ برغم انى بشوف صور للعربية المفروض ان شكلها رياضي اه وشبابية لكن تكفي عائلية من 5 افراد عادي ولا انا غلطانة ؟؟؟
كمان سؤال هل تنفع للسفر عادي يعني مثلا مرتين في السنة من القاهرة لاسكندرية ومرة في السنة من القاهرة لاسوان ذهاب وعودة اكيد ولا متستحملش ؟؟

انا معايا برسونا ، ودايما مش بيركب حد فيها غيري مفقدرش افيدك بخصوص الكنبة لكن ركب معايا قبل كدة 3 اشخاص بالخلف عادي بس مسألتهمش الصراحة القاعدة مريحة ولا لاءة بس اعقتد اثنين بالخلف هيكونوا مسترحين جدا وثلاثة يعني ممكن تكون مناسبة لا ضيقة ولا واسعة ، على العموم إن شاء الله حد معاه جين يفيدك بخصوص الكنبة ، و إجمالا مساحتها هتكون اوسع من الصني القديمة شوية او زيها على اسوء الفروض.

وبخصوص السفر ، أعذريني هو سؤال غريب زي سؤال الثبات :) ، دي ينفع تسافري بيها كل يوم من القاهرة لأسكندرية :) واستهلاكها للبنزين فى السفر حلو قوي على سرعة 80-90 طبعاً ، والتكيف فيها مش بيأثر على سحب العربية فى الظروف العادية "شخصين او ثلاثة بس فى العربية يعني " ولاحظت بردو ان التكيف مش بيأثر على استهلاك البنزين يعني الاستهلاك بالتكيف زي من غير تكيف.

هو مشوار اسوان ذهاب وعودة كبير اوي ، بس اعتقد لو على سرعة مناسبة وبدون حرق على الموتور هيكون عادي ، فى واحد اعرفه معاه جين وسافر بالعربية من مصر للسعودية وساق على سرعات عالية كمان 180+ لفترة كبيرة بس معرفش كان بيعمل ايه بالضبط بس غالباً بعد المسافة والسرعة دي بيغير الزيت والفلتر وبيغير الهيدر كمان بواحد رياضي يستحمل السرعات العالية لفترات طويلة . وعلى العموم ياريت حد يكون سافر مسافات طويلة يرد عليك بردو بتجربته :).