يا جماعة انا محتار جدا ما بين الاوكتافيا a7 elegance و bmw 1 series exclusive
يا ريت اسمع اراءكم من حيث الاعتمادية و الاداء و الارفاهية و سعر اعادة البيع
و كل سنة و انتو طيبين و بالف خير
عرض للطباعة
يا جماعة انا محتار جدا ما بين الاوكتافيا a7 elegance و bmw 1 series exclusive
يا ريت اسمع اراءكم من حيث الاعتمادية و الاداء و الارفاهية و سعر اعادة البيع
و كل سنة و انتو طيبين و بالف خير
لا مينفعش مقارنة بتاتاً يا ريس..دي حمادة ودي حمادة تاني خالص.وتبقي مشكلة لو بتتكلم عن 118i مثلاً..الـ 116i مثلاً اذكر في مرة راجع من الشغل علي المحور بالفانتازيا ماشي 140-160 ولقيت الذبون معدي من جنبي ( زي السهم ) ومفكرتش أساساً إني أحاول معاه ومعرفتش إنها 116i غير لما المحور وقف :Copy of new:
تصميم العربية وموتورها وفتيسيها الـ 8 سرعات حاجة إبداع وناهيك بقا عن نظام التعليق وخلافه.
لكن..لو هنقول الأوكتافيا الخليجي اللي كلنا مستنيينها تبهرنا بمواصفاتها...ممكن أقولك أه تسِد..بس البي إم بي إم.
صديقي المواطن
قولا واحدا بي أم دبليو ومش عايزين هزار في المواضيع دي
وبالتوفيق وإلى اﻷمام ومن نصر إلى نصر
ودمتم للنضال
هوه بديهيا كده ان حد يسمع اسم ال بى ام اكيد مفيش وجه مقارنة بى ام اكيد
طويل العمر يطول عمره وينصره علي مِن يعاديه..هاي هياقتباس:
المشاركة الأصلية كتبت بواسطة saddam
انا بتكلم علي البي ام 116i
هو فتيس 8 سرعات فعلا بس ال hp 136
acceleration from 0 : 100 in 8.7 seconds
كمان في كماليات كتير في الa7 مش موجودة في ال1st series
هي البي ام عربية محترمة مفيش كلام
بس انا شايف ان في وجة للمقارنة خاصة ان احنا مش بنقارن مع series 3 wla 5 ساعتها مش هقدر افتح بقي
هو صحيح ال 2 هاتش باك لكن الصراحة مش بالع المقارنة بين ال 2 دول !!!!!
السلام عليكم ورحمة الله وبركاته
للأسف حضرتك شفت ان الاتنين متقاربين من بعض في السعر عشان كدا حضرتك حبيت تقارن بينهم
بس المفروض حضرتك تستفسر عن موضوع سعر اعادة البيع بس عشان الاعتمادية والاداء والرفاهية لصالح الـBMW 1 Series وكذلك الجودة والاوبشنز
في الاول حضرتك بتستفسر عن الـ116 ولا الـ118 عشان في اختلاف في المحركات من ناحية القوة ...
الـ116 بمحرك 136 حصان بتسارع من 0 - 100 في 8.7 ثواني إنما الـ118 بمحرك 170 حصان بتسارع من 0 - 100 في 7.4 ثواني بس
العربية بتتميز بتسارع رهيب وثبات خرافي شوف حضرتك الفيديو دا مش حياخد منك 30 ثانية :
2012 BMW 1 Series ESC Test - YouTube
دا ثبات العربية الرهيب والعربية بتتميز بوضع قيادة مغري جدا وممتع لأبعد الحدود وعموماً انا لا احبذ اني اقارن عربية دفع امامي ببي إم دبليو دفع خلفي
دا غير طبعاً سمعة العربية في جميع مواقع التجارب على وجه الكرة الارضية
دا غير كلام الاستاذ احمد الوكيل قال بالرغم ان المرسيدس A-Class اغلى من الـBMW 1 Series إلا ان البي إم افضل في الاداء عامةً
لو عايز تجيبها هاتها ولو امكن تجيب الاسبورت لاين هي مفرقتش كتير في الاوبشنز بينها وبين اي فئة تحتيها بس عشان بتنزل بجنوط احلى بكتير
http://automech-formula.com/uploads/...9800548_0_.jpg
سعر العربية بتبدأ من 264 الف للـ116 لحد 306 الف للـ118 سبورت ميتاليك
اعتقد اعادة البيع يمكن تكون لصالح البي إم ولو ان الهاتشباك مش مطلوب زي السيدان بس سمعة الفتيس بتاع الاوكتافيا ممكن تخلي مفيش فرق بين الاتنين في اعادة البيع والله اعلم
احسن حاجة احبها في العربية دي هو التسارع الرهيب وفعلاً محدش حيحاول معاك ع الطريق وكمان من جوا هي هي الفئة التالتة
بص حضرتك اكتر الناس اللي بتجيب بي إم مابيكونش كل غرضها سعر إعادة البيع عشان بجد انت حترمي فلوسك في عربية ليها ركوبتها الخاصة
ولو حضرتك رجعت في كلامك من ناحية البي إم يبقى خليك في البيجو 508 تجهيزات اكتر من الـA7 اياً كانت تجهيزات الرفاهية او تجهيزات الامان واكيد اعادة بيع افضل
وربنا يوفقك للأفضل .. في امان الله ورعايته
بالعكس دي الناس بتشتكي من قلة التجهيزات في الـa7 واول حاجة لفتت نظري هي انها نزلت بـ2 ايرباج على عكس البيجو 508 بـ6 ايرباج والسعر واحد للهايلايناقتباس:
المشاركة الأصلية كتبت بواسطة medo2811
شكرا لحضرتك جدا علي الاهتمام و الرد المفصل
انا بفكر في 116i وهي عربية فعلا محترمة جدا بس لية تعليقين علي كلام حضرتك
1- العربية دفع امامي مش خلفي زيها زي الa7
2-بالنسبة للبيجو 508 سعر اعادة بيعها اقل بكتير من العربيتين البي ام و ال a7
يا ريت حضرتك تشوف مواصفات العربية في اللنك دة
http://www........cars.com/newcars_p...3514#specs_tab
اقتباس:
المشاركة الأصلية كتبت بواسطة medo2811
ولا يهمك انا في الخدمة ... الـ116 ممتازة والفرق بين الفئة الـPremium والفئة الـEclusive حاجات قليلة زي مثلاً :
نظام PDC لقياس المسافات عند الركن ونظام سماعات HiFi Professional وفتحة سقف والجنط مختلف شوية
إنما باقي التاجهيزات كلها موجودة .......... مفيش بي إم دبليو دفع امامي على وجه البسيطة
لو حضرتك شفت المعلومة دي من على كونتاكت اقدر اقولك ان كونتاكت مش بيحط اساساً جميع التجهيزات وبيختصر كتير
زي مثلاً لو تروح تشوف الـ320i حيقولك انها مافيهاش زينون مع انها معايا بالزينون ... تجاهل الموقع دا ودا تشوف منه الاسعار بس
- البيجو 508 سعر إعادة البيع مش اقل من الـA7 بالعكس دي فيها تجهيزات اكتر بكتير وملهاش سمعة سيئة لا من فتيس ولا من غيره
ولو حضرتك تعرف حد معاه العربية روح معاه التوكيل هناك بيناقشوه عن مدى رضائه عن العربية لإنهم واثقين انهم بيبيعو عربية خالية من المشاكل
شكرا مرة تانية لرد حضرتك و يا ريت لو في لينك لتجهيزات العربية مظبوط
انا كان معايا e46 و عارف ان بي ام دفعخلفي و استغربت من انهم قيلين علي كونتاكت جر امامي فعلا
البيجو حلوة جدا و مع مديري في الشغل بس سا فرنا بيها اسكندرية مرة و نزلنا من الميتنج حلفت متدورش
كمان انا برتاح نفسيا لل a7 اكتر و هي مسالة اذواق
كل سنة و حضرتك طيب يا فندم
اقتباس:
المشاركة الأصلية كتبت بواسطة medo2811
لأ كونتاكت فيه غلطان فظيعة ... انا جبت المواصفات من موقع BMW Egypt بس المواصفات باللغة الانجليزية تحب اجيبهولك ؟
- وانت طيب حضرتك انا في الخدمة
ياريت لو سمحت
http://www.bmw-egypt.com/eg/en/newve..._Exclusive.pdfاقتباس:
المشاركة الأصلية كتبت بواسطة medo2811
شكرا لحضرتك جدا
بس هي الاسعار دي مظبوطة ولا زادت يا فندم
كمان اية الفرق بين اللون الميتالك واللي لا
حاجة اخيرة هي ممكن يتركب لها بلوتوث ولا لا
اقتباس:
المشاركة الأصلية كتبت بواسطة medo2811
انت معاك سعر الفئة الـEclusive ودا سعر الفئة الـPremuim وهي ارخص فعلاً
http://www.bmw-egypt.com/eg/en/newve...6i_Premuim.pdf
اللون الميتاليك دا بيبقى لون لامع ومميز عن اللون العادي
بخصوص البلوتوث معنديش فكرة للأسف