-
حد صاحي ارجوكم
انا ناوي السفر بكرة صباحا ان شاء الله . بس المشكلة لما جيت ارصص واضبط زوايا بتاع الترصيص قال العجل بايظ ميترصصش ولازم يتغير . خوفني رحت لواحد تاني قالي سافر عادي . وشتتوني بتوع الكاوتش. العربية بتحرك بيها عادي الحمد لله انا بس بحس بعدم اتزان وغربلة بعد 90 . تحسك قاعد في العربية خايف ومش مستقرة . لو رحت بيها الصبح من القاهرة للعجمي في خطورة ؟ . شاركوني خبراتكم . العربية لانسر 90 ويا ريت اي رد قبل الصبح عشان اخد قرار وكل عام وحضراتكم بالف صحة وسلام وخير
-
ارجوكم
ارجوكم حد يرد عليا . اسافر بالعربية ولا لأ ؟ انا في انتظار الرد ونفسي انام شوية
-
يعني 13 مشاهدة ومحدش مديني رأيه ؟ يا ريت اخواني نتعاون اكتر من كده . لما واحد يكون عايز حاجة مستعجلة الناس تحاول تفيده . علي العموم اسف لإزعاجكم وكل عام وانتم بخير
-
ارجوكم
اخواني يا ريت نتعاون اكتر من كده . كل دي مشاهدات ومحدش رد عليا . علي العموم كل سنة وحضرتكم بخير
-
والله مش عارف اقولك ايه
الموضوع هام ...ده سفر وربنا يجعلك فى كل خطوه سلامه
انا رايى متسافرش بالعربيه
وده أأمن حاجه
مش مهم مين فيهم كلامه سليممن بتوع الترصيص
المهم سلامتك
سافر باى وسيله مواصلات ويعدين تشوف موضوع العجل براحتك
السلامه اولا
روح صلى صلاه الاستخاره وركعتين لله ونام
مع تمنياتى لك بالعوده بالسلامه
-
رأيي الشخصي بلاش منه المشوار ده وظبط العربية الأول تحسبا للطواريء طالما طالع علي طريق سفر
-
محدش هنا هيفيدك لأنه لازم يشوف الكاوتش عالطبيعة علشان يعرف ايه المشكلة
بتاع الكاوتش اللى قالك مش نافع اعرف منه مشكلته ايه و خليه يوريك المشكلة علشان تبقى فاهم هو قصده ايه
عموما الهزة بيبقى سببها 90% عدم اتزان فى الجنط و 10% عدم اتزان فى الكاوتش
لو الكاوتش متهالك مهما رصصت العجل هتفضل الهزة موجودة
-
صديقي المواطن
المشكلة بسيطة وأنت قصرت تقصير بسيط كان لازم تروح لبتاع ترصيص تاني ﻷنه أحيانا الكاوتش بيحتاج فنان في الترصيص وممكن تاخد ترصيص كتير فبيسيبها ويقولك روح هات فرده
أو تكون الفرده قاطعة سلك يعني ملووحة أو بداية ملووحة والموضوع بسيط طبعا إستبن معاك إنت تسافر بكره الصبح عادي ولا.تقلق أهلك وإنت كمان متفكرش كتير ولكن المسافة مس بعيدة فأقصى سرعة ليك هي 100 وأي حاجة تحصل في السرعة دي بسيطة ومش حتأثر عالعربية وحتوقف على جنب على طول تغيرها ولو حصلت تركب اﻹستبن ومن العجمي تشتري أي فردة كفتة أي كلام من أم 40 جنيه إستبن مشوار الراجع لغابة متنزل مصر تجيبلي فردتين يوحوهاما وترصص بعد كده وتظبط زوايا كمبيوتر كل شهرين
إذن الخلاصة تسافر والسرعة القصوى هي 100 مش تمشي 140 وتقول عادي وممكن على فكرة يقعد معك 6 شهور لو مش بتعدي ال 80 ومتزعلش كلنا معاك ولو عطلت كلمني أجيبلك فردة كاوتش بأمانة
وبالتوفيق وإلى اﻷمام ومن نصر إلى نصر
ودمتم للنضال
-
اشكركم جميعا علي الردود وجزاكم الله خيرا. نتوكل علي الله والله ربنا خير حافظ
-
اتكل علي الله بس متجريش اوي بالعربية و اظبط الاستبن و خليها علي الله
Content Relevant URLs by
vBSEO 3.6.0 PL2