عرض للطباعة
السلام عليكم
إيه رأيكم و أرجو التسعير أيضا
أوبترا 2010
56000 كم
ايرباج و أى بى أس و مثبت سرعة
الحالة العامة جيدة
السعر المطلوب 77500
هل السعر مناسب للعربية و الموديل و لا لأ
و إيه رأيكم فى الموديل ده علشان اللى أعرفه ان الاوبترا مافيش فيها ايرباج و الفرامل عادية
انا رايح أشوف العربية بكرة ان شاء الله ممكن تنصحونى اخد بالى من إيه ؟
و شكرا ليكم و كل عام و انتم بخير
أعتقد السعر والكيلومتر مناسب جدا
إكشف عليها فى التوكيل أو فى أى مكان تثق فيه لو سليمه توكل على الله وبالتوفيق
ده اكيد خليجي لأن الخليجي هو اللي فيه الايرباج وال abs بالنسبه للسعر انا شايف انه معقول لو منوال ., بس برده خد حد معاك ميكانيكي ... وبالتوفيق ان شاء الله
اولا ...راشه ولا ﻷ
ثانيا مانيوال ولا اوتو
اللي انت جايبها منو اول ولا تاني يد
سؤال مالوش علاقه ...جابها منين انا اعرف ان موديل 2009 كان فيه الكلام ده ومن غير مثبت سرعه ازاي جابها 2010
لو العربيه مش راشه ومافيهاش مشاكل ميكانيكيه و متصانه كويس تبقي لقطه سواء مانيوال او اوتو بس لو اوتو سعرها يبقي قليل وغريب شويه
لو فيها اي مشكله قول لنا واحنا نقيم
وربنا يوفقك
مهي عشان خليجي فيها مثبتاقتباس:
المشاركة الأصلية كتبت بواسطة د.عماد صلاح
2009 اساسا كانت وكيل (منصور) كانت شحنه كانت رايحه ليبيا ومدخلتش قامت متحوله علينا
السعر متهيالي ممتاز لو العربيه سليمه
بس لو اوتو يا استاذ ابو يحي يبقي سعرها قليل لدرجه تشكك ..ولا رايك ايه1
السعر ده مناسب للمانيوال
مهو عشان كده قلت السعر ممتازاقتباس:
المشاركة الأصلية كتبت بواسطة د.عماد صلاح
بس ممكن عشان السوق مريح فعشان كده الراجل جايب من الاخر .
أولا ألف شكر على الردود السريعة و المنطقية اللى خلتنى أحس انى مش هابقى لواحدى لو ربنا كرمنى و كان لى نصيب فى الاوبترا
و لو إنها ما كانتش فى حساباتى و كنت دايخ بقالى أكتر من 6 شهور على ميجان محترمة
ثانيا العربية أوتوماتيك و تانى يد و رشة نضافة علشان الخرابيش بس مافيش حوادث
ثالثا لى صديق معاه أوبترا أوتو 2006 قاللى ان السعر ده ما يطمنش لأن العربية بتاعته اتعرض فيها 64000 جنيه فا إزاى 2010 خليجى تبقى بالسعر ده
و لما قولتله ممكن تكون لقطة قاللى " العربيات اللقطة ما بتنزلش على النت دى بتتلقط على طول "
و الله انا محتار اساسا انى أنزل أشوفها من كتر العربيات اللى شوفتها و صحابها لما أكلمهم يقولولى العربية تمام و تروح تشوف مشرحة و تقول لصحابها العربية فيها كذا و كذا يقولك يا باشا العربية تمام مافيهاش حاجة و فابريكة .... و الله انا إحترت
إيه رأيكم .... زيرو و خلاص بس هاتكون حاجة صغيرة مش اللى نفسى فيها و لا أدور شوية كمان ؟!!
و شكرا
بقولك ايه هيا اكله و لا بحلقه ؟؟؟؟؟؟ لو العربيه بعد الكشف الظاهري و الميكانيكي في التوكيل و المروري تمام ماتخلص عشان البيعه ماتيطرش و تيرجع تندم لو على كلامك يبقى هيا ديه ((((( اللقط )))) اللي الواحد بيسمع عنها بس اخلالالالالالاص بسررررررعه
روح وبص واكشف عليها
شوف ..اكشف عليها في التوكيل و لو العربيه تمام ادفع الفلوس وحدها واطلع اجري السعر ده اما لقطه واما نصابايه
بالراحة علينا .. هية مش بحلقة بس انت مش هاتدفع مليمين فى الهوا من غير ما تتأكداقتباس:
المشاركة الأصلية كتبت بواسطة crazydeepman
و طالما الواحد ماعندوش خبرة فى حاجة بيسأل و الناس نفسهم شككوك من السعر المنخفض و كمان الموديل ... يعنى لما الواحد ياخد رأى الناس مش عيب ولا إيه يا جيهة؟؟؟
بالمناسبة .. إتفقت على يوم الاحد أشوفها و أكشف عليها عند مركز الزرانى اللى فى سيدى بشر
عندكوا فكرة عنه و علشان الكشف فى التوكيل أعتقد هايكون فى العامرية و مش مناسب بالنسبة لى
إيه رأيكم ..؟؟؟
حاجة تانية الراجل صاحبها قاللى ان العربية راشة بالكامل و أقسم انه بسبب ان فى عمارة بتتبنى نزلت اسمنت خفيف عليها مافيهاش تطبيق و لا حاجة بس الاسمنت ماطلعش مع غسيل العربية
إيه رأيكم ... و هل ده ممكن
بصوا يا رجالة انا بسأل كتير انا عارف بس الواحد محتاج يسمع من الناس و فى الاخر يكون رأيه
و شكرا لكل من لا يبخل بخبرته و الامانة فى الاجابة عن اى شخص بيسأل و خبرته محدودة
و شكرا للجميع
اسال براحنك حق
احنا كلنا هنا تحت امرك يهمنا انك تاخد حاجه كويسه
اكشف وكله حيبان
كشف توكيل العامرية فى حدود 400 جنيه
الاسمنت لما ينشف بيبقي صعب جدا يتشال بس اهو الاسمنت نزل علي العربيه كلها حتي الجوانب ؟...غريبه شويه دي
وف ماتستخسرش في الكشف عليها ..لاتستخسر فلوس ولا مشوار العربيه دي سعرها قليل بتاع من 7 الي 12 الف لازم تعرف لقطه ولا مقلب