صوت ون من نحية سير المجموعة.......زهقت منه ومش عارف ايه الحل!!!!

اولا دى تقريبا اول مشاركة ليا فى المنتدى.....انا عربيتى جين 2 موديل 2007 اشترتها من شهرين تقريبا ومن يوم ما اشترتها فيها صوت ون عالى جى من ناحية سير المجموعة بيزيد لما الف الدريكسيون وبيبان اوى وبيعلى وانا بركن........بعد شهر السير اتقطع وغيرتو الصوت هدى جدا ومعدش بيزيد ولا يقل بقى صوت زن خفيف اوى ومش مزعج بس قعد كدى اسبوع وبعدين رجع زى الاول تانى.....انا عايز حد يفيدنى فى احتمالات المشكلة و هل فى علاقة ما بين السير اللى اتقطع و الصوت ده عشان الميكانيكى انا عارف لما اروحلو هيقةلى غير وغير وممكن يكلفنى كتير من غير المشكلة ما تتحل:crying2:

حاجه من اتنين يا بلى الدينمو يا بلى طرمبه زيت الباور
ولو البلى خشن ممكن ياقفش ويقطع السير فعلا

شكرا جدا لسرعة ردك يا استاذ eleanor بس ليا استفسار بردو اية الحل لو كان فى مشكلة فى بلى الطرمبة او الدينمو وهل ممكن تكون المشكلة من بلية الشداد!!

tensioner of belt may need replacement
dynamo bearing is rough , replace it all

اقتباس:

---

المشاركة الأصلية كتبت بواسطة Mecha

tensioner of belt may need replacement
dynamo bearing is rough , replace it all

---

شكرا استاذ mecha لردك بس هوا ممكن اغير بلية الدينمو من غير ما اغيره كله......ياريت كمان لو حد عنده طريقة اميز بيها الصوت ده جى من اهنو بلية ولا ممكن اية تانى يحصل لان الصوت خف اوى لما غيرت السير وبعدين اسبوع وزاد تانى

طبعا ينفع تغير البلى بس مش هاتغير ولا الدينمو والا الطرمبه هو الكهربائى هايفكلك البلى
وتشترى skf الاصلى وتركبه وتنساه بعد كده
وتحت امر حضرتك

شكرا جدا لحضرتك

بسم الله الرحمن الرحيم
متزهقش بسرعه كده . الموضوع عادي جدا لانو كان عندي بس انا بسراحه اول حاجه عملتها غيرت سير الكاتينه ببلية الشداد اول حاجه .. وبعد كده غيرت سير التقسيمه ببلية الشداد الخاص بيها وبرضوا الصوت لسه موجود .. افتكرت طلمبة الباور ، لكني رحت كشفت على كمبريسور التكيف ولقيت ان صوت الونه العالي دا جاي منوا رحت اشتريت بلي اصلي skf وركبتوا والحمدلله الصوت راح تماما .
المطلوب من حضرتك تشيك الاول على كل ماهو فيه بلي ، لانوا لما البلي حيقفش ممكن يبوظلك طلمبة الباور او الكمبريسور . وفي حاجه تانيه عاوزك تتاكد منها ان الصوت دا ممكن يكون جاي من شربون او جلبة الدينمو .
معلش هوا الموضوع متعب شويه بس خدوا وحده وحده بدايه من سير الكاتينه بالشدادات بتاعتو لغاية ما توصل لبلية الكمبريسور مرورا بسير التقسيمه بالشداد بتاعها .

استاذ aboaladham ردك ريحنى وحسسنى انى مش لوحدى اللى بعانى من الزن اللى فى دماغى ده انا النهارده اعدت اسمع الصوت ده جى منين بظبت ولما دققت اوى لقيتو طالع من الحته اللى فيها طرمبة الباور وتحتيه كمبريسور التكييف فهو واحد من الاتنين دول انا هروح بكرا إن شاء الله للميكانيكى لو كان فاتح و هغير البلى كله وسير الكاتينة والبلى الشداد للكاتينة والمجموعة ويارب بقى مسمعش الصوت الغبى دا تانى :)