الجزيرة قامت بمقاضاة مصر و الجزائر بسبب اذاعة بثها دون حصولهم علي ترخيص منها .......
المهم ان الفيفا حكمت علي الجزائر بدفع 200 مليون دولار ..........فهل تري سوف تقوم بفرض نفس الغرامة علي مصر أم أنها ستكون أكبر ؟؟؟؟
عرض للطباعة
الجزيرة قامت بمقاضاة مصر و الجزائر بسبب اذاعة بثها دون حصولهم علي ترخيص منها .......
المهم ان الفيفا حكمت علي الجزائر بدفع 200 مليون دولار ..........فهل تري سوف تقوم بفرض نفس الغرامة علي مصر أم أنها ستكون أكبر ؟؟؟؟
بسبب غباء وعنترية وبطولة ورقية من مسءولين الاذاعة والتليفزيون. وكله من قوت الشعب
لا يوجد مبرر لما حدث ابدا ولا يجوز ان اعالج الخطأ بخطأ اكبر بمعني انه تم الاستيلاء على حق بث المباراه الحصري للجزيرة الرياضية بحجة ان الجزيرة لم تدفع حق بث 41 يوم من سيارة البث الحي التابعة للتليفيزيون في اعتصام رابعة ...
ياريت بعد اذن صاحب الموضوع انا ليا استفسار جانبى كده عن معلومة محددة...... كنت عاوز مصدر المعلومة بتاعة الغرامة اللى قيمتها 200 مليون دولار دى و شكرا
فعلا ما هو مصدر معلومة ال 200 مليون دولار دى ؟؟
مستحيل تكون غرامة بالمبلغ دا ممكن 200 الف دولار مثلا
بيقولوا الغرامة بتكون من 100 الى 500 الف دولار
غرامة 200 مليون دولار هههههههههههه
وكالعاده عن السؤال عن المصدر ولاتلاقي اي رد
ياجماعة مع احترامى ليكم هو كل الموضوع فى المبلغ؟! ما هو حتى لو حكموا علينا بربع جنيه مقطع ما هى فضيحة برضه يعنى مصر بقت حرامية بث. ده برضه اذا ثبت صحة الخبر
خيبة ما بعدها خيبة !
حتى بدون الحكم علينا .... هو مش اللى حصل فعلا ان التليفزيون سرق الماتش؟
اللى عمله التلفزيون المصري مش سرقة
ده حقنا مقابل اللى عملته الجزيره بمساعده بعض ذيولهم الحرامية التابعيين لقطر في مصر بسرقة 4 عربيات بث مملوكة للتلفزيون المصري
ووقتها طبعاً مفيش فيهم حد فتح بأه بكلمه واحده ولاضميره الصاحي وجعه
بتوع سمع وطاعه الدين والضمير عندهم مش بيشتغل الا بأوامر
بصراحه منطق غلط ... لو فى حرامى سرقنى و انا عارف بيته هل ده مبرر انى اروح اسرقه و اقول انى كده صح؟
انا كنت مستنى حد ييجى يقول الكلمتين دول تحديدا و مرضتش اكتب حرف قبلها
اولا فعلا جنيه زى مليون النقطة مش فى المبلغ...... ثانيا المبلغ نتيجة خطأ مهنى جسيم و مخالفة حصلت لتعاقد و حقوق بث يعنى زيه زى مخالفات المرور تخطيت السرعة تدفع المخالفة وقتى و ده شئ بديهى بس برضه مش هو المشكلة
انا فى تعليقى السابق كتبت كلمات منتقاة بعناية..... قلت انا عندى استفسار جانبى عن معلومة محددة...... ليه بقى الكلمات دى بالتحديد؟ لما قلت استفسار جانبى كان قصدى انه مش فى صلب الموضوع (عشان كده كنت مستنى حد يحاول يلفت النظر لكده) لكنه بيوضح الغرض الاساسى منه...... و لما قلت معلومة محددة كان هدفى التيقن من صحة الموضوع و بالتالى مصدر المعلومة
و ادخل بقى فى الكلام الاساسى اللى انا عايز اقوله...... بس كتير منه هيبقى بالاشارة لكل لبيب احتراما لقواعد المنتدى
اولا حاليا فى ناس كل هدفها انها تحاول تبرز اى شئ سئ بيحصل فى البلد و تهول فيه و تضخم فيه...... و ده طبعا لاغراض معينة فى انفسهم مش هنخوض فى تفاصيلها لان ده هيخرجنا من اطار موضوعنا و ممكن كمان يخرجنا عن قواعد المنتدى اللى كلنا حريصين على الالتزام بها....... و كفاية انهم مفضوحين اصلا فى اللى بيعملوه ده و بينكشفوا بطريقة وحشة اوى قدام الناس عشان كده محاولاتهم دى دايما مش بتنجح بس هم مش بييأسوا و ماشيين بنظام الزن على الودان امر من السحر...... بس برضه مش هيوصلوا لحاجة لان محدش اصلا بقى قابل منهم كلام لان كل الناس بيبقى باين لها ان الكلام مغرض و مش لله و للوطن و بالتالى لا مصداقية لهم
كلامى السابق مش معناه ان احنا لا ننتقد شئ سئ او غلط فى البلد ...... بالعكس تماما...... بس معروف طبعا ان فى نقد بناء و نقد هدام و مغرض
ثانيا...... اى موضوع الانسان بيعمله بيبقى فيه حاجة من تلاتة ...... اما معلومة و دى يدعمها مصدرها ..... و اما رأى او تحليل و دى تنسب لصاحبها و يتم مناقشته فيها...... الحاجة التالتة بقى هى الشئ الهدام اللى غالبا بيتم استخدامه لغرض فى نفس يعقوب...... و هى الاشاعة....... و دى عادة لا مصدر لها و كل هدفها اثارة البلبلة و اللغط بين الناس الا انها برضه تنكشف فى النهاية
عشان كده انا بقول ياريت كلنا نراعى ربنا فى انفسنا و فى بلدنا و شعبها و فى كل كلمة نقولها او ننقلها ....... و نتقى الله فيهم...... و من يتقى الله يجعل له مخرجا...... و واضح طبعا ان التقوى الحقيقية شرط وجود المخرج غير كده يبقى مفيش غير اسفل السافلين...... الكلام ده بقوله لنفسى اولا قبل ان اقوله لاحد...... و يمكن بعض الناس هنا تعرف عنى انى تقريبا مش بقول معلومة فى اى موضوع الا و مصدرها او مصادرها معاها غير كده لو مش منأكد بقول ده بوضوح ....... تحريا للدقة و ايضا المصداقية ..... وعلى الله قصد السبيل
دلؤقتي الجزيره مش غلطانه انت كنت فين لما كنت بتتسرق جي لما تسرق وتتكشف تقول ما انت كنت بتسرقني مش منطق
انما لما كنت تقف وتقول لا دا ماتش المنتخب بتاعي يبق لي الحق ان ازيعه عندي برحتي كان الوضع اختلف
"مجرد وجهة نظر"
تحيااتي
فى حاجة يا أساتذة اسمها "أخد الحق صنعة" تقدر أنت تثبت انهم سرقوا العربيات وبثوا منها ؟؟؟ لا متقدرش ... لكن هو بصباع رجله الصغير هيثبت انك حرامى بث وهتوقع عليك عقوبة أيا كان حجمها ... أنت كدة حطيت نفسك فى موقف الضعيف ونقلت ماتش خيبان بالعافية وهتلبس غرامة محترمة ومش هتقدر تفتح بقك استفدت انت ايه بقا ؟؟ خدوا عربيات بثك وبثوا منها وخدوا منك غرامة كمان ... لأ بجد برافو
حسرة على المصريين والعرب...
في اوروبا حكمت المحاكم ان كأس العالم من حق المشاهدين "مجاناً" و طظ في كل عقود الرعاية و النفوذ والفلوس...واحنا لسة بنفكر الجزيرة تقاضينا ومتقاضيناش...
.رياضة - .BBC Arabic - .الفيفا يخسر معركته من أجل حقوق بث كأس العالم
تحيا اوروبا
نفس الفكره اتقالت قبل كده
مفيش حد بيسمي استراد حقك من حرامي سرقك الا اذا كان هو نفسه حرامي بيدافع عن حرامية
اي حد طبيعي لو حرامي سرق منه حاجه او نصب عليه في حاجه
وعمل حيله استرد حقة الناس كلها هتصقف له انه لم يترك حقة
ويااما ناس اتنصب عليها او اتسرقت وعملت طرق كتير لاسترداد حقها وهنا في المنتدى كل الناس صقفت واعجبت بشجاعتها
الموضوع كله ان فيه فكر منحرف يتبع التقية وطرق اليهود في اعتبار نفسهم شعب الله المختار
ان سرق 4 عربيات بث يبقى مجاهد وبطل
اما اذا اتسرقت حاجه من جماعته هنا يبدأ يعمل فيها بتاع الضمير والدين
ده الموضوع ببساطه وطبعاً الكلام بشكل عام مش موجه لأحد
سواء اذاعة المتش او دفع الغرامة
الاثنين خطأ فرأي
والموضوع انتهي بالنتيجة
أنا مضطر أقول أن الخبر كدب لأن صاحب الموضوع فص ملح و داب و لا قال مصدر الخبر و لا اي حاجة. حسبنا الله و نعم الوكيل في الكدابين. و لازم طبعا أسجل أن احنا غلطانين أن احنا أذعنا الماتش بدون و جه حق و طبعا الجزيرة عملت معانا الصح أو علي الأقل لسه هتعمله.
سيارات التلفزيون المصري بالفعل تم سرقتها ولكن مش من الجزيرة
يحاسب السارق
لكن القناة مرخص لها تبث مش محتكر البث غير إنها ممكن تبث أساسًا بدون الحاجة لوحدات البث التلفزيوني
دا بغض النظر عن عدم مهنية الإعلام في نقل مظاهرات رابعة العدوية والنهضة ودا جزء من الشعب المصري اللي له حق في إعلامه وأمواله العامة
دا غير إن فيه أشخاص معترفين ( علنًا ) بمبدأ السرقة مقابل السرقة
صورة مع التحية ( للقيم )
بخصوص الغرامة مفتكرش الرقم دا ولكن أيًا كان الرقم هيكون إسم الفضيحة سرقة البث
موت وخراب ديار يعني
كرامتنا إتبعترت