ياجماعة حد يقولى اعمل ايه والصنيعية قافلين وانا عايز افسح الولاد

هذا الموضوع تابع للموضوع السابق ( حصلى موقف اول مرة يصادفنى ارجو المساعدة )



ياجماعة حد يقولى اعمل ايه فى العربية والصنيعية قافلين وانا عايز افسح الولاد
اللى حصل ان سير الدينمو انقطع وانا مع الاسرة اول يوم العيد وانا راجع من الاسكندرية بسبب خشانه فى بلية الدينمو او بلية طرمبة المية وده سبب القطع وكملت المشوار لحد البيت والنهاردة ولادى عايزين يتفسحوا وده مش هايحصل من غير العربية

ممكن من اصحاب الخبرة قولولى اعمل ايه
انا ممكن لو وصفتولى حل ممكن اعمله ان شاء الله بس افسح الولاد بدل الحبسه دى وبصراحة انا كمان عايز اتفسح
انا فى انتظار ردكم

العربيه ممكن تسخن كده والخساره تكون اكبر

سير الدينمو مسئول عن تشغيل طلمبة المياه ( علشن تقلب ) و فى حالة عدم وجوده يبقى طلمبة المياه مش حتقلب و بالتالى دورة التبريد مش حتبقى شغالة و بتالى ممكن بسهولة العربية تجيب جوان وش سلندر
فبلاش حضرتك تتحرك بيها لغاية متصلح الموضوع ده

الموضوع سهل وبسيط
أشترى السير من عند بتاع قطع الغيار وأكيد عندك فى شبرا هتلاقى ناس فاتحين فى العيد
وبعدين عشق العربية على الرابع
وركب السير من ناحية طرمبة المياة و الدينامو وبالعافية هيركب معاك على اول المجرى بتاعت طمبورة الكرنك
زق العربية لقدام أو للخلف على حسب تركيب السير ( أتجاة دوران الطمبورة )
بعد خطوتين بالعربية هتلاقى السير ركب و الدنيا تمام وتقدر تتفسح براحتك لحد ما الميكانيكى يفتح خلية يتمم على الشغل
ولا تزعل نفسك ............. عيد سعيد

اقتباس:

---

المشاركة الأصلية كتبت بواسطة abou-yahia

العربيه ممكن تسخن كده والخساره تكون اكبر

---

لا انا مش ناقص خسارة حاضر اركنها احسن لتسخن
وشكرا لسيادتك على النصيحة

اقتباس:

---

المشاركة الأصلية كتبت بواسطة megadeath

سير الدينمو مسئول عن تشغيل طلمبة المياه ( علشن تقلب ) و فى حالة عدم وجوده يبقى طلمبة المياه مش حتقلب و بالتالى دورة التبريد مش حتبقى شغالة و بتالى ممكن بسهولة العربية تجيب جوان وش سلندر
فبلاش حضرتك تتحرك بيها لغاية متصلح الموضوع ده

---

بجد انا مش عارف اشكر حضرتك ازاى على المعلومات دى وعلى اد ماأقدر هاكون حريص

اقتباس:

---

المشاركة الأصلية كتبت بواسطة velkouf

الموضوع سهل وبسيط
أشترى السير من عند بتاع قطع الغيار وأكيد عندك فى شبرا هتلاقى ناس فاتحين فى العيد
وبعدين عشق العربية على الرابع
وركب السير من ناحية طرمبة المياة و الدينامو وبالعافية هيركب معاك على اول المجرى بتاعت طمبورة الكرنك
زق العربية لقدام أو للخلف على حسب تركيب السير ( أتجاة دوران الطمبورة )
بعد خطوتين بالعربية هتلاقى السير ركب و الدنيا تمام وتقدر تتفسح براحتك لحد ما الميكانيكى يفتح خلية يتمم على الشغل
ولا تزعل نفسك ............. عيد سعيد

---

بجد انا مش عارف اشكر حضرتك ازاى على المعلومات دى وعلى اد ماأقدر هاكون حريص وعيد سعيد عليكم