| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 16

  1. #1

    الصورة الرمزية AmericanMuscle

    رقم العضوية : 150144

    تاريخ التسجيل : 17Oct2013

    المشاركات : 31

    النوع : ذكر

    الاقامة : المعادي

    السيارة: فورد فوكس 2012

    السيارة[2]: هيونداي فيرنا 2008

    الحالة : AmericanMuscle غير متواجد حالياً

    افتراضي مقارنة شخصية بين فورد فوكس و كيا سيراتو - Facebook Twitter whatsapp انشر الموضوع فى :

    hasad">


    من صغري و أنا مهوس بالعربيات. أنا عشت في السعودية كتير و تقريبا سوقت كل الموديلات الجديدة من أول 2011 لحد دلوقتي في فورد و كيا و هيونداي و نيسان و بيجو و تويوتا الخ... test drive طبعا لا أحسن تفتكروا اني عند كل الماركات دي :D

    أول عربية اشتريتها هي الفورد فوكس 2012 سيدان و أول عربية سقتها كانت الفيرنا, طبعا مفيش مقارنة لكن لتوضح الأمور فقط.

    اخويا من كام يوم -ربنا يباركله فيها - جاب كيا سيراتو الشكل الجديد موديل 2014 الفئة التالتة EX Full Option. و طبعا لاني شخص فضولي جدا خصوصا لما يبقى الكلام عن العربيات, فـأنا سقت العربية مسافات كبيرة, عملت 500 كيلو في أول يومين بيها و هو طبعا هيتجنن بس سايبهلي برضو لانه ميقدرش ينكر الجميل و خصوصا إن أنا اللي علمته السواقة و على الفورد كمان.

    سيبكم بقى من الرغي ده و نخش في الموضوع, أنا هكون سريع جدا في المقارنة و هتبقى في شكل نقاط, و ده طبعا وجهة نظري أنا ممكن بل أكيد في ناس هتختلف مع كلامي. اليكم مزايا و عيوب كل عربية.


    أولا: فورد فوكس



    ميزات العربية:
    1- ثابتة على الطرق السريعة.
    2- مريحة في المسافات الطويلة.
    3- الهاندلينج بتاعها ممتاز و أحسن كمان من الجيتا و الاوكتفيا و عن تجربة.
    4- صوت السماعات فيها نقي جدا.
    5- انورها هادية جدا و شيك بليل.

    عيوب العربية:
    1- الجير الجديد اللي طورته فورد "Dual Clutch" محتاج لسة تظبيط كتير أكيد في الموديلات الحديثة 2013 و 2014 اشتغلوا عليها. في تردد في نقل الجير من الأول للتاني كده بتاع ثانية أو ثانيتين و بتحس برجة خفيفة لو ماشي على سرعة بطيئة بين الجير الأول و التاني بسبب تردد الجير يفضل في الأول ولا ينقل للتاني.
    2- صوتها عالي لما بتجري. و لكن ده طبيعي في العربيات الامريكان مع إنها معمولة في ألمانيا, لكن الماركة تحكم برضو. زي مابيقولوا "American Muscle" و كده.
    3- التوكيل حرامي في قطع الغيار.
    4- التوكيل حرامي حتى في الكماليات بتاعة العربية, يعني الفئة التانية بتاعتي تقريبا مفيهاش أي كماليات غير السنسور اللي ورا. غير كده الكماليات كلها موجودة في أعلى فئة اللي هي معدية ال 200 ألف جنيه دلوقتي. الفئة التانية بره مصر بتنزل بـ فوج لايت و تكييف اوتوماتيك و 6 سماعات بدل من 4. يعني لو بتحب الكماليات أكتر يبقى تخليك في السيراتو الشكل الجديد 2013/2014 "عربية تحفة و أحسن كتير من الشكل القديم و كمالياتها محترمة في سعر و معقول بـأمانة لو كانت نزلت في 2012 كنت جبتها بدون تردد بدل الفوكس.
    5- مساحتها, بالرغم إنها في نفس حجم الالانترا و السيراتو لكن التابلو واخد مساحة كبيرة جدا من العربية و مقصر في حق المساحة اللي ورا اوي, الالانترا و السيراتو اوسع كتير.
    6- التكييف أي كلام.

    ثانيا: كيا سيراتو الشكل الجديد



    ميزات العربية:
    1- العربية ناعمة جدا على الطريق.
    2- مريحة على الطرق السريعة.
    3- الإنتقال بين السرعات في الاوتوماتيك سريع و مفيهوش تردد يذكر.
    4- واسعة جدا من جوه و مساحة كبيرة في الخلف و المسافة بين الرأس و السقف كويسة.
    5- هادية و هيا بتجري, تقريبا ملهاش صوت.
    6- تكيفها قوي جدا ما شاء الله.

    عيوب العربية:
    1- العربية تبدأ تتهز عند سرعة 160 كم/س و متبقاش ثابتة زي الأول خالص, بس ده لا يمنع إنك ممكن تسيطر عليها لكن هتحس إنها طايرة مش ماشية على الأرض.
    2- الصاج ضعيف مقارنة بالفوكس, لكن أقوى من الهيونداي عامة.
    3- قطع غيراهـا تعتبر غالية نسبيا لعربية معمولة في كوريا.
    4- العربية بترجرج شوية و هي واقفة و التكييف شغال.
    5- سعرها غالي جدا في الوقت الحالي مقارنة بالعربيات اللي في نفس الفئة , يبدأ من 148 ألف للاوتوماتيك و مفيهاش أي حاجة غير ايرباج واحدة.

    المقارنة في النقاط المهمة:

    1- الثبات على السرعات العالية.
    الفائز: الفوكس

    2- الكماليات و الجاذبية من الداخل و قوة التكييف:
    الفائز: سيراتو


    3- أسعار قطع الغيار:
    الفائز: سيراتو


    4- الهدوء و الراحة:
    الفائز: سيراتو


    5- المساحة:
    الفائز: سيراتو


    6- الاستمتاع بالقيادة:
    الفائز: الفوكس

    7- الهاندلينج و التحكم في السيارة بشكل كبير:
    الفائز: الفوكس

    8- قوة الصاج:
    الفائز: الفوكس

    9- سعر اعادة البيع:
    الفائز: سيراتو

    10-توفير استهلاك الوقود:
    الفائز: سيراتو

    يعني من الآخر لو أنت واد سويق و بتحب تجري و تتحكم في عربيتك بكل قوة يبقى الفوكس هي افضل اختيار. لكن لو أنت عايز عربية شيك و مريحة و كمالياتهـا كتير و واسعة و تجري معاك برضو و تقضي بيها مشواريك يبقى خليك في السيراتو. و في الحالتين أنت فايز في أي اختيار "Win-Win Situation" أنت و ذوقك بقى.

    أتمنى اني أكون افادتكم و ارحب بجميع التعليقات :)


  2. #2

    الصورة الرمزية 2CODE

    رقم العضوية : 124340

    تاريخ التسجيل : 08May2012

    المشاركات : 1,852

    النوع : ذكر

    الاقامة : na

    السيارة: NA

    السيارة[2]: BMW X1 Sport

    دراجة بخارية: na

    الحالة : 2CODE غير متواجد حالياً

    افتراضي -

    مقارنة ممتازه وعادلة جداً

    ماهو مش هتلاقي كل حاجة في عربية واحده وبـ160 او 170 الف جنية !!!!!!!!

    يعني هتاخد نظام تعليق غالي وحلو مش هتلاقي كماليات كتير والعكس لو هتاخد كماليات كتير هتاخد برضه نظام تعليق كويس بس مش ممتاز لكن متوسط وهو اللي في كيا سيراتو من رأيي نظام تعليق متوسط ومناسب خصوصاً لسرعة 160 احنا معندناش طرق تعدي السرعة دي اساساً هههههههههههههههه

    فأنا اوافقك الرأي تماماً والله يبارك لكل ملاك العربيتين ويهنيهم بيهم


  3. #3

    الصورة الرمزية M I D O

    رقم العضوية : 131111

    تاريخ التسجيل : 09Nov2012

    المشاركات : 5,961

    النوع : ذكر

    الاقامة : طنطا

    السيارة: Fiat 132

    السيارة[2]: Geely Emgrand EC 7

    دراجة بخارية: I.S.A BMW.s.1000.rr

    الحالة : M I D O غير متواجد حالياً

    افتراضي -

    مقارنة جميلة يا باشا

    . . . . . . . . . . . . . . . . . . . . . . . .
    . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
    و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥


  4. #4

    الصورة الرمزية mastr_n

    رقم العضوية : 50622

    تاريخ التسجيل : 21Oct2009

    المشاركات : 1,812

    النوع : ذكر

    الاقامة : El-Sharqia/Iraq

    السيارة: One enough

    السيارة[2]: kia cerato 2010

    دراجة بخارية: no

    الحالة : mastr_n غير متواجد حالياً

    افتراضي -

    كلام جميل من واحد فاهم اللة ينور

    بس السعر بتاع السيراتو مبالغ فية الى حد ما

    لا الة الا انت سبحانك انى كنت من الظالمين


  5. #5

    الصورة الرمزية AmericanMuscle

    رقم العضوية : 150144

    تاريخ التسجيل : 17Oct2013

    المشاركات : 31

    النوع : ذكر

    الاقامة : المعادي

    السيارة: فورد فوكس 2012

    السيارة[2]: هيونداي فيرنا 2008

    الحالة : AmericanMuscle غير متواجد حالياً

    افتراضي -

    اقتباس المشاركة الأصلية كتبت بواسطة mastr_n مشاهدة المشاركة
    كلام جميل من واحد فاهم الله ينور

    بس السعر بتاع السيراتو مبالغ فية الى حد ما
    آه طبعا مبالغ فيه لكن صدقني الفرق بين الشكل ده و الشكل القديم فرق شاسع خصوصا في العفشة. لكن تعمل إيه, العربيات كلها في الطالع, ده الفرنا بقت بـ 75..


    اقتباس المشاركة الأصلية كتبت بواسطة 2code مشاهدة المشاركة
    مقارنة ممتازه وعادلة جداً

    ماهو مش هتلاقي كل حاجة في عربية واحده وبـ160 او 170 الف جنية !!!!!!!!

    يعني هتاخد نظام تعليق غالي وحلو مش هتلاقي كماليات كتير والعكس لو هتاخد كماليات كتير هتاخد برضه نظام تعليق كويس بس مش ممتاز لكن متوسط وهو اللي في كيا سيراتو من رأيي نظام تعليق متوسط ومناسب خصوصاً لسرعة 160 احنا معندناش طرق تعدي السرعة دي اساساً هههههههههههههههه

    فأنا اوافقك الرأي تماماً والله يبارك لكل ملاك العربيتين ويهنيهم بيهم
    ههههه على رايك بس واللهِ طريق الدائري من المعادي للمطار حلو كده خصوصا عند النفقين :)


    اقتباس المشاركة الأصلية كتبت بواسطة m i d o مشاهدة المشاركة
    مقارنة جميلة يا باشا
    ألف شكر يا ميدو و انتظر المزيد من المقارنات إن شاء الله.


  6. #6

    الصورة الرمزية Anxs111

    رقم العضوية : 26692

    تاريخ التسجيل : 02Dec2008

    المشاركات : 846

    النوع : ذكر

    الاقامة : Canada

    السيارة: BMW X3 2009 3.0i

    السيارة[2]: 99 Passat 1.8T

    دراجة بخارية: none...

    الحالة : Anxs111 غير متواجد حالياً

    افتراضي -

    مقارنة موضوعيه ونفس الحاجات دي كانت تعليقي علي فورد فوكس ...قاعده حلوة وهاندلنج ممتاز بس فتيس بينتش في النقله من التاني للتالت بالذات والمساحة في الكنبه مش موجودة ، تصميم خارجي رائع ....


  7. #7

    الصورة الرمزية J A G U A R

    رقم العضوية : 149487

    تاريخ التسجيل : 02Oct2013

    المشاركات : 10,977

    النوع : ذكر

    الاقامة : DAMANHOUR , ALEX

    السيارة: ♥-♥-♥-♥-♥-♥-♥-♥

    السيارة[2]: O---P---T---R---A

    دراجة بخارية: ♥♥♥-._.-♥♥♥

    الحالة : J A G U A R غير متواجد حالياً

    افتراضي -

    مشكور يا برنس على المقارنه الجميله .. بس ازاى السيراتو على 160 بتتهز .. انا جايب قبل كده باوبترا 180 والعربيه ولا كانها ماشيه لدرجه انى سبت ايدى من على الدريكسيون وولعت سجاره .. معقوله الاوبترا ثباتها احسن


  8. #8

    الصورة الرمزية AmericanMuscle

    رقم العضوية : 150144

    تاريخ التسجيل : 17Oct2013

    المشاركات : 31

    النوع : ذكر

    الاقامة : المعادي

    السيارة: فورد فوكس 2012

    السيارة[2]: هيونداي فيرنا 2008

    الحالة : AmericanMuscle غير متواجد حالياً

    افتراضي -

    اقتباس المشاركة الأصلية كتبت بواسطة mohamed2013201 مشاهدة المشاركة
    مشكور يا برنس على المقارنه الجميله .. بس ازاى السيراتو على 160 بتتهز .. انا جايب قبل كده باوبترا 180 والعربيه ولا كانها ماشيه لدرجه انى سبت ايدى من على الدريكسيون وولعت سجاره .. معقوله الاوبترا ثباتها احسن
    الاوبترا ممتازة في طرق السفر, 190 قبل كده و كانت ثابتة, لكن واللهِ السيراتو أنا سقتها و أول مجبت 160 حسيت إن العجل في الهوا مش على الاسفلت. يمكن عشان لسة جديدة بقى الله اعلم.


  9. #9

    الصورة الرمزية J A G U A R

    رقم العضوية : 149487

    تاريخ التسجيل : 02Oct2013

    المشاركات : 10,977

    النوع : ذكر

    الاقامة : DAMANHOUR , ALEX

    السيارة: ♥-♥-♥-♥-♥-♥-♥-♥

    السيارة[2]: O---P---T---R---A

    دراجة بخارية: ♥♥♥-._.-♥♥♥

    الحالة : J A G U A R غير متواجد حالياً

    افتراضي -

    اقتباس المشاركة الأصلية كتبت بواسطة americanmuscle مشاهدة المشاركة
    الاوبترا ممتازة في طرق السفر, 190 قبل كده و كانت ثابتة, لكن واللهِ السيراتو أنا سقتها و أول مجبت 160 حسيت إن العجل في الهوا مش على الاسفلت. يمكن عشان لسة جديدة بقى الله اعلم.
    هتلاقى العجل عايزز يترصص او يظبط زوايا مش اكتر


  10. #10

    الصورة الرمزية Hunting_Eagle

    رقم العضوية : 63536

    تاريخ التسجيل : 27Feb2010

    المشاركات : 790

    النوع : ذكر

    الاقامة : 6th of October

    السيارة: 2014 Kia Cerato

    السيارة[2]: Mazda 6 Ultra

    دراجة بخارية: No

    الحالة : Hunting_Eagle غير متواجد حالياً

    افتراضي -

    hasad">

    شكرا جزيلا على المقارنة

    أنا من ساعة ما شوفت فورد فوكس سيدان سوداء قبل كده على طريق دريم و انا موهوم بيها .. و ان كان موضوع المساحة الداخلية واضح انه مشكلة

    و بعدين لو رجع بيك الزمن بردو اشتري فوكس و فكك من سيراتو و الكلام ده يا راجل

    كنا عايزين بس شوية صور للعربيتين نكمل بيهم المقارنة

    "سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"



 
صفحة 1 من 2 1 2 الأخيرةالأخيرة

المواضيع المتشابهه

  1. مقارنة بين فورد فوكس 2012 هاى لاين ورينو فلوانس 2012 هاى لاين
    بواسطة ashrofa72 في المنتدى قســـــــــم المقارنــــات
    مشاركات: 33
    آخر مشاركة: 28-10-2013, 02:11 PM
  2. فورد فوكس
    بواسطة mohamedkordy في المنتدى مشاكل اجزاء التعليق
    مشاركات: 0
    آخر مشاركة: 01-03-2012, 12:15 PM
  3. افضل مقارنة بين فورد فوكس-مازدا 3-اوكتافيا .a5
    بواسطة Fadi Ezzat في المنتدى قســـــــــم المقارنــــات
    مشاركات: 54
    آخر مشاركة: 30-04-2010, 02:25 PM
  4. مقارنة بين أوكتافيا 4a و فورد فوكس الشكل الجديد
    بواسطة Semsem79 في المنتدى قســـــــــم المقارنــــات
    مشاركات: 0
    آخر مشاركة: 06-08-2008, 03:06 AM
  5. فورد فوكس
    بواسطة noni67 في المنتدى قسم كتالوجات الصيانة و الإصلاح
    مشاركات: 0
    آخر مشاركة: 17-04-2008, 02:39 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2