عملت حادثه و الحمد لله

**moha4tec** · 18-10-2013 05:02 PM

حمدا لله على سلامتك و فداك اى شىء
و فعلا الطرق فى مصر زى الزفت

**FAR!D** · 19-10-2013 09:34 AM

اولا : الف حمدلله على سلامتك و قدر الله و ما شاء فعل و كويس انها فلوس و راحت بس مش لاقدر الله معاها نفوس
ثانيا : انا لا اعيب على السياره و لا قائدها لكن العيب في الطرق
ثالثا : انا شغلى في اسماعيليه و ساكن في اسكندريه و في مره نصحني صديق الله يحرقه اني اخد الدولي و قعد يقولي الدولي و العالمي و البتاع لحد ما ركبت الطريق من بورسعيد الساعه 9 بالليل كده وانا الحمد لله عندي زينون عالي و واطي و شبوره و عينك ماتشوف الا النور ياراجل فيه من ضمنهم كوبري قصير يادوب ماطلع و منزل و الله العظيم ماشي عليه بحسس و هوب ديييييب لقيت نفسي بعدي خندق بعرض الكوبري كله و شويه بعديها الطريق سالك باه وانا بجري باه و كان عادي سواد الاسفلت قدامي وهووووب مفيش اسود فيه ابيض ( الرمل ) والحمد لله لحقت نفسي ملف عادي كده بدون اي مقدمات وده غير ان جوز الفرد اللي قدام عملوا بلالين عقبال ماوصلت اسكندريه ..... انت عارف لما جيت اروح بعدها اسكندريه من على الصحراوي خط سيري العادي قمت فاتح الكاميرا فيديو و صورتيلوا الطريق مصر اسكندريه الصحراوي عامل ازاي بالليل و انا على كلمه واحده طول مانا بصور ( لو بتاعكوا ده دولي امال ده ايه يلالالالا يبقى طريق كوني ياد ؟؟؟)
الخلاصه الف حمد و شكر ليك يارب على نجاتك و احمد الله
( موضوع الاخوان لا تعليق عليه عشان انا ده ظني دايما فيهم انهم يعملوا اكتر من كده )