عرض للطباعة
السلام عليكم
الحمد لله انا جبت الصنى الجديدة 2014 و بصراحة العربية جميلة
بس انا خايف من السرقات المنتشرة فى البلد
ناس كتير قالتلى متخليش حد يلعب فى كهربة العربية و كفاية قوى الامبولايزر و ناس تانية تقولى العربيات بتتسرق حتى فى وجود الامبولايزر ولازم تركب انذار
السؤال لكل اصحاب و خبراء الصنى تنصحونى اركب انذار ولا لأ و لو اركبه اركبه عند مين و نوعه ايه و اسعاره ايه
شكرا مقدما
انا محتار زيك بالضبط و اتقالي ماتخليش حد يلعب في الضفيرة حتي لو التوكيل و الكلام ده بس انت كده كده قدامك التوكيل بس اللي تركب فيه عشان ماتخرجش من الضمان و نستني راي الناس نركب انذار ولا لا
انا بفكر اعمل مفتاح فصل طرمبة البنزين
هو انا لو ركبت انذار برة التوكيل هطلع من الضمان؟
حاول تركب انذار كلم التوكيل و شوف ينفع تركب انذار ولا لا ؟؟ لان كل دى عوامل بتقلل نسبه السرقه تكتر وقتها عشان لقدر الله ممكن تتقطر مثلا و ربك الى بيسترها
الايموبلايزر اقوي من جهاز الانذار
وصعب فك تشفيره لانه مرتبط بكنترول العربية
جهاز الانذار هايمنع اي حد من فتح العربية و الدخول لكن مش هايمنع العربية تدور بنفس قوة الايموبلايزر
محدش يركب إنذار في العربية، علشان ببساطة العربية فيها إنذار
واللي عنده الأنذار مش متفعل، بيتفعل في التوكيل
انا معرفش ان العربية فيها انذار اصلا
فين دة
ريحو دماغكو وهاتو قفل للدريكسيون
يعنى عربيتك روحت فعلت الانذار هناك!!!!اقتباس:
المشاركة الأصلية كتبت بواسطة د.هشام
وهل ركبولك اللمبه بتاعة الانذار
لما تقفل العربية بالريموت المفروض تلاقي لمبة الlmmobilizer تطفي وتنور لمدة ٣٠ ثانية ثم تثبت. لو معملش كدة ولقيته ثابت من الأول يبقى الانذار محتاج يتفعل في التوكيل، وعلى فكرة الموضوع ده قتل بحثا في المنتدى هنا.اقتباس:
المشاركة الأصلية كتبت بواسطة edodahab
اولا العربيه فيها انذار
ثانيا ..الايموبيلايزر احسن طبعا لانه يمنع اداره السياره الا بالمفتاح المشفر
انا عربيتي كان الانذار متفعل فيها من الأول، بس ناس كتيرة هنا في المنتدى فعلوا الإنذار في التوكيلاقتباس:
المشاركة الأصلية كتبت بواسطة amr011111
ومافيش لمبة للإنذار، والإنذار بيشتغل بعد فتح الباب من غير المفتاح بعد تقريبا ٣٠ ثانية عن طريق صوت الكلاكس
ممكن اللينكات يا د هشام
معلش هتعبك
اخوك د محمد موسى اخصائى جراحة اطفال
http://www.nilemotors.net/Nile/33762...post3874827209
يا باشا مافيش تعب ولا حاجة، إحنا إخوات
جزاك الله خيرا
فعلتت الانذار فى اوتو ايجيبت مجانا فى شهر مارس الماضى
الاندار اللى مدمج فى العربية بيتفعل فى التوكيل لانه للاسف غير مفعل للفئة ex واوتو ايجيبت بيفعلوه مجانا - انا فعلته فى صيانه الالف كيلو - ووظيفته انه بيصدر صوت كلاكس متواصل عند فتح الباب بدون الريموت او كسر الزجاج وفتح الباب من الداخل ولا يتوقف الا بعد قفله عن طريق ريموت العربية.
اما عن جهاز اندار اضافى - فستكون وظيفته بجانب الخاصية الاساسية لانذار المدمج فى العربية انه يصدر تنبيه متواصل عند محاولة العبث بالسيارة من الداخل او محاولة فتحها عنوة وهى خاصية لا توجد فى الانذار المدمج وانصح به ولابد من تركيبه داخل التوكيل حتى لا تخرج ضيفيرة الكهرباء خارج الضمان واعتقد مودرن ايجيبت بيركبوه لكن اوتو ايجيب لا.
شكلك بتبيع الاقفال دى يا كوتشاقتباس:
المشاركة الأصلية كتبت بواسطة mohamed2013201
هههههههههههههههههه
دلنى بقى على قفل كويس عشان اجيبه
ههههههههههههههه
توكل علي الله لأن العربية كويسة وركبه في مودرن ايجيبت بيتركب بحوالي 600 جنيه.....أنا مركبتش ومعتقدش إني هركب لإني شايف إن الحرامي اللي هيقدر يسرق عربية فيها امبوايزر يقدر يسكت اجدعها انذار في الدنيا......سلمها لله وألف مبروك....العربية معايا والله زي الفل وكل يوم بقتنع إني حطيت فلوسي في حاجة تستاهل