عرض للطباعة
السلام عليكم
كل سنه وانتووو طيبين وينعاد عليكم بخير ي رب :)
نخش في الموضوع انا محتار بقالي اكتر من شهرين كل شويا برايي
عايز حد يخلصني من الحيره دي
بسمع ان المزدا تحفه وثبات عااالي واداء وعزل وكله تمااام وناس تانيه بتقول ابعد عنها !!! وفي نفس الوقت مش بشوفها في الشارع كتير خايف منها بسبب الموضوع دا
البومة حلوه وكل حاجة بس مزدا 3 افصل بكتير في نظري بس الميزه انها موجوده زي الرز في الشارع ومتخوفش
الشارك تماام شكل واداء وياباني بس برضو حاسس انه قليل في الشارع زي المزدا 3
ساعدوني بقى
بص الشارك وحشة جدا جدا في مصر و حتى نزلوا عليها الشكل القديم "البومة".. البومة بقت تنزل موديلات 2013 و 2014. فـانسى الشارك خالص و عن تجربة. المازدا 3 عربية محترمة جدا جدا و ادائها عالي ينافس بجدارة في الفئة بتاعتها زي الفورد فوكس و جيتا و الانترا و سيراتو. عربية محترمة جدا و مش هتندم لو جبتها.
البومة كويسة جدا برضو بس خلاص بقى قدمت شكلا و موضوعا, فقيرة من جوه و من بره. المازدة جذابة جدا جوه و بره و كمالياتها أعلى و اشيك و أكيد أحسن من اللانسر البومة :)
كلام حضرتك صح ومنطقي بصراحه 10 \10 بس انااللي مخوفني من المزدا قلتها في السوق هل دا هيضايقني بعد كدا ولا لا علما اني مش هتفرق معايا سعر اعاده البيع اهم حاجة الاقي قطع الغيار ومش كل شويا تعطل دي اعم حاجةاقتباس:
المشاركة الأصلية كتبت بواسطة americanmuscle
قطع غيار المازدا متوفرة في التوكيل و عدم انتشار العربية مش عشان هي وحشة او حاجة, بس أنت السوق بتاعك بيركز فقط مع الهيونداي و الكيا و الشفيرلوت أكتر شيء و الناس في مصر بتدقق اوي في موضوع سعر اعادة البيع. عربية جميلة جدا و أنا لما سقتها محستش إنها مختلفة خالص عن الفوكس اللي معايا.
طيب وانتا ايه رايك الشكل القديم ولا الجديد من حيث الثبات والاعتماديه والاستهلاك وسعر قطع الغيار وهل قطع الغيار في التوكيل بس ولا ممكن الاقيلها براا وايه اخبار اسعار التوكيلاقتباس:
المشاركة الأصلية كتبت بواسطة americanmuscle
في رايي لو بتدور علي قطع غيار رخيصة وسعر اعادة بيع يبقي البومة لو بتدور علي ركوبة وارتفاع اسعار قطع الغيار و اعادة بيع ضعيفة يبقي الشارك يليها المازدا 3
يعني ابعد عن المزدا ؟؟؟اقتباس:
المشاركة الأصلية كتبت بواسطة m i d o
المازدا عربيه محترمه بس متنفعش فى مصر
اقتباس:
المشاركة الأصلية كتبت بواسطة yaser adel
شكل قديم و جديد عن الانسر ولا المازدا. لو المازدا انا معرفش صراحة الشكل القديم دا و لو الانسر يبقى البومة بدون كلام.
اقتباس:
المشاركة الأصلية كتبت بواسطة mohamed2013201
مقولة متنفعش في مصر دي - مع احترامي ليك - بتبقى المقصود بيها ان العربية مش منتشرة و مش هتعرف تبيعها. استاذ ياسر قال ان مش هامه سعر اعادة البيع فاعتقد هو عايز يجيب عربية تعيش مهاه و مفيش كلام طبعا ان مازدا من الشركات المحترمة جدا جدا في اليابان و سيارتها معمرة و بتستحمل الشوارع الزبالة اللي عندنا.
و قطع غيارها اعلى من الكوري اكيد لكن اقل من الاروبي و الامريكي. يعني في النص و دا اعتقد مناسب جدا للكثير. و على فكرة مازدا الشكل الجديد 2014 هو هو بتاع 2010 باختلاف الفوانيس فدا انا مش بعتبره فرق. العربية فوق الممتازة و لا يصح مقارنتها بالبومة
ايوه انا اقصد انها مش منتشره وتقيله فى البيع:fdsa:اقتباس:
المشاركة الأصلية كتبت بواسطة AmericanMuscle
اولا نخرج الشارك من المقارنة لانها فيها عيوب المازد3 من حيث سعر قطع الغيار وإعادة البيع وفى نفس الوقت المازدا تتفوق عليها فى الشكل والأداء,
وانا لم فكرت أشتري قارنت بين البومة والمازدا3 وفى الاخر وجدت إن المقارنة لصالح البومة لعدة أسباب منها اسعار قطع الغيار ووجود بدائل كتير لقطع الغيار وإعادة البيع وصالون أوسع وسهولة الصيانة وإنتشار أكتر
لكن لو مش فارق معاك الحاجات دي توكل على الله وهات المازدا3
وماتنساش صلاة الإستخارة.
المازدا عربية محترمة جدااا بس الشارك بياعة اكتر ومنتشرة اكتر وسوق اعادة بيعها احسن من المازدا وبالتالي قطع غيار ارخص رغم ان ال 2 اصلا غالييناقتباس:
المشاركة الأصلية كتبت بواسطة yaser adel
لاحظو أن المازدا ضيقة و شنطتها صغيرة.
اقتباس:
المشاركة الأصلية كتبت بواسطة americanmuscle
هو حضرتك ركبت الشارك ؟
ليه وحشه ؟؟
سعر قطع غيار الشارك قريبه جدا من البومه على فكره وكمان موفره عن البومه لان سير الكاتينهاقتباس:
المشاركة الأصلية كتبت بواسطة khaled82
جنزير والبوجيهات بلاتينيوم ومفيهاش زيت بور يتغير
ده غير العفشه الملتى لينك عمله ثبات رهيب فى العربيه زى ما تكون راكب المانى
البومه صوت العقل اعاده بيع سهله و قطع غيار متوفره
انا دخلت اعلق على الموضوع بس بصراحه الكلام إللى فيه استفزني ... هما شايفين الشارك وحشه خلاص تبقى وحشهاقتباس:
المشاركة الأصلية كتبت بواسطة m_marwan
وعلى الرغم من ذلك الأخوة إللى بيقولوا الشارك وحشه بدون قسم إللى فيكوا هايركب الشارك هاى لاين ويسوقها خمس دقايق أشك انه هاينزل منها ... شارك ايه إللى وحشه ... وبومة ايه إللى أحسن من الشارك ... ياريت إللى يقيم يجرب الاول
بالظبط كدهاقتباس:
المشاركة الأصلية كتبت بواسطة just_magdy1
ده موضوع من زميل لينا هنا بالصدفة جرب الشارك
http://www.nilemotors.net/Nile/84266-2009.html
والله انا احترت خاالص بسبب موضوع العربيه دااقتباس:
المشاركة الأصلية كتبت بواسطة m_marwan
طيب ... نفسي اعرف حاجة واحدة بس
البوووومة أحسن من الشاااارك من أي إتجاه بالظبط ؟؟؟!!!
هو حضرتك هتشتريها جديده ولا مستعمله
لو جديده مفيش مازدا من 2011 غبور وقف توزيعها عشان يسوق الالنترا ودي غلطة الشركة الام انها تسيب توكيلها مع شركة زي غبور
الشارك الموديل الجديد من البومه يعنى بكل المقاييس احسن بكتير ماعدا قطع الغيار وسعر اعادة البيع
ياريت Mr/ AmericanMuscle يوضحلنا ايه وجهة نظره فى انها وحشه جدا
لو مستعمل يبقى حالة العربية هى اللى تفرق البومه اكتر عربية مستعمله عمليه وبعدها المازدا والشارك زي بعض بس اسعار قطع غيار المازدا اغلى شويه والكنبه الخلفيه اضيق من الشارك بس شكل المازدا فى رأي احلى
انا كنت داخل اقول اني برشح الشارك ثم المازدا وبعدهم البومة وبس...
انما لما لقيت الكلام العجيب عن الشارك اتنرفزت جدا... يعني اول مرة اعرف ان البومة احسن من الشارك... واول مرة اعرف ان الشارك وحشة جدا جدا... وان الشارك فيها عيوب... وان الشارك اقل من المازدا في الشكل والاداء!!!!!!
ايه ده؟؟؟ هي الناس دي ركبت الشارك اصلا ولا بيهرجوا؟؟؟؟
الشارك 'تكتسح" البومة على جميع الاصعدة وبدون الدخول في تفاصيل فلا يجوز مقارنتها بالبومة من اساسه... تتقارن بالمازدا اللي هي ممتازة جدا بس برضه هتيجي بعد الشارك في الثبات والوسع والشياكة (اذواق) وكماليات الهايلاين والانتشار وامكانية التعديل فيما بعد لنسخ رياضية زي الجي تي او الايفولوشن... المازدا تتفوق بفرق بسيط في الفرامل اللي انا شفت انها في مستوى فرامل الفانتازيا بالظبط...
انما اللي مجربش الشارك وبيقول اي حاجة يروح يركب الهايلاين ويسوقها وياخد غرز ويجري ويعمل اللي نفسه فيه وهو هيرجع هنا يقولنا انها عربية ياباني لا تقل عن اي الماني في الفئة دي غير في العزل فقط لاغير...
راي المازدا
شارك تكسب طبعا البومه بمراحل عن تجربه للاثنين كتير