العربية لحد الان عامل بيها اكثر من 5000وممتازةبس عيبها الوحيد عدم الثبات بعد سرعة 140كم
عرض للطباعة
العربية لحد الان عامل بيها اكثر من 5000وممتازةبس عيبها الوحيد عدم الثبات بعد سرعة 140كم
العربية بسم الله ما شاء الله حلوة ..
وصفقة كويسة من نيسان ...
المشكلة اللي فيها بتاعت الفرامل .. مش من نيسان خالص ... المشكلة ان التيل مصنوع من مواد صديقة للبيئة .. يعني recycle والنوع ده مش النوع بتاع الهرس والبهدلة اللي في الطرق المصرية .. اللي الواحد فيها بيستخدم الفرامل اكتر ما بيدوس على البنزين ..
والشركة فعلا من الشكاوى بدأت تغير نوعية التيل والطنابير على حسابها .. وانا ده حصل معايا في اوتو ايجبت .. بصراحة ناس محترمة ..
ولو اني لسه في عندي مشكله في صوت الفرامل .. بس بيحاولوا انه يخلصوا ليه المشكلة .. وربنا يسهل ..
دعاواتكم اني ما اسمعش اصوات تاني ... :) قصدي فرامل :)
ربنا يطمنكم ويفرحكم كمان وكمان :)
انا معايا العربية من سنة تقريبا والله العربية الحمد الله زى الفل وبروح بيها الشغل كل يوم مدينة اكتوبر ومعنديش فيها مشاكل وما شاء الله العربية انتشرت بشكل كبير جدا فى مصر واكيد الانتشار دة وراه سبب ايجابى فى العربية وانا قولت كدة فى اكتر من تعليق وفعلا كما قال الاعضاء ان المشكلة ان الناس مركبتش العربية وبتفتى ياريت التعليق يكون من الملاك فقط علشان الموضوعية والامانة
بعد التحيه ..
كما كل الاخوه الافاضل تفضلوا بالمشاركه ان كل من اساء لهذه السياره فالحقيقه انه لم يجربها و لا يعرف شىء عنها ... او فقط غير معجب بالشكل الخارجى ودى مسأله اذواق ...
لكن الحقيقه و الامر الواقع انها بأختصار سياره best money value كقيمه للنقود ... للسيارت الجديده اليوم فى رنج 115 الف ...
لذلك مبيعاتها ناجحه جدا و دا افضل رد عملى ... كذلك التوكيل و شبكه الموزعين اكتر من ممتاز ...
و اذا كان كاوتش الجديده سئ فممكن ببساطه يتغير بالفين جم يعنى مش قصه !! كذلك التيل ...
غير كد لا وجود لعيوب فنيه ...
و عن تجربتى للشكل القديم من 2007 فهى عمليه جدا و حماره شغل بمعنى الكلمه و عافشه متينه جدا تناسب شوارعنا لانى اخذت كميه مطبات على سرعات عاليه تخرب اجدع عافشه .. و كل ما اروح التوكيل بكشف على العافشه جيد جدا و يكون الرد انها بحالتها و حتى اليوم لم اغير شىء فيها ...
و عن تجربتى للشكل الجديد ... فملاحظاتى انها كعفشه اطرى شويه و افضل / موتور موفر للبنزين عن السابقه / اوسع من الداخل / كتصميم عاجبنى جدا / فرامل اقوى / باور انعم ...
و كقيمه اعاده بيع مقبوله جدا ... انا اشتريت زيرو ب 97 الف من 2007 ... و اليوم رنجها حوالى 72 الف ...
مبروك عليك ... استمتع بها و لا تلتفت لكلام الناس :)
تحياتى ...
السلام عليكم
أنا واحد من الناس اللى بيدور على عربية فى رنج 115 - 120 و بعد بحث مطول قدرت احصر تفكيرى ما بين نيو صنى و بيجو 301 ... لكن من اكتر الحاجات اللى تعبانى من ناحية الصنى (و من الناس اللى مجربنها..انا عمرى ما ركبت صنى) انى اشترى عربية و يبقى لازم اغيرلها طنابير و تيل و كاوتش ... هيجننى ان تكون عربية جديدة و اشتغل فيها كده
اعذرونى...انا عاوز اشترى و ارتاح برده شويه من مشاوير التوكيل و الميكانيكية :)
والله يا أخي أنا معايا الصني الجديدة وعامل بيها حوالي 11000 كم ومظهرتش معايا مشكلة التيل والطنابير......أول امبارح كنت في التوكيل بعمل صيانة ال 10000 كم والمهندس قالي التيل بحاله والطنابير سليمة.....عموما استخير ربنا في قرارك بس متنساش مساويء البيجو ( قطع غيار غالية- قطع غيار غير متوفرة- خسارة كبيرة في حالة البيع- وكيل غير ملتزم شويه).