ان شاء الله النهاردة رايح ادفع حجز الياريس في محمد الهواري بالمهندسين محدش يا جماعه عنده اي حاجة ممكن يقولهالي
واخر كلام يا جماعة يا ملاك الياريس لو رجعت تاني علشان تختار بين الياريس واللانسر حتختار مين فيهم
عرض للطباعة
ان شاء الله النهاردة رايح ادفع حجز الياريس في محمد الهواري بالمهندسين محدش يا جماعه عنده اي حاجة ممكن يقولهالي
واخر كلام يا جماعة يا ملاك الياريس لو رجعت تاني علشان تختار بين الياريس واللانسر حتختار مين فيهم
الف مبرووووووووووووووووووك على الحجز وعقبال الاستلام
لو هرجع اختار هختار الياريس تانى
انت شكلك لسا متردد استخير الله قبل ما تروح المشوار وربنا يقدم الخير لك
التردد مش كويس
اعمل صلاة استخاره ثم توكل على الله وروح ادفع فلوس حجز الياريس
وربنا يجعلها مباركه باذن الله
بص انا واحد معايا لانسر 1600 اوتوماتيك
لو رجع بيا الزمان لوراء ممكن اختار ياريس لسبب واحد وهوه استهلاكها للبنزبن المنخفض عن الانسر
الانسر بتعمل مع تشغيل التكيف +شويه حرق وتشغيل الds بتعمل 160 فى الصفيحه
من غير حرق تعمل وتشغيل التكيف تعمل 170 -180 فى الصفيحه
من غير تكيف تعمل 190 -200 فى الصفيحه
بره البلد عملت معايا 270 فى الصفيحه 6 راكبين العربيه +الشنطه مليانه +تشغيل التكيف طول الطريق وسرعه 100 كم 80 % من الطريق 12 %120 من الطريق كم 3 %140 -130 كم من الطريق
انا بقولك الارقام ده علشان اى حد معاه ياريس يوضحلك استهلاك الياريس عامل ازاى بالانسبه للانسر
بس الصراحه الانسر عجبانى عن الياريس علشان اوسع واكبر فى الحجم وكمان الصاج اجمد والتابلوه عادى مش فى النصف ,واثبت على الطريق فوق كل ده 1600 سى سى بفتيس CVT
طبعا الياريس فيها مميزات و اكيد الناس اهل الياريس هيفدوك فيها اكتر منى
حازم باشا خضر معاة ياريس وهو اكتر واحد خبير فالمنتدى ممكن يفيدك
لو رجعت هختار الياريس طبعا ولو رجعت الف مرة هاختارها طبعا (الا الانسر الاسبورت سوبر اكشن)
والف مبروووك على الياريس
روح احجز واستمتع بعربيتك ومتخليش اى حد يضايقك بلانسر ولا بياريس
العربيات دى كلها حلوة واى عربية جديدة بتبقى جميلة جدا
لو 1300 يارس طبعا
بس لو 1600 لانسر بس لازم لازم لازم لازم مانويل مستحيل اتوماتيك
1- انا شايف ان عنوان الموضوع يدل على اعجابك الشديد بالعربيه
ان لم يكن يدل على امتلاكك لها
على الرغم من العنوان لكن الموضوع نفسه يدل ان انت لسه محتااار بينها و بين الياريس اسمحلى اقول انى شايف ان فى تناقض شويه فى النقطه دى
2- بالنسبه للحيره اللى حضرتك فيها فانا راى الشخصى يااااااااريس
توكل علي الله و مش حتندم.
و شكرا يا بودي علي مجاملتك الرقيقه :)
صلي استخارة وبأذن الله ربنا يهديك للي فيه الخير ليك